تفسير احلام الحوامل

[السيده الصغيره]

رد: تفسير احلام الحوامل ((2))

بنات بريعصي يعني شنوووو زهيوي ولااا شنو بالضبط ترااا ما فرق؟؟ ارجو التوضيح لاني حلمت جذي

 

[قلبي ابيض]

رد: تفسير احلام الحوامل ((2))

بنات بريعصي يعني شنوووو زهيوي ولااا شنو بالضبط ترااا ما فرق؟؟ ارجو التوضيح لاني حلمت جذي

البريعصي اللي يمشي على طوفة الحوش :dddds: جنة تمساح بس كبر لصبع :dddds:

 

[ام وليد hamood]

رد: تفسير احلام الحوامل ((2))

حبيبتي حلمانه بحلم وايد متاذيه منه كل ماافكر فيه احس اتي برجع وانتي بكرامه.
حلمانه اني حامل ويتني الولاده جان يخدروني ويولدوني قيصريه فتحت عيني ولا امي وخالتي ام ريلي جدامي قلت لهم شصار قالو ولدتي وانتي شلونج قلت تمام قعدت اسولف ماسئلت عن البيبي جان استوعب قلت وين عيالي التوم جان يتوترون امي وخالتي وقالولي انتي شلونج احسن جان تخنقني العبره وابجي جان تقولي امي انا خاشتلج واحد من التوم الي ما مات بس كان بيموت والثاني ميت ماخذينه جان ابجي اقول ليش شفيهم جان اشوف ايده مو مكتمله وفيه الشفه الارنبيه قلت فتحولي عيينه فتحولي عينه ولا عينه خضررر جان اقول اشوا انتاجي حلو عيون خضرر وكان البيبي ابيض ومدمؤ بدم ولافينه بخرجه بيضه وقعدت وانا مخنوقه حدي.(مع العلم ني حامل بالشهر الثالث وعندي بنوته)

حبيبتي هذي اضغاث احلام .

 

[ام وليد hamood]

رد: تفسير احلام الحوامل ((2))

السلام عليكم

الله يجزاج خير ام وليد على تفسيرج احلامي
وسبق وقلت لج اني متزوجه لكن ماعندي عيال
حلمت اني متزوجه زوج حماتي وهو بالحلم صاير مطوع ووحده من بناتها صايره بنتي

ويعطيج العافيه مقدماً​

ان شاااااااء الله حمال لج والله اعلم .

 

[ام وليد hamood]

رد: تفسير احلام الحوامل ((2))

السلام عليكم

انا مو حامل وتوني اجهضت بس ريلي حلمان اب بعزى امه واهوا قاعد يبجي بجي عادي مو صراخ اوشي مع العلم انه امه ميته من 3 سنين ؟

راح ايي له فرج وسعاده بعد ياس والله اعلم .

 

[ام وليد hamood]

رد: تفسير احلام الحوامل ((2))

ام الوليد الله يعطيك الخير ياريت تفسري لي حلمي لاني تعبت ادور ع التفسير



انا حامل بالشهر التاسع وهذا اول حمل لي وحلمت قبل كم يوم ان شغاله عمتى(ام زوجي) تساعدني عشان انام فسرير مثل سرير المستشفى ونمت ولما قمت حصلت ما فيني كرش يعني ولدت قمت فرحانه ونزلت لطابق الاول وشفت ولد صغير تقريبا عمره سنتين وكنت اسال نفسي هذا ولدي؟ بعدين تذكرت انه ولد وحده من بنات العائله وهو في الحقيقه متعلق فيني كثير وسالته وين عمتي قال فالبيت الثاني ورحت البيت الثاني وفتحت كل الغرف وما حصلت احد ورجعت للبيت اللي كنت فيه وسالته مره ثانيه وين عمتي قال في الحوش ورحت وراء البيت وحصلت عمتي تطبخ في قدر كبير لحم وكأنه يوم عيد وكانت فرحانه وسالتها عمتي انا ولدت؟ قالت ايوه قلت لها ايش جبت ولد او بنت قالت بنت قلت وينها قالت في السياره افتحيها بتحصلي كم طفل وبتحصلي فسقف السياره شريط يخبرك اي طفل هو بنتك ودخلت السياره وحصلت اطفال بنات واولاد شفت ع الشريط وعرفت اي وحده بنتي وخذيتها كانت حلوه قمر وشبه اختي الصغيره بس كان سنها ما يدل انها الحين مولوده كان عمرها كانها سنين او اكثر شوي
اخذت الطفله وخرجت من السياره وسالت عمتي عن زوجي قالت طلع بالسياره ودخلت البيت بس كانه تحول وصار قصر وشوي شفت زوجي رجع وكان معاه ولد تقريبا عمره فوق 12 سنه وشايل مصاصه وجاء معي داخل القصر وسالته وين زوجي قال الحين بيجي يوقف السياره وشوي ودخل زوجي وقلت له اني ولدت وجبت بنت وكنت فرحانه وانا اخبره شاف علي وع البنت وابتسم



وحلمت اليوم اني راكبه عند اخوي بسيارته كورولا بيضاء وكان يسوق السياره وبعدين نزل وخلاني قال بيرجع بعد شوي وركب سياره ثانيه وانا كرت السياره ومشيت شوي واشر لي بيده بما معناه لا لاتسوقي وقفي


فنتظار تفسيرك لاحلامي

احلامج تدل على فرج ان شاء الله وعلى تحقيق امنيه كبيره انتي تتمنينها وحمل بولد والله اعلم .

 

[ام وليد hamood]

رد: تفسير احلام الحوامل ((2))

السلام عليكم شلونج ام وليد انا هذي اول مشاركه لي واتمنى تفيديني (( انا حامل الحين بالشهر السابع وحلمت ع الشهر السادس او الخامس اني رايحه مع اختي ورجلها في مكان فيه براحه والمكان هذا قدام بيت اهلي وكنت بجيب نعولي واختي ورجلها قالو احنا بروح وانتي الحقينا لان المكان الي فيه نعالي فيه حيه وهم خايفين فرحت انا وشفت حيه طويله جمب خشبه وخذيت نعالي وانا خايفه وعقب تحركت الحيه بس ما اذتني
والحلم الثاني ان فيه حيه كبيره قاعده وطالع فيني انا وبنت اختي الصغيره وانا اصعد الدرج بسرعه لاني خايفه لا تسوي لنا شي وطلعت بنت اختي من فتحه لامها وانا كنت بطلع وراها والحيه تطالع فينا وقاعده بمكانها
والحلم الثالث تحلمت فيني اختي ان اخوي داق يبشرها اني ولدت وجبت ولد بس ولدت بالثامن
سامحيني طولت عليج بس تكفين فيديني لاني لحد الحين ما عرفت شنو نوع البيبي الي فبطني ان شالله يكون لهلاحلام تفسير

معنى حلمج يدل على البنت والله اعلم .

 

[ام وليد hamood]

رد: تفسير احلام الحوامل ((2))

ام وليد الله يسامحج والله ماخذة على خاطري منج
مرتين طنشتي حلمي ، تفسرين اللي فوقي واللي تحتي وانا لا:0bee2e8d89:
مادري ليش شنو حلمي مو زين او شنو
انا حامل وحلمت اني رايحة بشتري لبس يهال بنات واحترت بلبسين الاصفر والاحمر اختي قالتي بالتلفون اخذي الاصفر بس انا عجبني الاحمر وخذيتة . لما طلعت مريت محل جواتي رياييل فشفت امي بالمحل قاعدة تشتري قالت اذا شريتي يعطيج جوتي هدية فشفتها تأخذ جوتي اسود وابيض وانا اشوف البياع راح اييب جوتي اسود الهدية قمت ابتسم .
وحلمي الثاني حلمت اني دخلت لمخزن بالسطح وادور شي بين الغراض فلقيت بالتجوري خردة ولقيت خيط صوف مال الخياطة لونة ازرق وعلية صورت دببة قلت الله ابي هذا بخلية يمكن احتاجة .
عالعموم مشكورة

انا ما اطنش احلام احد .. واذا مو زين اقول لا تفسرينه ... واذا مافسرته اما انج كتبتي المشاركه بالنص او اني اكون مو شايفتها .....
ومعنى حلمج يدل على على الولد .. والله اعلم .

 

[ام وليد hamood]

رد: تفسير احلام الحوامل ((2))

السلاااام عليكم
لو ماعليج امر ام وليييييد
تفسرين حلمي!


حلمت ان انا قاعده على سفرة الاكل واللي قاعدين معاي اهل زوجي واهلي وكنا انتعشا عيش وسمج !!


ومشكووووووره مقدمااااا

معناه رزقه ماليه باذن الله والله اعلم .

 

[ام وليد hamood]

رد: تفسير احلام الحوامل ((2))

السلام عليكم ام وليد ماعليج امر ممكن تفسرين لي حلمي
حلمت ان زوج خالتي اللي اهي اخت امي يايب لي حصان صغير وقالي هذي هديه وحافظي عليها انا قلت له بس اخاف يروح مثل الحصان اللي قبله قالي لا لاتحاتين هالمره غير انتي بس لقني الحصان سورة البقرة وشوفي اشلون انه راح يضل وبس
مع العلم اني باول حمل لي اجهضت بالشهر 3 والحين انا حامل بالشهر الخامس واسفه لاني طولت عليج .

ان شاء االله ولد والله اعلم .

 

[ام وليد hamood]

رد: تفسير احلام الحوامل ((2))

السلام عليكم ورحمه الله وبركاته

انا حامل بالرابع حاليا.

حلمت بالكعبه الشريفه وكان حواليها بنات لا بسين عرس وكنت بصور الكعبه بس خفت يطلعون البنات بالتصوير فهونت وشفت مقام ابراهيم طايح ورحت ابي اعدله وكنت اركض ابي اعدله بس الارضيه كانت خشنه وتعور ارجولي خاصه وانا حافيه بس تذكرت اني حامل وماقدر
اشيله ابروحي وطلعت ولقيت برااا بوفيه كامل وشفت وحده اعرفها كانت سبب لي في مشكله في يوم من الايام ومعاها جارتها بس ما عرفها وكانت تاشر وتقول هذي للحين مستانسه ومايفيد فيها شي اسويه؟؟؟ وشاكره لج

معنى الحلم يدل على نصره بعد ظلم وتحقيق المراد باذن الله بعد عده متعاب وصعوبات والله اعلم .

 

[ام وليد hamood]

رد: تفسير احلام الحوامل ((2))

حلمت اني رايحة محل حلويات وكان عندة تفاح كثير ويجنن شكلة واخذت وحدة واكلتها
والحلم الثاني اني ولدت وبالمستشفى بس امي قاعدة على السرير المستشفى واقول لها شنو بنت او ولد شان تقول الله اكبر واعصب واقول ترى ما اضحك شنو قالت ولد وافتح حفاضتة بتاكد الا ولد وكنت لابسة دشداشة بيضة مالت النفاس

ان شاء الله ولد والله اعلم .

 

[ام وليد hamood]

رد: تفسير احلام الحوامل ((2))

انا سافرت الخبر طبعا بالسياره فكان تعب علي من كثر مانا خايفه

حلمت يومين ورا بعض ان ينزل علي دم وانا ميته من البكي

حبيبتي هذي اضغاث احلام .. والله اعلم .

 

[ام وليد hamood]

رد: تفسير احلام الحوامل ((2))

السلام عليكم ... يعطيج العافيه او وليد

انا صآر لي فتره اتمنى احمل وهالشهر هذآ تحلمت انه فيه قطوه بيضاء جنها نطت علي وتشبثت بشعري وانا ابي اوخرها .. والحلم الثآني كآني انا وبنتي نايمين في سريري ونشوف قطوه بيضاء ببني تقريبا تمشي وتطآلعنا واقول حق بنتي لاتخافين ماراح تسوي لنا شئ وكنا متغطين بالكفر والا زهيوين صغآآآر يمشون عليه

اما الحلم الثالث .. كآن الدكتوره تسوي لي سونآر دآخلي وانا أطالع السونار وواضح شغله بيضاء صغيره جهة اليسار اسفل البطن كآنها تقولي شوفي فيه حمل

ويآآرب يكون بشرى للحمل

ومشكوره ويجزآج الله الف خير

ان شاااء الله حمل قريييب والله اعلم .

 

[ام وليد hamood]

رد: تفسير احلام الحوامل ((2))

مرحبا ام وليد ... حماتي حامل بالشهر التاسع ... تقول حلمت ان انا رحت ازورها .. ولا القاها مسويه ورق عنب و ماكلته
و اقولها الله ورق عنب و لا تقولين لي لا تزعليين انا شايلتلك بالثلاجه لانه ادري تحبينه

ممكن اعرف التفسير ؟

ورق العنب بالحلم رزق .... والله اعلم .

 

[ام وليد hamood]

رد: تفسير احلام الحوامل ((2))

قوووووووووووووووووووووووووة لا تنسناااااااااااااااااااااااااااااااااااااااااااااااااااااااااااااا


عسى ما شررررررررررر


شنو هالغيبة

والله تعباااااانه .. اسناني حدها تعورني

 

[فري كويت]

رد: تفسير احلام الحوامل ((2))

السلام عليكم

انا حامل بالخامس

حلمت مرة كأني في سوق ولقيت سلتين صغار (مثل سلة الشباصات الصغار تنحط على التواليت) لونهم بيج وفيها ورود تطريز حييييل اعجبوني بس ما شريتها

وشكرا

 

[ام وليد hamood]

رد: تفسير احلام الحوامل ((2))

مرحبا ام وليد.... بليز ام وليد فسري لي حلمي

بقولك على حلمي اول ماحملت تحلمت اني ملكه على زوجي واليوم عرسنا وكنت حامل منه بالحلم بعد وانا ملكه عليه ورحت الصالون دخلت الحمام حسيت بدم نزل معاي خفت اني اسقط بعدين قلت لا هذا الدم شكله دم دوره ورحت اسال الصالونه انا حامل شلون ينزل معاي دم قالت عادي فيه حوامل ينزل معاهم دم قلت اشوا يعني ماراح اسقط...

والحلم الثاني زوجي تحلم انه شاف ولدنا يقول شفته وهو صغير وكان جالس على الكرسي توه مولود ويضحك
...

وعاد يوم دخلت الخامس رحت سويت سونار وقالت لي بنت بس نبي نتاكد وبعد ماسويت سونار بعدها بكم يوم حلمت اني سويت سونار مره ثانيه عشان نتاكد يوم سوينا السونار انا وزوجي نشوف الجنين ملامحه واضحه كانه مولود صارله كم شهر واقوله اول مره اشوف جنين ملامحه واضحه وحلو كان شكل الجنين واقول شكلها بنت يمكن شوف ملامحها يقول مدري يمكن بنت نبي نتاكد عاد الدكتوره بالحلم ماردت لنا خبر بنت او ولد

احلامج تدل على الولد والله اعلم .

 

[ام وليد hamood]

رد: تفسير احلام الحوامل ((2))

تعبت وانا احط حلمي كل اشويييييييييييييييييييييييييي السلام عليكم ورحمه الله وبركاته

انا حامل بالرابع حاليا.

حلمت بالكعبه الشريفه وكان حواليها بنات لا بسين عرس وكنت بصور الكعبه بس خفت يطلعون البنات بالتصوير فهونت وشفت مقام ابراهيم طايح ورحت ابي اعدله وكنت اركض ابي اعدله بس الارضيه كانت خشنه وتعور ارجولي خاصه وانا حافيه بس تذكرت اني حامل وماقدر
اشيله ابروحي وطلعت ولقيت برااا بوفيه كامل وشفت وحده اعرفها كانت سبب لي في مشكله في يوم من الايام ومعاها جارتها بس ما عرفها وكانت تاشر وتقول هذي للحين مستانسه ومايفيد فيها شي اسويه؟؟؟ وشاكره لج

تم تفسييييره .........والله تعبانه وحالتي مايعلم فيها الا ربي .

 

[سنعه بس مظلومه]

رد: تفسير احلام الحوامل ((2))

يآرب يآآآكريم ياذا الجلال والمنه أسالك بهذا الشهر الفضيل ان تنعم على اختنا ام وليد بالصحه والعافيه وترزقها الذريه الصالحه الباااره يارب اشكرك جزيل الشكر والله يبشرج بالجنه يالغاليه