تفسير احلام الحوامل

[كويتيه كيوووت*]

رد: تفسير احلام الحوامل ((2))

بنات ام وليد ويييييييييييييييييييييييييييييييييييييين

 

[white888]

رد: تفسير احلام الحوامل ((2))

انا حامل بالشهر التاسع

وحلمت اني شريت طاولة دائرية ملبوسة بمخمل لونه اخضر

ياليت تفسرين لي حلمي

 

[درة أهل الطولات]

رد: تفسير احلام الحوامل ((2))

ام وليييييييييييييييييييييييييييييييييييييييييييييييييييييييييييييييييييييييييييد


وينج؟؟

 

[ام وليد hamood]

رد: تفسير احلام الحوامل ((2))

السلام عليكم ....
انا حامل وتحلمت ان امي ماخذتني لسوق الذهب اقولها يما اشتري كف ذهب حق بنتي
قالت امي بنتج صغبره لي كبرت اشتريلها وامي شرتلي اسوار ذهب نفس اسواره عندي بس ذهب صافي مافيه فصوص
واعجبتي حيل بس قلتله يما ليش تشترينها ب500 قالت انا من زمان بنفسي لج ....



وامس حلمت انا وحماتي بنروح الحج مع بعض وبنفس الحلم قاعد اقول اكيد تفسير الحلم بتجيب ولد مثلي ..
مع العلم ماادري شنو فبطني وحماتي حامل بعدي بشهر ؟؟

حبيبتي اذا كانت الاسواره صغيره او مثل السلسال يعني بنت اذا كانت مثل المضعد يعني ولد .. والحلم الثاني يدل على امنيه تحقق لج ولحماتج والله اعلم .

 

[ام وليد hamood]

رد: تفسير احلام الحوامل ((2))

هاي أم وليد
أنا حلمت إنه أبو زوجي سأل زوجي عن دبلته وقاله ضايعه
وبعدين عطاه دبله وقاله خلها بإيدك على طول لابسها
؟؟؟؟؟ شنو تفسيره عفيه

ان شاء الله حمل ببنت والله اعلم .

 

[ام وليد hamood]

رد: تفسير احلام الحوامل ((2))

انا امس حلمت في سمك فرش مطلعينه من البحر كانت بس سمكتين

معناه ولد والله اعلم .

 

[ام وليد hamood]

رد: تفسير احلام الحوامل ((2))

اشلووونج ام وليد

شخبارج ،، اذييييتج

ما فسرتي لي حلمي بصفحه 16

ناطرتج حبيبتي

حبيبتي اذا تقدرين تكتبيه مره ثانيه ... لو سمحتي .

 

[ام وليد hamood]

رد: تفسير احلام الحوامل ((2))

السلام عليكم الحمدلله على السلامة ام وليد

حلمت اني ولت وجيت ولد وكنت مستانسة ومو مصدقة واقول لازم اتأكد بنفسي انه ولد ودخلت عليه الغرفة وشفت اعضاءه التناسلية الا صج ولد وحمدت ربي وسجدت سجدة شكر.

معنى الحلم يدل على بنت والله اعلم .

 

[ام وليد hamood]

رد: تفسير احلام الحوامل ((2))

السلام اشلونج ام وليد امس حلمت ان زوجي من غير ملابس على السرير وله عضوين ذكريين خليته بالغرفه وطلعت غرفه ثانيه كنت في بنت حسيت انها بنتي كنت ابي انومها قمت اقراء عليها المعوذات قمت تقرها معاي بس مخربطه وانا اقراها صج لين رجعت واسكتت البنت مولده يعني عمره شهرين تقريبا

حبيبتي معنى الحلم يدل على فرج ان شاء الله وزيادة في المال والله اعلم .

 

[ام وليد hamood]

رد: تفسير احلام الحوامل ((2))

السلام عليكم

انا حلمت اني كنت في سياره وشفت بوك ابوي وتلفون نقال فتحت البوك لقيت فلوس وصور والصوره اللي ركزت عليها صورة ولد اختي شنو يعني؟

ان شاء الله حامل بولد والله اعلم .

 

[ام وليد hamood]

رد: تفسير احلام الحوامل ((2))

السلام عليكم ام وليد انا احلامي وايد والله يعينج علي
اول حلم حلمت اني قاعده على طاولة طعام مع عمي ابو زوجي وزوجي وعيالي اثنين وكانوا ماذيني بالشطانه فقالي عمي انا كلمت امي امس وقالتلي اذا انتي تعبانه يبي اغراضج وروحي نامي عندها وامه اساسا متوفيه مارديت وبيني وبين نفسي اقول متوفيه شلون انام عندها
والحلم الثاني اني ولدت في يوم13/9 يعني مبجر عن ولاتي وبيدي بنت بس كانت موحلوه وشعرها منتف نص فيه ونص لا جنها حالقينها ومعورينها مبين زلوغ دم على راسها وصعارير وايدضاق خلقي عليها بس كنت احاول اتقبلها لان امي قالتلي توها مولوده راح تتغير
والحلم الثالث اني على الفراش وجني احتضر وتشهدت وقلت حق اعيالي وريلي استودعتكم الله الذي لا تضيع اماناته وتوفيت
وحلمت ان يايني عمات ريلي يبون تفاح ورحت اقصص لهم ووزع عليهم وعلي بناتهم
والحلم الاخير ان حماتي حلمانه فيني لابسه لبس عروس ابيض فيه وردي على اساس بيسون لي حفله ثانيه
واسفه اذيتج باحلامي بس ان شاء الله كله في ميزان حسناتج

حبيبتي انتي الظاهر تعبانه من حملج او مثقل عليج وايد وقاعده تحاتين عيالج والله اعلم .

 

[ام وليد hamood]

رد: تفسير احلام الحوامل ((2))

وينج يا ام وليد من طول الغيبات ............
انا حلمت كانه جتني دراعه هديه من مصر وكانت حلوه لونها احمر باصفر وعليها كريستال شوارفسكي وكأن خامتها كودري البارد وكنت انا مستانسه اني اقيسها .... يالله ياعمري ناطرين التفسير

ان شاء الله بنت والله اعلم .

 

[درة أهل الطولات]

رد: تفسير احلام الحوامل ((2))

ببجـــــــــي

 

[ام وليد hamood]

رد: تفسير احلام الحوامل ((2))

السلام عليكم اختي جزاج الله خير

عندي حلمين الاول

حلمت انه كنت انا وزوجي رايحين السوق وجدامنا طاوله كلها مطاطير حلوين عجبوني ثنتين

انا اخذت وحده وكانت خالتي وراي (اخت امي) جان ااشر لها مطاره يعني تبينها قالت لا مابيها ونزلتها


حلمي الثاني حلمت بسلة مطاطير وحده بيج ووحده سوده بس اشكالهم حلوه وتهبل حيل شريت وحده لأمي

والمره الثانيه بيوم ثاني حلمت بالسله السوده لانه كان نفسي فيها فشريتها بالمره الثانيه ..


مع العلم انا حامل بالشهر السابع ..

وشكراً

احلامج كلها تدل على حملج ببنت والله اعلم .

 

[ام وليد hamood]

رد: تفسير احلام الحوامل ((2))

يعطيج العافيه يا ام وليد
انا الحين حامل شهر ونص رحت مراجعتي طلع الجنين ميت
رديت البيت وصليت وحمدت ربي وشكرته وقلت الخيره فيما اختاره الله ونمت
جان احلم ان في صالتي قفص كبير لونه احمر وفيه عصفورين يهبلون وبناتي
يلعبون معاهم سالت بناتي منو جابهم قالولي ابوي جابهم جان اصلي بالصاله والعصافير يطيرون حوالي ومو خايفين مني
ولا انا وبناتي خايفين منهم

ان شاء الله ربي راح يعوضج خير وراح تحملين بسرعه والله اعلم .

 

[ام وليد hamood]

رد: تفسير احلام الحوامل ((2))

يعطيج العافيه ام وليد...
تحلمت وانا بالشهر الثالث ان بايدي علبه حمرا مخمل بطلتها لقيت فيها اسواره ذهب بس مو اصفر حيل وعليه فص واحد الماس واعطيه اختي الكبيره اقولها تعالي اخذيه لاتخافين وهي حدها مستانسه.
يليت تفسرينه...

ان شاء الله ولد والله اعلم .

 

[ام وليد hamood]

رد: تفسير احلام الحوامل ((2))

انا حامل بالشهر السابع تحلمت ان زوجي لابس شحاطتي الفضيه ويتمشي فيها

ممكن تفسرين لي الحلم

باذن الله بنت والله اعلم .

 

[ام وليد hamood]

رد: تفسير احلام الحوامل ((2))

ام وليد انا بالشهر السادس حلمت ان وحده من رفيجاتي يابت لي هديه
صندوق فيه 3 خواتم فضه وكان شكلهم مثل دبله الرياييل يعني مو حق حريم
ولفت نظري خاتم واحد منهم لان كان احلى واحد بينهم

شنو تفسيره

بنت ان شاء الله والله اعلم .

 

[درة أهل الطولات]

رد: تفسير احلام الحوامل ((2))

اب اب اب

 

[ام وليد hamood]

رد: تفسير احلام الحوامل ((2))

ام وليد ثقلت عليج بس انا حلمانة ان قلم pic الازرق العادي يطلع من فخذي

وشعري بالحلم نصه الفوق قصيته كاريه بس رديت ولميته عنقوص جزء قصير وجزء طويل << للعلم شعري طويل

انا حامل بالشهر الثاني

ولد ان شاء الله والله اعلم