تفضيل و محاولة تحديد نوع الجنين

[الرأي الآخر]

شنو رأيكم باللي يفضلون جنس معين و يزعلون (و احيانا يقتلون مثل بالهند و الصين) الجنين او المولود اذا كان من جنس لا يفضلونه لاسباب اقتصاديه او اجتماعيه؟

اذا عندج عيال .. هل تمنيتي نوع معين و طلع البيبي نوع ثاني؟ شنو ردة فعلج و ردة فعل زوجج و اسرتج؟ أو يمكن انج حامل و حاولتي تحددين نوع البيبي عن طريق اكل غذاء معين او ممارسة العلاقه الزوجيه بيوم معين حتى تحملي بولد او ببنت..و غيرها من الطرق اللي يقال انها تساعد في تحديد الجنين..

أنا شخصيا اعرف عوايل وايد يبون اولاد و مايبون وايد بنات .. يعني بنت وحده و الباجي اولاد .. و بعايلتي انا ادري انهم كانوا يتمنون اولاد و طلعت انا و خواتي بنات.. و بصراحه هالشي جرحني بطفولتي حتى كنت اتمنى لو اني كنت ولد .. و الحين انا ام لبنتين احبهم حب ما تتخيلون شلون..
و شفت اليوم تقرير عن الهند .. يذبحون الطفله لانها تكلفهم مهر زواجها و ما تورث ولا تييب فلوس لاسرتها (لانها تصير ملك عايلة الزوج و فلوسها كلها لزوجها و اسرته) .. و البيبي شكلها حلو و تكسر الخاطر .. امها ما تلمها و الابو شكله جنه احد قاله فيك سرطان .. كسرت خاطري البيبي البريئه .. شنو ذنبها يعني..

 

[كاميليا1]

هلاوغلا حبوبه والله ما افضل بنت ولا ولد كلهم احبهم وفيهم الخير والبركه

ونفس شي زوجي يفرح بالبنت والولد بس كبار السن يفضلون الولد

 

[دلوعه دجــه]

تبين الصراحه
احنا بمجتمع يفضل والولد عن البنت
ولكل واحد اسبابه الخاصه
عني انا افضل البناااات لانهم احلى بواجد من برود مشاعر العيال

والله يرزق كل وحده تتمني الضنى

 

[hend6363]

ا افضل لا هاذا و لا ذاك
كلهم وااحد والله العظييم
انا اتمني يكوون عندي اثنين بنات و اثنين ذكووور

عاشان احب الذكور و البنات و كل واحد يكون له اخ مثل جنسه
خخخخخخ شوفو التفكير خخخ

 

[الرأي الآخر]

الحمدلله ان ردودكم عاقله .. والله يرزقكم اللي بخاطركم

 

[ام ميميتو]

استغفرالله انا عن نفسي لما كنت حامل كنت حابه ايب بنت بس يبت ولد بالعكس ما زعلت ما كنت عارفه اني رح احبه بهالطريقه كل شي من رب العالمين نعمه تستاهل الحمد الخلقه الكامله و الصحه اهم من اي شي الله يحمي عيالنا و يجعلهم من الذريه الصالحه آميييييين

 

[منو انت]

البنات حلوين ومافي احن منهم على اهلهم وتحصلين الوحده مهما تزوجت وراحت الا علاقتها قريبه من اهلها (( هذا اغلب البنات )) مع ان في بنات تحسين معقده ماصدقت على الله تتزوج وتطلع من بيت اهلها (( بعض قلنا )) بعد العيال حلوين سند حق ابوهم وعزوه حق خواتهم والبنت بعد ماتتزوج ويصير عندها عيال يصيرون عيال بيت فلان لكن الولد اهو اللي عياله يشيلون اسمه واسم عايلتهم يعني كلهم حلوين وكلهم خير وبركه مااحد يقدر يستغني عنهم عسى الله يرزق الجميع صبيان وبنات يارب

 

[نفهمها صح]

الحمدالله علي كل حال وكل ميصيب الانسان خيره
عندي الحمدالله مفرق بين ولد وبنت وكلهم غاليين
لكن زوجي بوولدي البكر والثاني عاكسس الموجه يبي بنت
لكن بولدي ثاني كانوو زيرني بلمستشفي ناس من قريبي
وجالس زوجي يقوول انا مابغي اولاد انا مابيهم ​

رد عليه واحد الله يجزاه خير يارب
قال احمد ربك علي معطاك ليعقبك الله وياخذهم منك بغمظة عين
ويحرمك من ضني متجيب غيرهم
والله يابنات منها حرم بثالث فرح اني جبت ولد
والحمدالله اخير جبت البنت ومتضيقت ولا جبتهم وراء بعض علشان اجيب البنت
لتشووفين معارفنا يووم جبت البنت صحيح افرحووومقصرو وكان الكل يطلب لي
جزاهم الله خير
قالت قصتها

 

[Leann]

مرة كان في حلقة بطاش ما طاش عن هلموضوع

الابو عنده 4 بنات و الزوجة حامل .. هددها اذا يابت بنت بعد يتزوج عليها .. و المسكينه يابت بنت هذاك راح قام تزوج عليها وحدة صغيرة و طبعا من الحظ الحلو .. الزوجة الثانيه يابت 2 صبيان عااد الحين الريال كلش استانس و لا قام يدري عن زوجته الاولى و لا يدري وين اهي عايشة بس انها للحين على ذمته

كبروا اليهال و الصبيان الاثنين واحد صار ارهابي و الثاني تاجر مخدرات .. و يطيح الابو و يدش المستشفى و الدكتورة اللي تعالجه تطلع بنته من زوجته الاولى الي ما يدري عنها

صراحة الحلقة كانت تعور القلب و بينت شلون واقع هالمجتمع .. الحمدلله و الشكر

انا عن نفسي الخيره فيما اختاره الله .. و اليهال نعمه سواء كانوا بنات او صبيان ..