تقدير المعلمة في السنة الاولى

[haams]

السلام عليكم

سؤال معلمات الخبرة

صج المعلمه سنتها الاولى مايصير تاخذ امتياز
هذا كلام مدرستي الاولى

سؤال ثاني
الامتياز من كم لكم
والجيد جدا من كم لكم
من ناحية النسبة

 

[Break Time]

ما ادري والله

اب
يمكن البنات يفيدوووونج

 

[Om_Ksha]

لا شكو مو على كيفها انا اول سنه لي امتياز ,,

اهما متعودين على هالنظام انه مايعطون اللى باول سنه برستيج قديم عندهم

 

[haams]

طيب هي تقولي مايصير مع انه تستاهلين الامتياز
واعطتني نسبه ٨٨ جيدجدا صح
طيب أخاف السنه هذه بعد مايعطوني امتياز
التقدير بيد منو
الناظرة والا المدرسه الاولى والا الموجهه

 

[haams]

النسبه تفرق يعني
والا يطالعون بس بالتقدير[/size]

 

[randomy]

يصير

انا خذيت

لازم انجازات وبدوووون غياب

جذي محد يكلمج

 

[jen2n]

راندومي يعني مثل شنو انجازات؟

 

[haams]

انجازات مثل شنو
كنت مسوية ورشة عمل
درس ريادي
مشاركة في احتفالات العيد الوطني
مسابقة ملكة الاخلاق
تفعيل قيم
مجسم عن بر الوالدين
وهكذا
تسوى والا ماتسوى
شرايكم

88 زينة والا

الامتياز صج من 89

افيدونا يامعلمات

 

[fri2010]

ويييه يا حسرتي انا مو مسوية شي من االلي مسويته همس يعني حتى جيد جدا ما اخذ !

بس ملتزمه بالاحتياطات والاشراف والغياب والمراقبه والتصحيح وفعاليات المدرسه بعد شنو لازم اسوي!

 

[eastfem]

التقدير بيد الموججه ورئيسة القسم والناظره كل منهم لها نسبه و كل وحده لها معايير تختلف وعلى اساسها تقيم

انا نفس فراي بس مافهمت شتقصد بالغياب ، وهمن سويت مجسم لفعاليه وباجات وزعتهم على الصفوف الي ماستكتها

بس مادري مومطمنه للموجهه أحس ماراح تحطلي امتياز عشان جذي طناش

ورشه عمل قصدج للمدرسه كلها ويت الناظره ولا بس قسمج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[fri2010]

الغياب يعني ما اغيب وامسك احتياط ابلات القسم وادرس بصفوفهم ومسويه برامج اذاعيه

بس الورشه الكورس الثاني راح اسوي

وهم نفس ايستيفيم مو مرتاحه لا من رئيسه القسم ولا الموجهه من التقييم مع ان معاملتهم زينه وياي

بس اهم شي عندي كل شهر ينزل المعاش كامل هههههه

 

[eastfem]

تصدقين مرات اقول لو بشيل هم الامتياز راح اتعب نفسيا اهم شي المعاش اييني على قدر شهادتي ومجهودي ،،، فراي من صجج مموغايبه ولا يوم ماشالله عليج انا ليلحين عندي 5 غيابات و عرضي واحد هههههه

موجهتنا تخيلي مالقت علي غلطه تدرين شعابت علي ؟؟؟؟؟؟؟ قالت انتي موحافظه اسامي بناتج ؟؟؟؟؟؟؟ حمدالله والشكر بس شحفظ شخلي وانا توني اول كورس واهي يايتني من شهر تقريبا بعد !!!!!!!!!!!!!!!!

 

[Miss Cherry]

لا حبيبتي يصير انا اول سنة اخذت امتياز مع اني كنت ماخذه اجازة مرافق مريض بس الله يجزاها خير ناظرتي ماظلمتني كانت تدري بظرفي

حرام انتي كل هذا انجازاتج وتستحقين وناظرتج تتعذر مايصير اول سنة امتياز من وين هالقانون على كيفها ماعندها الشجاعة تقول مابي اعطيج امتياز ياويلهم من الله هالادارات اللي تبي المدرس يشتغل ويتعب ويبخسون حقه .. انتي اذا قالت لج مابي اعطيج امتياز خلاص لا تشتطين سوي شغلج وبس مو كفو تسوين لهم شي برا صفج

 

[المـــــها]

خلي الامتياز لهم ينقعونه و يشربون مايه




انا بغيب باخذ كل طبياتي لان ولادتي الكورس الجاي و عندي مراجعات و ابدا ما علي نفسي
و بعد بحول اداريه إن شاء الله
لان التعليم مهنه مرهقة و انا جربته الحين وو انا حامل بالسادس مارحموني كل شي ماسكته و نصابي 3 حصص باليوم

 

[haams]

اية بس اذا مااخذتي امتياز
بنظل نفس الدرجة
والوحده تتعب وتشتغل ليه؟؟
وحتى لو ماابي الدرجه
انا مجبوره اسوي اعمال وورش ودروس ريادية وانشطة ومسابقات
فمادام تعب تعب
ليش مانطمح للامتياز

بس السؤال اللي مااحد جاوبه
بيد منو الامتياز؟؟
الناظرة والا المدرسة الاولى والا الموجهه
انا سمعت بيد الموجهه 20
والناظرة 60
والمدرسة الاولى 20
صج؟؟؟

وانه نسبة الامتياز من 89 %وفوق

فهل صحيح

 

[fri2010]

انا اللي بعرفه شنو المعايير اللي تاخذ عليه المعلمه امتياز؟

 

[eastfem]

الي اعرفه ان المديره 20 والمدرسة الاولى 40 والموجهه 40

وبالنسبه لورش العمل والمسابقات ودروس راياديه وغيره الابله مومجبوره عليه غلطانه اختي

اهي بس مجبوره على الاذاعه والاشراف والاحتياط غيره لااااااااااااااا ( هذا حجي الابلات الي عندي )

 

[abla]

حبيبتي أنا نفسج قالولي أول سنة ما تاخذين امتياز بس طبعا ما حطيت كلامهم في بالي وكاني اشتغل اكثر منهم وكله حق الناظرة الحين الناظرة حاطتني بعيونها وعندي اكثر من انجاز ..

انتي تسوين اللي علجي والله الرازق مو أهما ..

وبعد ما شافوني اشتغل جذي وحدة منهم قالتلي امبلا انا اول سنه لي الناظره قالتلي ترى حطيتلج امتياز لانها كانت شغوله ..

 

[كويتيه cool]

ايه صج شنو شروط الامتياز؟

والانجازات اللي تقولون عنها لازم اسويها من كيفي؟

والا اهم يكلفوني فيها؟