تقريري عن تونس الخضرا لا يطووفكم عجيب :))

[q8ya حتى النخاع]

هلا و غلا لكل عضوة مشتركة في المنتدى
لما صارت سالفة تونس اتذكر شفت تعليق عضوة مو ذاكرة اسمها قالت قبل الثورة ماكنا نعرف شي اسم تونس نظرا لتعتيم الاعلامي هتعليق شدني وخلاني اتشجع وادور فصوري القديمة وسوي هتقرير عن تونس
ونشالله ينال اعجابكم و امانة كل وحدة دش تكتب تعليق ولا ماله داعي تكمل تقرير تدرون ليش لانه موضوع متعوب عليه لان ولا مرة فحياتي لما اسافر فكرت اسوي تقرير علشان جذي ماتحلالي صورة الا لما تكون خشتي فيها ههههه ولحين صرلي فترة وانا اقصقص في كل صور وارتبها علشان تنال رضاكم
اول شي سفرة لتونس مدتها 4 ساعات ونص و ساعة ترانزيت فدبي من غير ماتنزلين من طيارة و اسعار تذاكر تختلف حسب المواسم من 150 ل 250 دينار كويتي
العملة
1 دينار تونسي=200 فلس كويتي
نبلش​

توكلنا على الله على متن الخطوط التونسية ​

شاشه لي فيها تسلي نوعا ما لان على طول يحطون افلام يدد والعاب حلوة بس هم 4 ساعات ونص وايد تنامين تلعبين تردين تنامين تاكلين ولا تخلص

عقب ساعة جذي يابولنا العشا عيش مع لحم ولا عيش مع دياي مع تفاحة ولمشروب لي تبينه
بعدين نمت ومادريت عن نفسي وقعدت على صوت ريلي يناديني ساعة 7 لان يابولنا الريوق

يالله بلشت تبين اراضي تونس الحبيبة

نزلنا هلكانين وبسرعة خلصنا الاجراءات

ولقينا الاهل استقبلونا باليباب والورود >> من احلى لحظات حياتي لما ارتمي فاحضان امي وابوي انسى الدنيا والله العظيم الله يحفظهم لي

واخليكم مع صور طريج خضار ومناظر تشرح القلب مشالله

اكيد اهلي كانو اول وجهة لنا وبعد يومين ثلاثة جذي قررنا ننطلق في الجولة السياحية​

 

[المحبه للاستغفا]

رد : تقريري عن تونس الخضرا لا يطووفكم عجيب )

روووووووووعه ماشاء الله

كملي يالغلا

 

[q8ya حتى النخاع]

المحبه للاستغفار
من عيوني نشالله قاعدة انزل صور ونطري مني احلى تقرير
مشكووورة على مرورج :eh_s(7):​

 

[q8ya حتى النخاع]

وصلنا مدينة اسمها الحمامات غير عن كل مدن تونس وااايد راقيه و كلها هوتيلات حلوة اصلا اهي لي تستقطب اكثر نسبة سياح سنويا
لحين نيي للهوتيلات لي مجربتهم في المدينة وعلى فكرة اونس شي في تونس الهوتيلات تدرون ليش لانها وااايد حلوة و رخيصة يعني لي حده كشخة ب 60 او 50 دينار كويتي ولا اغلبهم اقل من 20 دينار اليله
اول شي هوتيل هزدرابال (اخخخ احلى ايام حياتي قضيتها فيه )
اوتيل 5 نجوم كله نظام سويت راقي ونظيف وتعامل الكاست وايد محترم الاقامة شاملة ريوق بس وطلع علينا تقريبا ب 62 الليله
تخيلي تقعدين من النوم وتشوفين هالمتظر جدامج روعة مو؟ البحر والاشجار وانعكاس الشمس منظر يهبل مشالله

هذي صورة السويت من نت

قعدنا صبح تريقنا و طلعنا علشان ناخذ فرة ونشوف اذا نحصل هوتيل ثاني حلو
وبالمرة نكتشف المدينة اكثر (صور هاذي ملطوشة بس علشان تاخذون فكرة على طبيعة المدينة)

وعقب الفرة الحلوة جذب زوجي شكل هوتيل غريب

قلنا خل ندش واذا عجبنا نحجز

خخخخخخ شوفوني يمها

حلو وغريب واضاءة هاديه وشكله جنه مغارة ومتروس شغلات تقليدية تونسية قديمة
حجزنا و طلعنا هم نستكشف جان نلاقي قواري حلوة اجار الساعة ب 10 دينار تونسي بس ماتصير ربع ساعة الا تتعبين وتوقفين بس وايد حلوة تجربة لان في طريج لي فيه سياير مسوين للقواري باث بروحه فوناسة تشوفين المدينه على مهلج
وهاذي صورتي مع ريلي الغالي عسى ربي يحفظه و يسخره لي

تعبت :eh_s(11): نطرو التكملة باجر انشالله ترى وااايد شغلات حلوة فتقريري لا طوفكم ونشالله الجزء الاول عجبكم
في امان الله ياحلى بنات في الدنيا :eh_s(7):

 

[الإسراء]

يعطيج العافية حبوبة
وعليج بألف عافية

 

[العود الأصلي]

يعطيج العافيه والله تقريرج بوقته زوجي كان يبي العام نروح تونس بس كنا خايفين من اللي نسمعه انهم مايحترمون او بالاخص مايحبون اللي تلبس حجاب وامور كثيرة مانبي نتكلم عنها كلها بينت بعد الاحداث
اللهم احفظ بلاد المسلمين
كملي اختي ناطرينج بس ممكن سؤال انتي تونسية صح >>>>>>>>>>>>> ملقوفه ادري

 

[Miss Chanel]

رد : تقريري عن تونس الخضرا لا يطووفكم عجيب )

تهبل
متابعينج

 

[مطير وحلاها غير]

نايس

 

[المحبه للاستغفا]

رد : رد: تقريري عن تونس الخضرا لا يطووفكم عجيب )

يعطيج العافيه والله تقريرج بوقته زوجي كان يبي العام نروح تونس بس كنا خايفين من اللي نسمعه انهم مايحترمون او بالاخص مايحبون اللي تلبس حجاب وامور كثيرة مانبي نتكلم عنها كلها بينت بعد الاحداث
اللهم احفظ بلاد المسلمين
كملي اختي ناطرينج بس ممكن سؤال انتي تونسية صح >>>>>>>>>>>>> ملقوفه ادري

ياعمري انا كنت في تونس العام وكنت لابسه حجاب كامل وعبايه ونقاب بالعكس ماشفت منهم اي مضايقات شعب محترم وراقي
حبيت الشعب التونسي كثييييييييير
موفقه حبيبتي

 

[عجميه ولي الفخر]

رد : تقريري عن تونس الخضرا لا يطووفكم عجيب )

كملي حبيبتي متابعينج

 

[TIC TOK]

مافهمنا عليج انتي تونسيه ولا اهلج عايشين بتونس ولا شنو ؟؟؟؟؟؟؟؟؟؟؟؟

انا على بالي رايحة سياحة ؟؟؟؟؟؟؟؟؟؟؟

بس عن جد تونس عجييييييييييييييبه

 

[دآنة آلرشآيده]

عجيبهـ
بروح بالصيف بس خل تتعلم الاوضاع