تفضـلوا عالكرسي الاحمــــر -- الخطبــــه وتفاصيلــها من تجاربنــا --

[TbOoLa_77]

~ مدخـــــــل :

وش هاللذي عيني تشوفه ..
وجه البدر او مطلع الشمس .. ؟!
الله يامحلا وصوفه ..
بالحسن هذا ببصم بخمس }​

كل وحده فينا بوقت الخطبه تحسينها شايله الدنيا على راسها :eh_s(2):
<< طبعا الخطبه اللي تكون بحضور العريس

تسأل عن كل حركه تسويها

مشيتها .. قعدتها .. نظراتها .. ابتسامتها.. صوتها

شنو تسأل ؟! .. واشلون تجاوب ..! :gr4uu:

المطلوب كل وحده مرت بهالتجربه سواء صار نصيب بينهم او لا تسطر لنا تجربتها

وتجاوب عالاسئله نساعد فيها البنات اللي على ويه زواج

1- لما دخلتي عليهم والمعرس كان موجود سلمتي عليه ؟ واذا اي .. اشلون طريقة سلامج ؟

2- وين قعدتي بين اللي قاعدين ؟

3- كنتي تردين عالاسئله الموجهه لج ولا تخلين الوالده تقوم بالمهمه ؟ :weight_lift:

4- وفي حال قعدوكم يم بعض :s141: .. شنو كانت اسئلته ؟ وشنو سألتيه :080402ask_prv:

5- شنو المقاييس اللي اعتمدتي عليها عشان تحكمين عالريال ( طريقة كلامه - عطره - ساعته ... الخ ) ؟

6- نصيحـــه منج حق البنــات بهاليوم
وسلامة عمركم وتعيشون وعسـى الله يسخرلنا رياييلنا :wqedqw:​

~ مخرج :​

ان هبت النسمه تلوفه
خايف يصيبه منها مس
لا لا ماتمل العين شوفه
لا اليوم ولاباكر ولا امس }​

 

[GA GA]

اانا سلمت ع امه وخالته واهو كان قاعد عند خالته بس طنشته

ماصارتلي دقيقتين الا انا منحاااااااااااشه

كنت قاعده بعيد عنه لاكلمته ولاكلمني ولا شفته

صج صج احرااااااااااج


وبالتووووووووفيق يارب

 

[TbOoLa_77]

لما دخلتي عليهم والمعرس كان موجود سلمتي عليه ؟ واذا اي .. اشلون طريقة سلامج ؟

لما دخلت عليهم المعرس بطوله وقف طبعا انا قلبي طاح افبطني
لان طولي شبرين رغم اني لابسه كعب هم خفت
طبعا بقول السلام عليكم من الخرعه قلت السلام عليك بس الحمدلله محد استوعب

وين قعدتي بين اللي قاعدين ؟
قعدت بويه امي عشان تلاحظ فيني كل شي وتعطيني ملاحظتها << طبعا اعتمد على لغة العيون لوووول _03BA:
وصار اهوه وامه على يساري

كنتي تردين عالاسئله الموجهه لج ولا تخلين الوالده تقوم بالمهمه ؟
اي كنت ارد عليها بثقه وصوت مسموع وماكنت ابتسم وايد الا حق خالتي ابتسامات خفيفه

وفي حال قعدوكم يم بعض .. شنو كانت اسئلته ؟ وشنو سألتيه
سألني عن دراستي و وين ناويه اتوظف
و سألني سؤال حسيته داش عرض شوي لووول >> وين سافرت وين احلى ديره رحت لها :080402ask_prv:
وقام يتكلم عن نفسه ومن خلال كلامه اقعد اسأله بس اكثر شي اهوه تكلم عن نفسه


شنو المقاييس اللي اعتمدتي عليها عشان تحكمين عالريال ( طريقة كلامه - عطره - ساعته ... الخ ) ؟
كل شــــــــــي لووول طبعا تكرمون الجوتي الساعه الغتره نسفتها اظافره
كان واهوه يسولف مايطالعني فخذيت راحتي شوي :eh_s(20):

نصيحـــه منج حق البنــات بهاليوم
خلج ناعمه بالميك اب .. وانيـــــــــــــــقه بلبسج
مشتيج خلي فيها ثقه ودايما رزي نفسج يعني خلي ظهرج مفرود وانتي قاعده :eh_s(15):


طبعا بنات مابقى شي على ملجتي ادعولي الله يحقق لي اللي افبالي ويسهلي اموري :eh_s(7):

 

[الرماسيه]

رد : تفضـلوا عالكرسي الاحمــــر -- الخطبــــه وتفاصيلــها من تجاربنــا --

انا مو متزوجه بس اتحلم هههههههههه

 

[TbOoLa_77]

ga ga
يسلموووو عالمرور حبيبتي

الرمااسيه
عسى الله يوفقج ويرزقج ياللي يحطج بعيونه

 

[**miss 3sola**]

رد : تفضـلوا عالكرسي الاحمــــر -- الخطبــــه وتفاصيلــها من تجاربنــا --

انا طبعا غير شوي لوول دخلت وامه وخواته موجودين اهوا ماكن موجود لانه طلبوه يشوفوني وسئلوني بالاول اسئله يعني يمكن ماقدر اجاوب عنها جدام الولد ولمى قالو الولد بيدخل انا رقصت من الرجفه لووووووووووووووووول المهم دش سلام عليكم ومايدري انا وين لانه لون بدلتي نفس القنفات هههههههههههههههه طبعا ولىىى سؤال سال بس نظره وانا خزيته وامه تقوله اسئلها واهوا موراضي يسئل بس يكلمم اخته واخته تقولي شنو قال قهر يعني ليش تحج
وامه تقولي اذا تبين شي اسئليه عادي ترا حلال هذا زواج مولعبه وانا بقلبي اقول خلي يسال اهوا بالاول عشان انا اسئل وطلبتت امه اني اقدمه العصير طبعا بالاحلام وامي اشوفه تحوس وتقعد ماتدري وين تروح لوووول مشتطه لوول وميته من االخوف طبعا وانا طالعه دعمت الطاوله لووولماعتمدت على شي المهم انه يكون شكله مرتب ومقبول
وسوري طولت عليكم

 

[Om_Ksha]

ما مريت بهالتجربه لما امر فيها اقولكم

 

[ضايعة بدنيتي]

رد : تفضـلوا عالكرسي الاحمــــر -- الخطبــــه وتفاصيلــها من تجاربنــا --


ههههههههههههههه

انا مريت فيها بس ما صار نصيب

كان هو وامه وخالاته الثنتين

اول ما دخلت قلت السلام عليكم وهو منحرج ويرتجف مادري شخلى لي

بس شكله ما كان مرتب مسوي بعمره ديرتي ستايل على دشداشة وغتره ههههههههه

بس هو سااااااااااااكت ما سأل بالرغم من المحاولات من خالته وامه وخلوه يجلس بالكرسي الي جمبي << يعني صدقني يعني

اخر شي طلعت وماعجبني الموقف بكبره

ادعو لي ربي يرزقني بالزوج الصالح يا بنات وابشركم بخطوبتي

 

[سارووونه22]

ههههههههههه ماذكر عدل لانه يومها كنت سهرانه وادعي ربي بس يرحون بس اذكر اهوه سلم علي وانا رديت بغصب وبعدها قعد يسولف لي عن نفسه وانا ساكته لين قمت ورحت داري من كثر ماكنت مستحيه

 

[bal8es]

up
up
up
<< حزب الطماااشه

 

[رفيف الورد]

up
up
up

من حزب الطماشه

الله يبارك لكم بحياتكم ويحقق لكم كل اللي يتمناه قلبكم يا حبيباتي ويرزقكم ويرزقني وياكم بالزواج بالزوج الصالح يا بنات المنتدى عاجلا غير آجلا آمين يا رب العالمين

 

[TbOoLa_77]

مس عسوله بدعتي لوووووووووووووووول

تسلموون بنوتات نوووتووو الموضوع

عسى الله يرزقك كل البنوتات بالنصيب الصالح

 

[GA GA]

لا من صجج اهو مستحي بعد ماسلمت عليه نحشت ماتكلمنا نهائيااااا لما نحشت امه تناديني تقووووووووووووولي تعالي تعالي قعدي بحظني امبيييييييييييييييه صج فشله

والله اول ماقعدت ع الكرسي ماصارت دقيقتين ونحشت وعيني ع الرخام هههههههههههههههههههههههههه

 

[TbOoLa_77]

هههههههههههههههههههههههههههههههه

من صجج !!!!! عيل ماشفتي منه شي :dddds:

 

[GA GA]

اي ولاشي لابعد انا الي شارطه ان فيه خطبه

هههههههههههههههههههه عشان اشوفه ويشوفني ههههههههه

بس شفته يوم الفحص وحطيت عيني بعينه <<<كنت سرحانه

وفجاه الا امي تقرصني قلتها شفيج قالت شفيج تخزينه قلتلها اخز منو قالت تخزين ريلج بعد منو طلع ريلي وانا مادري ههههههههه

والله احرااااااج

 

[RoWaIsHeDyA]

رد : تفضـلوا عالكرسي الاحمــــر -- الخطبــــه وتفاصيلــها من تجاربنــا --

هههههههههههههههههههههههههههه
ياكثر السوالف الي تصير
مره دخلت ولا امه وخواته وخالاته مو مخلين احد بالبيت خزوا خزززززززز لين قالوا بس واذكر بيومها عديت الرخام الي في بيتنا كله حفظته وكل طابوقه فيه وسالوني وين بتوظف ومتي بخلص جم عمري وجم نسبتي واذا في مانع اسكن عندهم وامه وامي يسولفون وخالتي مع خالاته وخواته بس يطالعون وبعد نص ساعه قمت بروحي وصعدت غرفتي بدلت ملابسي وطلعت من البيت <<< ماعجبني الجو
واتذكر كل البنات اهني موصينا الي لي الحين ماتزوجنا على الشوز تكرمون واذا مسوي بدكير ولا اظافره وصخين والساعه يعني فصفصي الريال ان قدرتي والفال لنا يارب

 

[Tom ♥ Jerry]

.



1- لما دخلتي عليهم والمعرس كان موجود سلمتي عليه ؟ واذا اي .. اشلون طريقة سلامج ؟

قلت السلآم و سلمت على أمه و أختهآ كآنت يايه معآهآ من المستحااا و الخوف كنت بسلم على أمي > شكو مآدري

2- وين قعدتي بين اللي قاعدين ؟

قعدت أأأأأأأأخر الصآله كاااااك كلهم بصوب و انا بصوب

3- كنتي تردين عالاسئله الموجهه لج ولا تخلين الوالده تقوم بالمهمه ؟

مآ سئلوني اسئله لأنه كآنوآ يعرفون كل شي عني .. بس كآنوآ يايين عشان النظره الشرعيه

4- وفي حال قعدوكم يم بعض .. شنو كانت اسئلته ؟ وشنو سألتيه

مآ قعدنآ يم بعض الحمد لله

5- شنو المقاييس اللي اعتمدتي عليها عشان تحكمين عالريال ( طريقة كلامه - عطره - ساعته ... الخ ) ؟

اخلاقه و اسلوبه و هم شكله لوول

6- نصيحـــه منج حق البنــات بهاليوم

أممم الله يوفقكمـ كلكمـ .. =)

.

 

[So0oKaRa]

1- لما دخلتي عليهم والمعرس كان موجود سلمتي عليه ؟ واذا اي .. اشلون طريقة سلامج ؟

المعرس دايما يكون قاعد على جنب وبعيد عن اهله فأول ما ادش اقول السلام عليكم واسلم على امه وخواته واقعد وما اسلم عليه شخصيا
2- وين قعدتي بين اللي قاعدين ؟

اقعد عند امي اكيد
3- كنتي تردين عالاسئله الموجهه لج ولا تخلين الوالده تقوم بالمهمه ؟

لو السؤال موجهه لي اكيد لازم انا اللي اجاوب

4- وفي حال قعدوكم يم بعض .. شنو كانت اسئلته ؟ وشنو سألتيه

طبعا الريال اهو اللي لازم يبدي بالاسئله يقول جم عمرج وين تشتغلين شنو تدرسين شنو شروطج تسوقين ولا لا ترضين تلبسين عبايه تحطين مكياج لما تطلعين ومن هالاسئله
وانا اسئله عن شغله مثلا يدخن ولا لاء .. وبشكل عام اول قعده لنا ماحب اسئل لانه بنظري اول جلسه تكون تعارف شكلي فقط لاغير بس لو عجبني وعجبته كشكل الزياره الثانيه اسئله على كيفي

5- شنو المقاييس اللي اعتمدتي عليها عشان تحكمين عالريال ( طريقة كلامه - عطره - ساعته ... الخ ) ؟

اسلوبه وطريقه كلامه وتكرمون جوتيه لوووووووووووووووول
لانه طول الوقت منزله راسي واطالع جوتييه لو شفته نظيف ويلمع يعني الريال نظيف ومرتب لوووووول

6- نصيحـــه منج حق البنــات بهاليوم

الحيا والادب اهم شي
بس لا تزيدين بالمستحى ترى في وايد رياييل مايحبون المره اللي تكون حيييييييل خجوله ويادوب تتحجى
في بعض البنات على اساس انهم مستحين حتى ما يتكلمون وطول الوقت يرجفون ياربي ترى مو حرب كلها خطبه خلكم طبيعين ولا تخافون وايد
والله يوفق الجميع يارب

 

[غالية زمانها]

1- لما دخلتي عليهم والمعرس كان موجود سلمتي عليه ؟ واذا اي .. اشلون طريقة سلامج ؟

سلمت على امه واخته ويدته ومرت خاله .. واهو طاااااااف .. لاني ماعرفت شاقول لوووووووول
خفت اقول اشلونك ؟؟ يقعد يقرق وانا بروووحي مستحيه ...

2- وين قعدتي بين اللي قاعدين ؟

قعدت بقنفه بروحي .. بس يكون اهو على يساري .. واهله على يميني .. يعني مايقدرون يتكلمون او يدقوقون
لووووووووووووووووووووووووول

3- كنتي تردين عالاسئله الموجهه لج ولا تخلين الوالده تقوم بالمهمه ؟

ماسالوني كلششششششش بس كانوا يحاولون يخلونا انسسسسسسسولف

4- وفي حال قعدوكم يم بعض .. شنو كانت اسئلته ؟ وشنو سألتيه

اهو مستحي وانا بد كنت حدددددي مسسسسستحيه .

5- شنو المقاييس اللي اعتمدتي عليها عشان تحكمين عالريال ( طريقة كلامه - عطره - ساعته ... الخ ) ؟

لانه كان مايتكلم كلششش .. فحكمت من قعدته كان مرتز ..

6- نصيحـــه منج حق البنــات بهاليوم

دششششي وانتي واثقه من نفسسسسسسسج .. خففي المكياج ..
واذا لج نصيب بتاخذينه بتاخذينه ..

 

[جنى q8]

بالتوفيق يااارب
والي متوجه ربي يتمم عليها ويخليلها ريلهاا