تفسير احلام الحوامل

[برميت]

رد: تفسير احلام الحوامل ((2))

مرحبا مره ثانيه
انا مو من نوعي اني احلم وايد ..بس بالفترة الاخيره مخي فيه شي بس حلم ورى حلم ماكو شغل لوووول

اليوم حلمانه ان ياني طير ايهبل شكله اينن زووغه ..ماكو منه بالصج ..جنه ورده على طير
لونه ازرق على بنفسجي ..اشحلاته مشاءالله
جان اقول حق اختي اقدر اتكلم مع الطير ..و اهي تضحك علي و انا كنت اتغشمر مو من صجي
جان اقوله روح و راح .اقوله تعال و يه
و قرب مني لدرجه انه نسم الطير شميتها ..حتى لما قعدت من النوم حسيت بريحته

اتمنى تفسرينه لي
والله يجزاج كل خير

 

[MISS_RoOosha]

رد: تفسير احلام الحوامل ((2))

السلام عليكم
قوه ام وليد يعطيج الف عافيه عالموضوع هاذا بصراحه احلام الحامل ماتخلص من كثر ماتفكر باللي ابطنها ,, ههههههههه
انا رفيجتي قبل يومين حلمت فيني وتقول اني كنت لابسه ابيض بابيض كان شكلي واااااايد يشوق وكانت بطني كبيره وكانت كل ماتطالعني يشع من ويهي نور لي درجه انها تسكر عيونها.. وكانت اهي ماسكه بايدها 3 وردات ثنتين حمر ووحده بيضا والبيضا كانت بالنص فسالتني اي ورده تبين قتلها البيضه قالت حق منو بتعطينها حطيت الورده على بطني وقتلها راح اعطيها حق ولدي وان الوردتين الحمر كانو على طاوله وبس رحت ولمستهم بايدي صارو بيض..

مشكوره ام وليد وان شالله كل اجر لج حبيبتي ماتقصرين عالتفسير

 

[باش مهندسة]

رد: تفسير احلام الحوامل ((2))

السلام عليكم أم وليد

أم وليد آنا حماتي حلمانه إني ولدت وتقول شافت البيبي وأهو يطلع ويبت ولد سميته عبدالله..

وآنا حلمت عقبها بفترة إني والدة ويبت بنت وقعدت أسبوع بيت خالتي لما رديت بيتنا ولا إختي وادة ومحد قالي وآنا حاطة البيبي بالأرض ولافتها بلفة وردية وأمي تقولي سمي البيبي عبدالعزيز جان أقولها أخوي وولد إختي اسمهم عبدالعزيز مابي وقلتلها أصلا زوجي يبي يسميها يوسف!!

مع إن بالحلم البيبي بنت وقاعدين نختار أسامي صبيان وأصلا بالصج زوجي مايبي يوسف يبي إسم ثاني حق الصبي..

ياليت تفسريلي يالحبيبة والله يعطيج العافية

 

[البدينيه]

رد: تفسير احلام الحوامل ((2))

مرحبا ام وليد الله يعينج
ام وليد ياليت تفسرين حلمي الاول
لاني حلمت بعدها بيوم اني بغرفة الولاده وعندي السستر ومادري شنو فيني وفجاه فتح زوجي الدريشه وهي تطل على الناس الزوار واقوله سكر الدريشه وقال لي ابي اشوف جثة ولدي وخفت حيل وقمت من النوم

 

[GreenApple]

رد: تفسير احلام الحوامل ((2))

على فكره حللت بعدها بيوم طلعت حامل

 

[##سبحان الله##]

رد: تفسير احلام الحوامل ((2))

جزاج الله خير ام وليد صديقتي تتمنى يخطبها واحد معين اهو صديق اخوها <<واهو حلمان انه يبي تطعيم واهي تييب سلة كلها خيز وتوكله ( عرفت هالحلم عن طريق اخته )

واهي حلمانه انها لابسة جوتي ( وانتي بكرامة ) جديد

 

[صدى الأفراح]

رد: تفسير احلام الحوامل ((2))

او وليد حياتي ناطرتك فسريلي حلمي والله عنار بستناكي بصفحه 22 ماتتأخري علي

 

[سمسومه]

رد: تفسير احلام الحوامل ((2))

ووووووووواااااااااووووووووووووووو ماشالله زحمة أحلام ... الله يجعل أحلامكم خير
و يجزاها خير المفسره أو وليد

 

[kit kat]

رد: تفسير احلام الحوامل ((2))

السلام عليكم،،،

شلونك اختي؟؟ انا متابعة لك وشكرا لمجهودك الحلو مع البنات وتفسير احلامهم،،

من بعد اذنك ابي اسألك عن حلم

انا متزوجة من 9 شهور بس والحمدلله للحين الله ما كتب الحمل

بس زوجي اليوم لما قعد النوم قالي انه حلم فيني اني حامل

اتمنى تفسيرك للحلم وشكرا

 

[د.مشمش]

رد: تفسير احلام الحوامل ((2))

بانتظارك اختي

يعطيك العافية ام وليد
انا مافسرتي حملي يالغالية طفتي عنه
بانتظارك وجزاك الله خير

 

[د.مشمش]

رد: تفسير احلام الحوامل ((2))

ناطرينك اختي ام وليد
وسامحينا لو ثقلنا عليك
وكمان انا بكل فترات حملي احلم ببنات صغار كتير حلوين
بيض وعيونهم زرقاء
اكتر من مرة حلمت هيك

:krkrkr::krkrkr:

 

[ام وليد hamood]

رد: تفسير احلام الحوامل ((2))

السلام عليكم
حبيبتى انا من حملت والحين لي 6 شهور دايم احلم اني رايحه مع اخواني واهلي عمره او حج ودايم اصلي او اروح اماكن دينيه
او تلاقيني احلم يطلع لي بريعصي او سلحفاة
شنو معناته ياليت على الخاص
جزاج الله خير

حبيبتي باذن الله راح تيبين ولد يحب العلم والله اعلم .

 

[ام وليد hamood]

رد: تفسير احلام الحوامل ((2))

السلام عليكم ورحمه الله وبركاته اختي ام وليد اتمنى تفسرين حلمي
*انا دايما احلم اني والده وعندي بنت
* و قبل لا ادري اني حامل حلمت انه انا بالمستشفى والده ويبت بنت جميله ونطقت البنت واهيا رضيعه وقالت سميني ياسين ..
*وباجي احلامي هم عندي بنت رضيعه مولوده انها بنتي .. لي امس حلمانه اني ولدت ويبت البنت بس اقول شلون ما حسيت بالولاده والمها واقول اشلون ولدت وناسيه كل شئ يعني بالحلم بس والده بس ما عشت تجربت الولاده والبنت ما شاء الله عليها حلوه وتفهم .. ورفيجتي تسالني متى ولادتج قلتلها معاج ويوم صكيت التلفون من رفيجتي قلت اشلون ما قلتلها اني ولدت والبنت بايدي .. وعمتي هم شافتني وسالتني متى تولدين ولا اطالع بطني ولا نفس حجمه الحين بس اسال شلون وانا ولدت وخلصت..ورحت بيتنا ولا عمتي الثانيه واهيا ملتزمه وايد من كثر مو فرحانه اني والده سوتلي اكل وكانت قاعده يم الغاز جان ينفجر وشب شوي نار بس ما حرقتها وشوي وهم سمعت صورت انفجار ثاني واهيا وايد مرتاحه يعني مو خايفه من الغاز
*ان شاء الله حلمي واضح ..
*انا حامل بالسادس وبدخل السابع وبالسونار فيني بنيه ولله الحمد وانا ريلي ناطرينها بفارغ الصبر عمتي الاولى انا ما احاجيها بسبه مشاكل والثانيه احبها وما في زعل بينا

ان شاء الله بنت ... وفي خبر راح تسمعينه وينتقل هالخبر من شخص ليي شخص والله اعلم .

 

[ام وليد hamood]

رد: تفسير احلام الحوامل ((2))

أول شي اشتقتلك كيفك؟؟؟كنت حابه تفسريلي حلمي يوم حللت وطلعت حامل كنت حلمانه اني بمحل ذهب بس كل الذهب عنده سلاسل على شكل صليب وسألت ماما حكتلي ان الصليب نصره ويومها حللت وطلعت حامل مابعرف صحيح هالحكي؟؟؟

وبدي تفسريلي حلمي اليوم الله لا يهينك بجد انا مستغربه منه استغفر الله يارب استغفر الله يارب شفت أبوي الله يرحمه بالحلم بس استغفر الله بمداعبه جنسيه معاي والله نفسيتي تعبانه من هالحلم وبعدها شفت ان زوجي بدل غرفتنا البنيه بلون أبيض أو دهنها أبيض ومت من البكي بالحلم لأني مابدي اللون الأبيض بترجاكي تفسريلي هالحلم مزاجي متعكر منه من الصبح وهل له علاقه بحملي انا حامل بالشهر الخامس

هلا فيج حبيبتي اشتاقتلج العافية ياارب ... والحلمين يدلون على الولد باذن الله والله اعلم .

 

[ام وليد hamood]

رد: تفسير احلام الحوامل ((2))

السلام عليكم ام وليد يعطيج العافيه
انا حامل بالرابع وحلمت بوقت الفجر
كنت على ولاده وعندي خدامتي وقاعده اقول لها بولد وهي ماتعرف شنو تسوي وطلعت من غرفة نومي وعند الباب نزل دم واجد وولدت وبعدها ارتحت حيل وعطيتها الجنين وكانه بالحلم ولد والخدامه لاعت جبدها وقلت لها بسرعه حطيه بفوطه

اذا منتي مو حاطه ببالج نوع الجنين كللش .. فا تفسير حلمج بنت ان شاء الرحمن .. والله اعلم.

 

[ام وليد hamood]

رد: تفسير احلام الحوامل ((2))

يعطييج العافيه حبيبتي ام ولييد ...

انا حامل

حلمت ان عمتي معطيتني شبكه ذهب قلادة وخاتم وكانت هديه منها واخذتها وانا مستانسه

للعلم عمتي عندهااا 6 صبيان

باذن الله ولد والله اعلم .

 

[ام وليد hamood]

رد: تفسير احلام الحوامل ((2))

انا حلمت اني مخطوبه والخطبه عن طريق عمتي وانا حامل وبالشهر الاول وجني مطلقه وانا مخطوبه مو بنت ارجو التفسير والله يجزاااج خير

ان شاء الله حياة مسؤليه وحمل بولد والله اعلم .

 

[ام وليد hamood]

رد: تفسير احلام الحوامل ((2))

السلام عليكم...


شلونج حبيبتي...


حلمت قبل يومين إن عندي بيبي ولد قاعد عند يدتي الله يخليها لي وآنا واقفه وأطالعه كان شكله حلو وآنا أقول لهم يشبه ولد عمتي محمد بس ابتسم لي البيبي وكان له أربع أنياب اثنين فوق واثنين تحت وبس


وسلامتج

معنى الحلم يدل ان يدتج وايد شايله همج وتحاتيج والله اعلم .

 

[ام وليد hamood]

رد: تفسير احلام الحوامل ((2))

هلا حبيبتي ام وليد
حلمت ان عمتي كانت واقفه برا البيت بتركب السياره وتقولي شو يابت بنت خالج نوره قلت ولد قالت خذي هاذي ساعه عطيها اياها وشوي اشوف وحده من حمياتي تطالعني من بعيد بعد هي واقفه برا تنطر سياره جاي لها غرض المهم وبعدين ركبت عمتي السياره مع ريلي وولدها وبنتها متزوجه معاها ولدها بعد وراحو وهم فرحانين ويوم صديت اشوف حميتي وين سارت اشوفها دخلت البيت

معنى الحلم يدل على اذا بنت خالتج حامل راح تحمل بسرعه واذا مو حامل راح تحمل باذن الله والله اعلم .

 

[ام وليد hamood]

رد: تفسير احلام الحوامل ((2))

السلام عليكم . أول شي أنا مو حامل . حلمت اختي اني ولدت بنتين توأم وكانت اختي موجودة أثناء الولادة وكنت قاعدة أشرح لها طريقة الولادة . وسميت وحدة ريمة والثانية ديمة . (مع العلم اني سبق أجهضت توائم)

عندج باذن فرج ووحمل جديد والله اعلم .