تقدرون تقولون لااااااا للخدم

[ghalaty]

السلام خواتي ابي أسالكم وأسولف وياكم عن موضوع الخدم أنا ودي أستغني عنهم بس خايفه أتملل وأرجع برايي لان صج مشاكلهم ما تخلص الي حراميه والي تدور على ريل مشاكل لها أول ما لها تالي يلا خل كل وحده تقول تقدر تستغني عنهم ولي عندها تجربه في ترتيب أمورها من غيرهم تفيدنا يعني برنامج الاستغناء عن الهم قصدي الخدم:eh_s(14):

 

[توته الحلوة]

حبوبة اذا عندج يهال صغار مافيج تستغنين عنهم الله ياخذهم
انا صارلي تقريبا اربع اشهر ما عندي الصراحة مرتاحه نفسياً
بس الي متعبني اليهال وملابسهم اذا اطلع لاتزم معاي
وسلة الغسيل ما تفضى ما شاء الله عليهم
بس على التنظيف عادي انظف البيت مرة بالاسبوع تنظيفه محترمة
وخلال الاسبوع تنظيف بسيط وانا موظفة الغذا اييبة من بيت اهلي طبعا الله يخليهم لنا .

 

[ghalaty]

توته الله يعطيج العافيه أفكارج حلوه بس أنا بيت اهلي مو قرييب مني بس اشوه اليهال مو وايد اصغار تسلمين علي مرورج وردرج ...يلااااااااا وين مشاركة باجي الخواااااات اشدعوه فيدوناااااا والا ما نستاهل

 

[دوللي]

استحاااااااله صج انهم يغثونج ويتطفلون على حياتج بس ما باليد حيله لابد منهم عنة عينهم

 

[جروح تبتسم]

واااااااااااي انا ماقدر استغنى عن الخدامه عندي دوام و3 يهال بسم الله عليهم ماشالله مطلعين عيني مع اني في بيت عمي اهل ريلي بس خدامتهم ماتلحق بيت عمي ماشالله كله على راسها وخالتي من النوع اللي مستملكه خدامتها المهم انا ماستغنى عنها ابد مع ان طباخ انا اطبخ على طوول بس هي تقص وتغسل وملابسنا اغلبها انا اكويها يااما ملابس النوم
او ملابسي الغاليه ماخليها تجيسهم ودشاديش زوجي مصبغه ... وخدامتي الحمدلله مريحتني لولا لسانها شوي يبيله قص اف قص يقصهم

 

[^كويتية^]

واااي انا رفيجتي ما شاء الله وااايد اهمه و ماعندهم خدامه
مع ان الأم تشتغل بس ماشاءالله عليها حرجه ..
الهدوم المصبغه والبجامات والهدوم الداخليه يغسلونهم اهيا وامها و يكوونهم مرتين بالاسبوع الغسيل و الغدا متعاملين ويا مطعم كل يوم اييبلهم و طباخ كويتي و شغل عدل و الصحون بلاستيك يعني حتى غسيل ممعاين ماكو و تقول ان وااايد اريح !!

 

[* مـذهـلـه *]

انا اقوووووووووووووووول لألألألألألألألألألألألألألألألألأ و مليوووووووووووووون لألألألألألألألألألألألألألألألألألألألألألألألألألأ


اللي شفته من الخدم مو شي و الحمدالله كل شغلي انا اسويه و الله لو اقعد و الدنيا معفوسه حوالي و ما اعرف اطبخ و حالتي حاله ما اسلم امري و اجيب خدامه يخسون كلهم وصخات و قليلات ادب و امهات سحور مالت عليهم ..

واي ليش تكلمتوو عن الخدم الحين شسكتني

حبيبتي ابسط شي تسوينه تخيلي العالم كله بدون خدامات امسحي من ذهنج و بالج هالشي انه خدامه ماكو و لا انوجد خدامات و انتي سوي كل شغلج اذا كانوو عيالج صغار دخليهم حضانه و الله يخلي المصبغه حق الهدوم و كل شي ينحل لا تسلمون امركم للخدم ترى يضيعونكم و الله ..
​

 

[قمر ضاوي33]

والله ممكن انك تستغنين عن الخدامة عادي ... بس يبيلك تنظيم للشغل


انا ودي استغني عن الخدامة بس انا دوامي يخلص الساعة 3 واوصل البيت مع اذان العصر ... وعندي بنتي صغيرة وما عندي احد ممكن اخليها عنده

اما على شغل البيت التنظيف مرة بالأسبوع نظغي البيت عدل مدل وباقي الأسبوع عادي من فوق لفوق وغسيل المربس شي بالمصبغة وشي بالبيت مرة كل 3 ايام واليوم الي ما فيه غسيل كوي

والطباخ ... اذا انتي مو موظفة عادي طبخي بس اذا حلاتي ما يرني الا بيت اهلي ولا المطاعم


والله يا بنات انا احنا الي تعودنا على الخدم وصرنا ربادين ... والدوام اهو الي ماخذ كل وقتنا

اختي عندها اسم الله ثلاث عيال صغار وعندها خدامتين وما تيس شي بالبيت بس اشراف ... وسافرت مع ريلها دراسة استراليا واستغنت عن الخدم حتى بعد ما ارجعت الكويت وردت دومامها ما شاء الله عليها ...


الله يفكنا منهم ان شاء الله

 

[الوردة المكنونة]

أنا ما عندي خدامه بس مو بكيفي خالتي ام زوجي مو راضيه الله يسامحها يعني ( مجبر أخاك لا بطل )

عندي بنات 2 وزوجي طريقتي من غير خدامه كالآتي :-
أقعد من النوم أغسل الحمام أرتب البيت أفوح مميات اليهال أطبخ غداي أقعد بناتي من النوم أسبحهم وأبدلهم وأحط الغدا وبعدين أغسل الصحون وأنظف المطبخ استريح لي الساعه 5 بعدين أبدي شنو عندي مثلا اليوم غسيل اسويه وبالليل أجهز العشى وعشي اليهال وأنومهم وأقعد مع ريلي شوي بعدين اجابل كمبيوتر تلفزيون لي قريب الفجر أقرا قرءان وأصلي الصبح أنام


بالإضافه إلى

السبت
أغسل ملابس البنات وأكويهم

الأحد
أغسل ملابسي وملابس زوجي

الاثنين
أكوي ملابس وملابس زوجي

الثلاثاء
انظف البيت تنظيف عميق

الأربعاء
راحــــــــــــه

الخميس
يمعت أهل زوجي

الجمعه
يمعت أهلي

طبعا مهدود حيلي بس الله كريم وقادر يفرجها

 

[ghalaty]

الله يسلمكم خواتي غلى ردودكم ويفكنى من الخدم ومشكلهم ويلا باجي الخوات وين خبراتكم

 

[^^دموع الكويت^^]

يا ريت نقدر نستغني عنهم


استغفرالله ما احبهم


واللي عندهم اعيال


لا تخلون اعيالكم عند الخدم والله قلبيي تقطع اذا شفت الم معتمده على الخدامة بتربية اليهال


الخدامة ممكن تساعدج بس

بس مو كلشي تخلينه عليها


والله يحفظ اعيالنا ويحفظنا من شرهم

 

[الغاليه نونو]

ماستغني عنهم ماقدر تعبت والله البيت دورين غسيل وتنظيف وطبخ وكواي ماعندي وقت احك راسي فيه جني سندريلا بس عوده هههههههههههههههه

والله البيت صار فيه بركه واحس بهدوء موطبيعي ومرتاحه شغلي نظيف واعرف اللي لي واللي علي حتي المطبخ عرفت جم قفشه وشوكه فيه ههههههههه
بس ابي خدامه ماقدر احس في شى غلط بالبيت ههههههههههه

شر لابد منه حسبي الله عليهم

 

[Filakawyia]

واي يننتني خدامتنا

وايد مرتبه لدرجة خياليه

انا شاريه غراش فاضيه عشان ابي اعبيهم خلطات و سوالف مزيونه و شقره و مذهله . . . قايمه عبالها كان فيهم شي و خلصوا . . قومي و قطيهم

نرفزتني . . قلت حق امي هالخدامة لا تدش داري خلاص انا اسوي شغلي​

 

[فررررح]

الحمدالله انا مستغنية عنهااا ولا فكرررت ايبهاااا

الحمدالله مرتبة وقتى وشغل لقبل انااام انظف البيت وامسح الارضيااات

ولا قعدت الصبح اغسل الحمامات وانتى بكرررامة وعقبهاا اريح اشووى واسوى الريووق واقعد اعيالى واريقهم وابدلهم وعقب احظر حق الغدااا والملاابس الحمدالله مرتاحة مع الغسالة الاوتماتيك اهى اتغسل وتنشف ولاخلصت نادتنى ههههههههههههه والكوووى اخلية بليل لانامو اليهااال قعدت اكووو والله احس بفررراغ وااايد وماعندى شغل


استغنى والله بيعينج ولاتنسين كلام الرسول حق السيدة فاطمة لما كانت تبى خدااامة اكثرررى من التسبيح والاستغاررر والله بعينج

 

[مشغوله و محتاسه]

مع الدوام ... لا ما اقدر حتى افكر اني اقعد بدونها ..

وشغالتي الحمدلله زينه ..


بس اللي ما عندها شغاله .. اقولها عليج بالعافيه و عساج عالقوه

 

[QUMAR]

انا مثلج حبيبتي متهدده مابي خدامه س عيالي صغار أنطرهم لي اعتمدو علي عمرهم الله يحفظهم وخلااااااااااااص عقبها ارفع شعار "لا للخدم "
الله يعيننا علي بلاويهم ومصايبهم

 

[القلب الأبيض]

ان شاء الله اقدر استغني عنهم والله يقدرنا على الشغل بالبيت وتربيه عيالي احسن تربيه باذنه ان شاء الله

والله انهم خراب بالبيوت

 

[dalprincess]

الصراااااااااحه انا وحده ما استغنى عنها مع انها بلوووه بس مع بنتي اوكي ... بس الخدم شر لابد منه .... وانا ما احاجي خدامتي وله ازفها اخاف تسوي ف بنتي شي معنها زينه مع بنتي وااايد بس بالتنظيف وله شي ماتعرف ..... والله يعيني عليها مو باقيلها الا سنه وبترد ديرتها

 

[الفرحه السجينه]

الخدم شر لابد منه

انا الحين ماعندي خدامه لان ما عندي عيال بس اكيد لا ولدت لازم اجيب خدامه وين بحط الجاهل لا رحت الدوام بس هم بقعد احاتي واكيد بخليها عند امي ولا خالتي تحت عالاقل يعني ما اقدر أأمنها عالجاهل مهما كان لازم تكون قاعده مع الناس

بس اللي ما تبي خدامة وما تقدر على شغل البيت تجيب خدامة نص دوام حق الغسيل والتنظيف والجاهل تحطه بحضانه عالاقل اهون

انا لو دوامي العصر جان جبت نص دوام ولا رحت دوامي العصر اخلي الولد عن خواتي ولا حماتي مو مشكله كلها 3 ساعات وراده بس المشكله بدوامات الصبح طوووويييله والناس يا نايمه يا رايحه دواماتها وهذا اللي يخوف ويخليني احاتي

 

[عسولة الكويت]

ودي بس إعيالي صغار ووراي دوام لل3العصر شأسوي يارب
أحس انهم شر لابدمنه متطفلين على حياتنا ويشوفون كل شي جبح مالت عليهم