تقريري المصور لرحتلي الى ماليزيا 2010شهر7

[ريمه الكويت]

1. 

   ​
2. 

   ​
3. ​
4. ​
5. رحلتنا الى ماليزيا كانت باخر شهر6 الى تاريخ13 من شهر 7 /2010 مده السفره تقريبا 15 يوم​
6. ​
7. ​
8. ​
9. وكانت الرحله الى 3 مناطق ابتديناها بولايه سالانجور بصن وي لاجون بعدها الى منطقه جبليه منطقه الفراوله وجبال الشاي اسمها مرتفعات الكاميرون وبالاخير رجعنا الى العاصمه كوالالمبور حق التسوق​
10. ​
11. ​
12. راح ابديها بتقريري عن اول منطقه بولايه سلانجور بفندق صن وي لاجون بيراميد تاور​
13. ​
14. ​
15. طبعا كانت رحلتنا عن طريق طيران السنغافوري الطياره روعه ماعليها كلام بس طبعا الرحله متعبه لانها تنزل في 3 محطات بالبدايه من الكويت الى ابوظبي تقريبا ساعه وربع وبابوظبي نقعد بالطياره ساعه وبعدها يمكن 7 ساعات الى سنغافوره وقعدنا بعد بالمطار بحدو د4 ساعات تقريبا بس مطارهم وايد روعه

    

    ومنها الى ماليزيا مدت ساعه تقريبا فحسبو الوقت​
16. وهني لما وصلنا مطار سنغافوره​
17. ​
18. ​
19. ​
20. ​
21. ​
22. مطار سنغافوره وانشالله راح احط لكم صور اكثر عن مطار سنغافوره برجعتنا من السفر​
23. ​
24. ​
25. ​
26. ​
27. ​
28. ​
29. ​
30. ​
31. وبعدها الى مطار كوالالمبور وقعدنا تغدينا بالمطار من بيرجر كنج​
32. ​
33. ​
34. ​
35. ​
36. ​
37. ​
38. اجرنا فان صغير علشان الشنط​
39. ​
40. ​
41. ​
42. ​
43. ​
44. وهذا منظر من دريشه الفان​
45. ​
46. ​
47. ​
48. ​
49. ​
50. وهني وصلنا الفندق بيراميد تاور تابع لصن وي لاجون وقعدنا فيه 4 ليالي​
51. ​
52. ​
53. ​
54. غرفتنا تطل على مطعم الريوق​
55. ​
56. ​
57. ​
58. ​
59. ​
60. ​
61. ​
62. ​
63. ​
64. ريحنا شوي وطلعنا نتمشى داخل الصن وي لاجون اهو ماتحتاجين تطلعين بره​
65. ​
66. ​
67. المطاعم منه وفيه وتابع لهم احواض سباحه ومثل الاكوابارك والمحلات حق التسوق وسكيتنج​
68. ​
69. ​
70. ​
71. ​
72. ​
73. ​
74. مره تخبز مثل الصاج وتحط الحشوه الي تطلبينها​
75. ​
76. ​
77. ​
78. ​
79. ​
80. السكيتنج​
81. ​
82. ​
83. ​

 

[ريمه الكويت]

​

وهذا منظر على حمامات السباحه والاكوابارك
​

​

مطعم شوفو شلون عارض اكلاته على شكل صحون واطباق بلاستيكيه تشوق​

​

قهوه تعودنا نقعد فيها زوجي يطلب قهوه وانا وبنتي نحلي​

اختار الفاكهه والايسكريم النكهه الي ابيها واا احب اليوجرت ايسكريم​

​

​

وهذي قهوه زوجي ولازم يحطون يمها دونت بس وايد هشه وخفيفه​

​

​

وثاني يوم دخلنا مطعم من المطاعم الموجوده ​

هذا المنيو​

​

وطلبنا​

​

عصير رمان​

​

سمج مشوي مع عيش وصوص​

​

​

لحم مقصص مع عيش وبيض​

​

عيش وسالمون مشوي​

وصورت لكم فرايديز مالهم​

​

​

من باسكن روينز
​

ورحنا مساج السمج

​

​

 

[ريمه الكويت]

​

بنتي ياكلون ريولها السمج

​

ورحنا جمعيتهم ولا بطاط البرنجلز عندهم بنكهات غريبه عجيبه​

​

​

اتابع لكم الرحله بصن وي بيراميد تاور وهالصوره صورتها بره الفندق واحنا قليل مانطلع بره لان كل شي نبيه موجود بالمجمع الكبير



ثالث يوم اشتقنا للاكل العربي موجود بنفس المجمع عندهم مطعم الطربوش ورحنا تغدينا فيه




فتوش بدبس الرمان مع شوربه فطر





مرق باميه ومجبوس لحم ومسئعه بيديان

وبالليل تعشبنا بونديز من طقه ومبي القديم




اخر يوم رحنا خوش كافيه ومطعم اهو كافيه واهو محل يبيع ملابس واغراض حق البيت يونس اسمه فل هاوس تسوقنا فيه وهم تعشينا فيه

بنتي طلبت خوش عصير



غريب الوانه متدرجه وفيه مثل الفاكهه نفس التفافيخ تنبط بالحلج

خوش تشبيه

حتى سالت الجرسون قال هذا نوع من الحلاو نفس الجلي معروف عندهم

وطلبنا كلوبات منوعه




اخريوم واحنا نتسوق بالطوابق الي تحت طحت على محل يبيع ايسكريم يصك على بنك بيري ولااحد صوبه عكسنا طوابير

طريقته تونس حاطين مكايين الايسكريم بالطوفه وكل مكينه بنكهه مختلفه انتي تخدمين نفسج بنفسج تاخذين الكوب الحجم الي تبينه وتحطين الايسكريم بروحج بالكميه الي تبينها



وبعدها تحطين الفاكهه عاد فواكهم ماشالله اشكال وانواع





وبعدها تحطين التوبينج والصوص بس انا اكتفيت بالفواكهه وبعدها يحطونه بالميزان ويبيعونه بالوزن وطلع يمكن بدينار وشويه ارخص من عندنا






شرايكم
​

انشالله راح اكمل لكم التقرير​

 

[ريمه الكويت]

بنفس اليوم طلعنا الى المنطقه الثانيه مرتفعات الكاميرون

اللحين بحط لكم تقريري عن رحلتنا الى مرتفعات الكاميرون​

طبعا طلعنا من الفندق وقررنا نجرب نروح بالباص لان سفرتنا الي قبل اجرنا تاكسي وايد فرق السعر واونس بعد مع الجمعه واجرنا باص خمس نجوم من شركه يونيتيتي في اي بي والباص مكيف وفيه تلفزيون ومريح

​

​

هني قطانا التاكسي صوب محطه تجمع الباصات​

​

قعدنا ننطر الباص​

​

صعدنا الباص
​

طبعا الطريج كله اخظر ماشالله وميزت هالمنطقه انها مثل القريه وكلها جبال خظره والجو حلو براد بس الي يحب التسوق ينسى هالمنطقه حلوه مريحه نفسيا مومالت سوق وهالسوالف​

​

شوفو الطريج تحسين انج بتشوفين الانسان الاول وناسه

احب هالمناظر دياي وبط وبيوت بسيطه مافيها حظاره ومصانع وعمارات لاء تعيشج بجو بباي هايدي رسوم المتحركه مالت قبل

​

​

على فكره ترا الطريج شويه يخرع كله جبال والشوارع ظيجه والشارع رايح وراد بس سمو بسم الله ولاتخافون اهم متعلمين على السياقه فيه​

​

​

شوفو البياعه بساطه والي يزرعونه يبيعونه​

​

​

​

​

 

[ريمه الكويت]

بحط لكم بعد جم صوره حق طريجنا الى الكاميرون لقيتهم بتلفون بنتي عجبوني













اكملكم الرحله

وصلنا فندقنا اسمه سنشري باينز 4 نجوم حجزناه من موقع اقودا احلى سعر حصلته واخذنا احسن غرفه عندهم اسمها دوبلكس سويت وقعدنا 4 ايام




اللوبي




الرسبشن



ميزت الفندق انه يم المطعم الرئيسي الاسلامي عندهم اسمه ماري براون ويمه ستار بوكس وهم يم المحلات البسيطه والبقالات وبسطات الخضار البسيطه واكشاك الرحلات الداخليه كافي التمشي بهالشارع يونس



غرفتنا تتكون من دورين وكل دور فيه سرير وتلفزيون وتكرمون الحمام الي يتظمن دوش بروح وبانيو بروح ومغاسل والذي منه

وهم الدور الاول فيه مطبخ صغير وبلوكنه



تلفزيون الي تحت



اول مادشينا عفيستنااااااااااااااااا



التجوري






تعالو نصعد الدور الثاني














​

 

[ريمه الكويت]

من الدريشه










واول يوم ريحنا شويه ورحنا اكلنا بالمطعم الي يمنا ماري براون




ورحنا الاكشاك وحجزنا حق باجر رحله حق مزارع الورد والفراشات

اللحين بحط لكم رحلتنا بمرتفعات الكاميرون الى مزارع الورد تعالووووووووووو معاي​

​

بما اني من عاشقات الورد وخصوصا الجوري فدخت عالورد بس امشي واصور واشم بهالورد الي ريحته جنها ماي ورد

​

​

هالورد الوان واشكال سبحان من خلقها​

​

​

​

​

​

​

</B></I>

 

[ريمه الكويت]

هذا ذبحني يشتغل هناك يقول انا بنغالي مسلم ويسلم بروحنا منحاشين منهم هني

صورته يوريني القرع مادري كوسا























حاطين جم قفص دياي وطاووس بس يحليلهم بس يشوفون احد بيصورهم يرزون روحهم يدام الكاميره

بنتي تصورهم من الصوب الثاني راحولها ركض

​

 

[ريمه الكويت]

احط لكم رحلتنا الى جبال الشاي ومصنع الشاي ومزارع الفراوله

اكملكم اليوم رحلتنا الى جبال الشاي ومصنع الشاي طبعا هالمنطقه كلها جبال خظره من نبته الشاي ويعتمودن في الري على المطر اغلب ايام السنه عندهم مطر ماشالله والسماد يرشونه بالهليكوبترات واغلب العاملات الي يقصوون الشاي من اندونيسيا وسيلان تشوفينهم بالجبال بظهرهم مثل الزبيل يقصصون ويقطونه ورا ظهورهم



هذي الجبال كلها شاي مايخلونه يطول اكثر من جذي ولايسير اشجار وياذيهم بالحصاد



ورده طالعه مع نبته الجاي



كلهاااااااااا جبال جاي حتى قطعت شويه وحطيته بالغلايه لووووووول طلع موشي لازم معالاجات وتجفيف بس لقافه بجرب

ودودنا مصانع الجاي وعلمونا شلون نفرق بين الجاي الزين والوسط والانواع الرديه وشلون يجففونها وينظفونها بالتفصيل الممل بس ممنوع التصوير حسافه

طلعنا من المصنع الى محل الرئيسي للجاي وعندهم الجاي ماركه بوووه/boh/عاد عدي وخربطي بالنكهات الي يبيعونها





ويم المصنع مناحل العسل



خذيت لي علبتين صغار اكلناهم هناك مااقدر احطهم بالشحن يتكسرون

ورحنا يمهم بعد مزرعه الفراشات والحشرات



فراشه بايد بنتي انا حطو وحده بيدي سوتها عليي قطيتها

سلاحف


شالتها شثقلها




حشره بيد بنتي سبحان الله جنها ورقه الزرع




وهالحشره جنها غصن ضعيف حتى الي يشتغل هناك يقول ديرو بالكم ان طاحت تنكسر




اشوه شالها الي يشتغل هناك لاعت جبدي جنها ورقه الخريف




سحليه بجتف بنتي


انشالله راح اكمل لكم رحلتنا الى مزارع الفراوله اللذيذه نطروني

اكملكم رحلتنا الى مزارع الفراوله

اخذنا الباص ورحنا مزارع الفراوله

وعقب ماتمشينا بالمزرعه طلعنا للكفتريا الي قبال المزرعه واهم يحطون محلات وكافتيريات قبال كل مزرعه وكل منتجاتهم من الفراوله وكل اغراضهم الي بالمحلات على شكل فراوله



​

 

[ريمه الكويت]

دخلت الكافتريا وحاطين مربى فراوله تذوقينها باعواد البسكوت المربى روعه تحسينها طازجه وطعم الفراوله فيهااخذتلي غرشه حق الكويت



و قعدنااااطلبت لي وافلز فراوله ولبنتي ايسكريم فراوله ولزوجي تشيز كيك فراوله











وتمشينا يم المحلات وتسوقنا بمحلاتهم البسيطه وبعدها ردينااااااااااااااااا الفندق




قعدنا نريح بالبلكونه جدام المناظر الحلوه والجو الاحلا




وطلعنا العصرررررررررر قبل المغرب يعنا رحنا نتغدا اهو غدا واهو عشى





صدر دياي بالبخصمات مع صلصه الفطر يممممممممممممممم وزوجي طلب فش اند شبس


وانا غيرت هالمره طلبت من اكلهم نودلز بالخظار والفلفل الي يشلووووووووط




ورجعنا بعد ماتمشينا شويه وثاني يوم تريقنا الصبح استعدادا لرحلتناااااااااااااااااا الي مخططين لهاااااااااااااااااا




ريوق الفندق قعدنا بره الجو برادددددددددددددددد

قررنا رحلتنا اليوم من الصبح نقضيها بالتمشي بالمنطقه الي ساكنين فيها نستكشف المعالم الي حوالينا






واحنا نتمشي بالناحيه الي خلف الفندق وشفنا معابدهم قلنا ندخل من باب


الفضووول


صراحه نحمد ربنا احنا مسلمين تشوفين آلهتهم اشكال وانواع

اهو اسود واهو حيايه واهو اصنام حمدالله والشكر






دخلنا المعبد الاول وكاتبين لازم تنزعون جواتيكم اعزكم الله طبعا انا مانزعته اخاف ادوس رطوبه واتنجس لووووووول دخلت بالجوتي وشفنا اصنامهم ونذورهم







من داخل





اهو شواذي واهو حريم عندهم عشرين ايد ماتدرون شنو يعبدون وتحتهم بخور وفواكه وورد





هذي نذورهم


ورحنا المعبد الي يمه


​

 

[ريمه الكويت]

وطلعنا من الباب الا حاطين معبد صغير





يعبدون كوبرا الظاهر حق الي عندهم حاجات قويه ينذرون حق الحيايه

ورحنا المعبد الي يمهم ولا يعبدون





اسد عسى ياكلهم لووووووووووول






الظاهر حق الي عليه ذنوب يوقف عليه يستغفر

طلعنا من المعبد ولا شفنااااااااااااا فوق على مرتفع مسجد بفيت اصعد بس حسينا بالتعب رجعنا


ريحنا شويه وردينا نكمل استكشافاتنا



نزلنا من الفندق قبالنا حديقه تمشينا فيها





وكملنا مشي بعد الحديقه وهناك تمرين من نهر مادري ماي مجاري مادري









والجو كان حلو تشجعنا نكمل مشي مسافات طويله


واحنا نمشي شفنا مدارسهم خلف الله على مدارسنا

يمهم هالزرع والطبيعه الي تهبل حتى ملعب المدرسه حاطينها بحديقه بالجو الحلو والزرع الاخظر يفتح النفس حق الدراسه





وكملنا مشي الا نلقى مثل مبنى كبير وداخله ناس يتجولون قلت حق زوجي خلي نشوف شكله مكان سياحي رحنا قربنا منه الا مكتوب مثل معهد ابحاث للزراعه قصينا تذكره بسعر رمزي ودخلنا صج المكان يهبل ماتحسفنا انا دخلنا






هالزرع اشكال وانواع






والورد الوانه تهبل


​

 

[ريمه الكويت]

وشوفو الفلفل الصغار حاااااااااااااااااار من قلب






وكان المكان وايد كبير على شكل مباني وكل مكان فيه انواع مختلفه من المزروعات






كوسااااااااااااااااااااا

عجبتني هالورده عجيبه





الاوركيد

والورد اشكال والوان سبحان الله







واحنا نمشي شفنا مزرعه الفراوله دخلنا






وفيه كفتريا صغيره طلبنا ايسكريم صناعه يدويه



وماعجبنا جنه محلبيه

وكملنا مشي

​

​

 

[ريمه الكويت]

ودخلنا مزرعه الورد معلق فوق روسناااااااااا






واحنا قاعدين بالديرفه والورد فوقنا








ودخلنا مزرعه الاعشاب الي نستخدمها بالطبخ عجيبه





فلفل بانواعه







زعتر








روز ماري





نعناع





فاصولياااااااااااااااااااا






الوان من الخس






خيار وكوسا










الصباريات






شلال صغير حواليه زرع






مزرعه صغيره للشاي






المنظر من فوق






وطلعنا كانت رحله ممتعه​

 

[ريمه الكويت]

اكملكم اللحين يومنا الاخير بمرتفعات الكاميرون الي قضينااااااااااااااااااااااه بنفس المنطقه الي قاعدين فيها عندهم يومين يالاسيوع يفتحون بسطااااااااات حق الخضار والاطباق الشعبيه رحنا اخذنا لفه وجكجكت لكم جم صوره




اهو تامبورا اهو سياخ ناجتس اشكال وانواع ياكلون وجنهم البخت لو احنا ناكل منه نتسمم



خضارهم من مزارعهم



ربيان واسماك مجففه



واحد يطبخ خبز من التاكو يسوونه بعجينه الذره ويحشونه بحشوات مختلفه







ذره يهرسونها ويكسرون عليها بيض




اوراق البامبو يحشونها عيش



بامبو مجفف يحشونه ويطبخونه على البخار






اسياخ اهو شاكينه كور دياي اهو سمج اهو ربيان كل شي ياكلون ويتفنون فيه ويمه مثل كنتاكي صناعه شعبيه

واحنا نتمشي صوره لكم شجره ورد يم بيوتهم



وهني منظر الغروب



وبردتنا الفندق قعدنا بستار بوكس توه هالسنه فاتحينه ماتشوفين فيه الا الاجانب صخه



ردينا الفندق ورانا سفره باجر الى اخر منطقه برحلتنا الى العاصمه كوالالمبور

طلعنا الظهر الى محطه الباصات قريبه منا بس علشان الجناط اجرنا تاكسي ورحنا توكلنا على الله



ركبنا الباص وودعنا الجور البراد والطبيعه الحلوه انطلاقا الى التسوووووووق والجو الاستوائي الدافي



عندهم بالخطوط السريعه محطات يدفعون فيها رسوم رمزيه وتشوفين خطوطهم مرتبه ونظيفه

ووصلنا بالسلامه الى فندقنا استانا اول مره نسكنه اهو باخر شارع العرب وايد حلو ونظيف وحجزناه من موقع فندق دون كم بس انتبهو تحجزون بسعر هني وهناك ياخذون منكم ظرايب يعني السعر المكتوب بدون ظرايب

 

[ريمه الكويت]

الرسبشن



وهني الممر الي يم الاسنسير حاطين على الطاوله شموع وشغلات مالت السبا لعبت فيهم لعب هههههههههه

بعدين اكمل لكم صور غرفتنا وطلعاتنا وسوقتنا بهذي المنطقه وعلى فكره قعدنا فيها 7 ليالي


اكملكم اليوم عن اخر منطقه الي قعدنا فيها وهي كولالمبور

بحط لكم جم صوره داخل فندق استانا

الي بيقعد فيه يختار من الدور الثامن وفوق غرفه احلى واختارو الغرف الي تطل على البرجين توين تاور













بالبدايه قعدونا بالغرف الي ماتطل على البرجين غيرناها اخذتا الجهه الثانيه



اول يوم تمشينا ورحنا سوق بافليون واهو من الاسواق الجديده عندهم سارله جم سنه فاتح واغلب بظاعته ماركات وفيه مطاعم داخل وبره





وهني فرقه موسيقيه قاعدين بره يغنون شغل طراره



وهني صوره الشارع الي كل يوم نتمشى فيه





بسطاتهم الي يبعيون جناط تقليد ويقصون عليكم يبيعونها هني غاليه

حتى ماشتهي اشتري منهم كله هنود وحر وظيج

 

[ريمه الكويت]

اللحين بكملكم وين قضينا ايامنا بالعاصمه كوالمبور

طبعا الصبح نتريق بالفندق على فكره كل الفنادق الي سكناها اخذناها مع الريوق وبصراحه هالفندق احلى ريوق اكلته عجيب ومنوع كل شي فيه وايد كبير حتى آش حاطين فيه

تفاجئت وعندهم الوافلز والصلصات اشكال وبوفيه السلطات عجيب والبيض اشكال والنودلز من الصبح مع العيوش غير الاجبان والحلويات

وقعدتهم حلوه اما تقعدين داخل اويم حوض السباحه



ماقدرت اصور البوفيه كله عرب

المهم الصبح يعد الريوق نطلع نتمشى بشارع العرب اسمه شارع بوكت اهو شارع حيوي كل شي فيه مطاعم مجمعات محلات تشوفينه متروس خليجين



هذا بنتي لقطت هالاعلان لاحظو الترجمه معكوسه

واهم الاسواق الي بهذا الشارع مجمعات برجايا تايم سكوير وايد كبير وفيه سينمات ومطاعم ومحلات وصالونات وكل طابق تلاحظين بتخصص معين
ويتكون من 13 طابق وبحط لكم صوره من النت اوضح

ويمه سوق سوناى ونج بلازا هم سوق حلو ورخيص نوع ما

المهم تسوقنا وبعدها رحنا نتغدا

اخترنا مطعم ناب الايراني

المنيو




وطلبنا مقبلات ايرانيه



شوربه كريمه مع صحن من البيديان المهروس مع روب وكريمه وثوم وطبعا اللبن لازم مع الاكل الايراني



شرايكم بطبقي المشكل ويمه مرق شبزي وكباب دياي وعيوش

وردينا ريحنا وبالليل رحنا مجمع بافليون الي حطيته قبل مسوين تحت مسابقات وحفله قعدنا نتطمش






لفت نظرنا بالمجمع

بالليل ماشتهينا عشى شباعه بس طلبنا بريد

 

[ريمه الكويت]

بكملكم بقيه الاماكن الي رحناها بالعاصمه طبعا اغلبها تمشي وتسوق ورحنا مره سينما انا احب افلام الكارتون

قررنا نروح السوق الموجود بالبرجيين التوامين توين تاور واسمه مجمع برج التوأم SURIA KLCC اغلب بظاعته ماركات عالميه

بالطريج اقترح علينا سايق التاكسي يودينا مصنع الكاكاو واهو بطريجه للبرجين



اعلان على باب المصنع



دخلنا طبعا ممنوع التصوير بس اصور واسوي روحي مااسمع





تنين من الكاكاو






صراحه ماعجبني كاكاوهم متعلمين على الكويت كاكاواتنا سويسريه عشتوووووووووو بس اخذت كاكاو الي بالقهوه عجبني لان طعمه قهوه صج وبداخله حبه قهوه


طلعت من الباب شفت بياعه مبسطه بفواكهم الغريبه قلت اخذلي جيسه



اخذت الي على اليسار روووووعه يعني طلعت من مصنع الكاكاو شايله بيدي جيسه فواكه

حتى راعي التاكسي متعجب مايدري شباعنين كاكاوات بديرتنا بس هالفواكه عندنا غاليه

المهم رحنا وكملنا مشوارنا حق سوق البرجين

تمشينا وقعدنا باحد الكفتريات

هذي ممراتهم



وهذي كفتريا



وطلعنا من السوق ردينا الفندق ريحنا والعصر رحنا نتغدا برا رحنا مجمع بافليون سردابهم فيه مجموعه من المطاعم الشعبيه المنوعه من شرق اسيا




وكل محل يعرض شنو عنده من اكلات بهذا الشكل الي يشوق



وهذا طبقي



بنتي ماتقدر عالفلفل اهي وزوجي راحو اخذو غدا من كنتاكي هناك كنتاكيهم نظيف وروعه اكلهم

وتغدينا الحمدلله وتمشينا شويه وعجبني هالمطعم صورته لمحبين السوشي

فاصل ونواصل​

​

 

[ريمه الكويت]

واحنا بردتنا نتمشى مرينا المجعمات الي في مجمع برجايا تايم سكوير والمجمعات الي يمهم اغلب الايام تشوفون صوبهم استعراضات وحفلات

اكملكم التقرير​

بوريكم جم صورج بمجمع تايم سكوير مره تغدينا في مطعم بيتزا​

​

بيتزا وتوابعها​

​

طلبت عيش بالكريمه والجبن لذيذ​

وكانو مسوين احتفلاات بره قعدنا بالمطعم نتطمش عليهم​

​

عقبها بيوم اخذنا تكسي ورحنا مجمع ميغا موول اهو مجمع كبير وراقي بس مكانه بعيد عن شارعنا لازم تكسي​

​

​

المحمع فيه محل كارفور وفيه طابق كله مطاعم وفيه سينما ومحلات منوعه تمشينا فيه وتسوقنا وبالاخير تغدينا​

​

مطعم ناندو​

​

​

​

</B></I>

كانو مسوين عروض على المكياج وفيه حق العرايس وفيه عروض على صبغ الاظافر وكانت اسعارهم زينه

سوت بنتي صبغ اظافر اختارت الموديل من الكاتلوج والالوان من اختيارها



البنات الي يشتغلون بالصبغ كلهم حاطين ريش على روسهم




وردي فاتح



ونقشه ريول لوووووووول حركات








انا وزوجي نتطمش عليهم من الكفتريا الي لازقه بالمكان نطل عليهم



لما سار ليل بنفس المجمع فيه سينمات قصينا تذاكر ودشينا فلم كارتون نسيت اسمه

 

[ريمه الكويت]

المهم قررنا قبل ردتنا الكويت نزور منطقه جنتنج كل سنه كنا نقعد فيها جم يوم بس هالسنه فنادقهم فل

بعطيكم فكره عن هالمرتفعات حق الي يبي يزورها

اهي منطقه جبيليه تغطيها الغيوم اغلب الايام واهي منطقه بارده

ومن اشهر الاماكن الي تزورونها اهي ملاهي جنتنج هايلاند الي مرتبطه فيها مجموعه من الفنادق والتلفريك وهالفنادق يرتبطون مع بعض بسلالم كهربائيه

ووتكون الملاهي من جزئين جزء داخلي داخل الفنادق واهو الاهم وموجود مع الملاهي سينما ومجموعه مطاعم مشهوره ومدينه الثلج ومحلات تجاريه

وملاهي خارجيه كبيره

وتقريبا تبعد عن العاصمه مده ساعه

والفنادق المرتبطه بمدينه الملاهي اهي مرتبه حسب عدد النجوم

فنادق ال5 نجوم اهم فندقين

فندق هايلاند قعدنا فيه باول مره سافرنا فيها ماليزيا وايد روعه بس سارله جم سنه منعو دخول عرب الشرق الاوسط موعارفه ليش شمسوين وبالطقاق الي يطقهم مو لازم


الفندق الثاني فندق جنتنج هايلاند غيرو اسمه بعد التعديلات سموه ماكسيم وغلوه مالت عليهم السويت اللحين ب140 دينار الليله شدعوه

بقيه الفنادق

فندق ريسورت 4 نجوم قعدنا فيه السنه الي طافت وايد حلو ومرتب بس عيبه شويه زحمه الريوق بس تمشين الحال


فندق ثيم بارك 4 نجوم ماقعدنا فيه ماعندي فكره عنه


فندق فيرست وورلد الملون 3 نجوم الي اقرب فندق فيهم للملاهي والتلفريك تقريبا من نفس الفندق تدخلين على مدينه الملاهي اما بقيه الفنادق تروحين الملاهي عن طريق السلالم الكهربائيه مايخذ منج 5 دقايق تقريبا بس نصيحه للي بيقعد فيه ياجر سوبر ديلوكس وايد روعه ولاياخذ معاه الريوق لان الريوق عندهم ماساه من الزحمه الا الي يتحمل

اكمل لكم

اجرنا تكسي من الفندق الى محطه التلفريك وطبعا طول الطريج تشوفين الجو شلون يتغير ويبرد مع صعودج المرتفعات وتبدي تشوفين الغيوم تغطي المدينه





هني محطه التلفريك على اساس ناخذ التلفريك الى مدينه الملاهي






رحنا نقص للتفريك الا تقول العامله ان التلفريك موقف شهر للصيانه

اشوه عند المحطه موجود محطه باصات خاصه للفنادق والملاهي اخذنا احد الباصات وركبنا فيه صج باصاتهم تونس شرحه ومرتبه




وهذا فندق فيرست وورلد



المهم وصلنا مدينه الملاهي الداخليه




وصوره لمدينه الثلج



حاولت اصور بس من البرد الجام يضبب

 

[ريمه الكويت]

كملنا تمشي بالملاهي والتسووووووووق





وشريت منهم قهوه وانواع من الكاكاو

ومرينا صوب منطقه الرعب




هني بعض المطاعم



وعندهم نفس منطقه البندقيه مصغره ركبنا القوارب





وهذي رحلتنا الاخيره وعقبها ردينا الفندق زهبنا الجناط حق رحله العوده عن طريقه الخطوط السنغافوريه


مطار سنغافوره



الي يبي يشبك مجموعه من الكمبيوترات

داخل المطار وايد نظيف وراقي عكس مطارنا

ركبنا الطياره



تشوفين البحر والبواخر تحتج



وفوق الغيوم











وعسى عجبكم واستفدتو من تقريري

​

</B></I>

 

[بدويا وايد]

مشــــــــــــــــكوره على الموضـــوع واااي حلــــــــــو تسلمين يالغاليه