تقرير رحلتى المصور الى تايلاند في يناير 2011

[اللولو الحلوه]

السلام عليكم ورحمة الله وبركاته ،،،


شلونكم يا حلوين ، عدنا الى الديره والمنتدى والعود احمد .



خلال عطلة نصف السنه كانت رحلتي الى تايلاند وبالتحديد بوكيت وبانكوك وراح اخليكم مع التقرير المفصل مع الصور لرحلتي الممتعه .




مدة الرحله : 10 أيام من 27 / 1 _ 6 / 2 /2011



الوجهه : جزيرة بوكيت 5 أيام / بانكوك 3 أيام ( واليومين ذهاب وعوده )



شركة الطيران : الخطوط الجويه القطريه









خط سير الرحله : كويت / قطر ( ترانزيت ) / ماليزيا ( ترانزيت ) / بوكيت



المرافقين في الرحله : أخوي وزوجته وعياله اثنين ( بنت وولد الله يحفظهم ) وولدي وولد اختي ( عشان يونس ولدي ) .


الاقامه في بوكيت : شقق فندقيه بلازا


الاقامه في بانكوك : شقق فندقية ماريوت




نبدي معاكم بسم الله رحلتي الممتعه والتجربه الفريده من نوعها .




موعد الطياره كان الساعه 4,50 فجراً ، وبعد الانتهاء من عملية البوردج والشنط ، قعدنا في ستار بوكس ننتظر موعد الطياره





وصل موعد اقلاع الطائره وصعدناها وطرنا الى قطر ( ترانزيت لمدة ساعتين إلا ربع ) وبعدها طرنا الى ماليزيا ( ترانزيت لمدة ساعه بالطياره ) .


يعني هلكنا خلال الرحله ، وانا عن نفسي ما اعرف انام بالطياره يعني شوفوا حالتنا والحوسه الي احنا فيها ، مابقى شي ما كليناه ولا بقى فيلم ما شفناه ، وميته من التعب وفيني النوم بس ماكو فايده
















ووصلنا بالسلامه بوكيت ، وخذينا باص من المطار يوصلنا الى فندق سن سيت بلازا للشقق الفندقيه














الجاكوزي في البلكونه ( بس للاسف ما استخدمناه لأن الجو بارد شوي وما نقدر نسبح بالليل في البلكونه .





هذا المنظر من البلكونه





وهذا المنظر من الباب الرئيسي


​

​

 

[اللولو الحلوه]

نبتدي معاكم مشوار الرحلات والمغامرات

طبعاً رحلاتها كلها كانت بروحنا بدون القروبات ( بصراحه وايد احسن واريح ) ، إلي نختار المكان إلي نبي نروح له ، نشوف البروشرات ونبلغ ليدرنا ( اسمها فيكي حدها طيبه وحبوبه ) .

رحلة اليوم الأول ، كان خط سير الرحله كالآتي :

_ رحلة الفيله

_ رحلة سباق السيارات ( Go Cart )

_ رحلة الشوتينج ( المسدسات )

_ الباتونق بيتش للغداء

_ رحلة الفانتازيا


أولا : رحلة الفيله ، وأخليكم مع الصور هي تتحدث عن نفسها .










ثم اتجهنا الى سباق السيارات







انا طبعاً ركبت بس للاسف ما صورت الكاميرا كانت معاي في الجنطه .

ثم اتجهنا الى الشوتينج للشباب






بعد هالمشاوير رحنا شارع الباتونق بيتش للغداء ( تغدينا في ماكدونالدز ) ، وهو شارع مقابل البحر وكله محلات ومطاعم واكشاك ، يعني شارع حيوي ، وطبعاً الشاطئ متروس من الذبايح إلي قاعده تصلخ روحها ، اقصد قاعدين يتشمسون





وبعدها انطلقنا الى آخر مكان في هاليوم ( مكان قمه في الابداع والتفكير ) ، وهو عباره عن مكان يتم عرض لرقصاتهم الشعبية مع حركات الليزر وابداعات والله مادري شلون اوصفه ( للاسف المكان ممنوع التصوير فيه ) .

وخارج المسرح فيه اقسام مختلفه لصناعتهم اليدويه واكشاك لبيع البضائع المختلفه من ملابس والعاب واكسسوارات ومطاعم . بس بصراحه المكان قمه في الروعه .























وبعد هالرحله الممتعه رجعنا الفندق وارتحنا ونستعد لليوم الثاني ولأحلى رحلات رحنالها .

انتظروني ...​

 

[fo0o$hy]

رد : تقرير رحلتى المصور الى تايلاند في يناير 2011

:eh_s(9): رووووووعة الحمد الله ع السلامة :eh_s(15):

 

[اللولو الحلوه]

رد: رد : تقرير رحلتى المصور الى تايلاند في يناير 2011

:eh_s(9): رووووووعة الحمد الله ع السلامة :eh_s(15):

الله يسلمج ، يسلمو

وجودج الأروع​

 

[فز^الخفوق]

رد : تقرير رحلتى المصور الى تايلاند في يناير 2011

الحمدلله ع السلامه


ونــــآسه :eh_s(15):

كملي ناطرينج

 

[جنان كويت]

رد : تقرير رحلتى المصور الى تايلاند في يناير 2011

حمدالله ع السلامه

حبيبتي حابه اسالج جم كلفتج السفره

 

[كتكوته22]

بالعافيه عليكم
متابعه

 

[اللولو الحلوه]

الحمدلله ع السلامه


ونــــآسه :eh_s(15):

كملي ناطرينج

الله يسلمج حبوبه

مشكوووووووووووووووووووره​

حمدالله ع السلامه

حبيبتي حابه اسالج جم كلفتج السفره

الله يسلمج ، وبالنسبه حق كلفة السفره انا بصراحه ما حسبتها بالضبط بس تطلع تقريباً مع التذاكر والفنادق 1500 ، لأن رحلاتنا كلها بروحنا وهالشي يصير تكلفته أغلى .​

بالعافيه عليكم
متابعه

الله يعافيج يا قلبي​

 

[kaify q8ya]

رد : تقرير رحلتى المصور الى تايلاند في يناير 2011

مو كل الصور طلعتلي :eh_s(4): لييييييييييييييييييييييييييييييييييييييييييييييييييييش :eh_s(16):

ع العموووووووووووووم عليكم بالف عافيه و الحمدلله على السلامه

و ناطره باجي الصور ان شاء الله تطلع :eh_s(17):

 

[أم@الحلوين]

حمدالله ع السلامه
وعليكم بألف عافيه
متابعتج @_@ :eh_s(7):

 

[Dousreya90]

رد : تقرير رحلتى المصور الى تايلاند في يناير 2011

متابعه و بقوه لوووول لأته خاطري في بوكيت و ان شاء الله قريبا بنروح
والحمدالله على السلامه

 

[طبعي مميز]

رد : تقرير رحلتى المصور الى تايلاند في يناير 2011

رووعة ماشاءالله

و الحمدلله ع سلامتكم

و ننتظر باجي التقرير

:eh_s(7):​

 

[دلع الكون]

بالنسبه حق الشقة الي في بوكيت ( سن سيت بلازا ) وين موقعها بالضبط وشلونها نظيفها أو لا

جم غرفة كانت والبحر قريب عليها أو لا ؟؟

أسفه على الأسئلة لكن ودنا نستفيد .

والحمدالله عالسلامه

 

[mrs.perfect]

رفع لانه
يونننننننننننننس:eh_s(9):

 

[Anestazya]

متااااابعه كملييييييييييييييييييييييي

الحمدالله على السلامه

 

[اللولو الحلوه]

مو كل الصور طلعتلي :eh_s(4): لييييييييييييييييييييييييييييييييييييييييييييييييييييش :eh_s(16):

ع العموووووووووووووم عليكم بالف عافيه و الحمدلله على السلامه

و ناطره باجي الصور ان شاء الله تطلع :eh_s(17):

حسافه مع ان الكل قاعد تطلع له

ان شالله تطلع لج باجي الصور لأن كلها مفاجئات

الله يعافيج ويسلمج حبيبتي​

حمدالله ع السلامه
وعليكم بألف عافيه
متابعتج @_@ :eh_s(7):

الله يسلمج ويعافيج

يشرفني وجودج في موضوعي​

متابعه و بقوه لوووول لأته خاطري في بوكيت و ان شاء الله قريبا بنروح
والحمدالله على السلامه

بوكيت وايد وايد وايد حلوه ، وانا كنت متخوفه من هالسفره ، بس والله وايد استانست واستمتعت فيها وما توقعتها بهالمتعه .​

رووعة ماشاءالله

و الحمدلله ع سلامتكم

و ننتظر باجي التقرير

:eh_s(7):​

وجودج الأروع ، والله يسلمج​

بالنسبه حق الشقة الي في بوكيت ( سن سيت بلازا ) وين موقعها بالضبط وشلونها نظيفها أو لا

جم غرفة كانت والبحر قريب عليها أو لا ؟؟

أسفه على الأسئلة لكن ودنا نستفيد .

والحمدالله عالسلامه

موقعها مو على البحر مباشره ، يعني تقريباً 10 دقايق او اقل على بوتينق بيتش .

وهي عباره عن شقق تمليك ويأجرونها ، وعباره عن غرفتين وحمامين ( وحده من الغرف ماستر ) . ووايد نظيفه وعندهم خدمة تنظيف الغرف .

اخذي راحتج حبيبتي باي سؤال وان شالله اكون بالخدمه .​

 

[اللولو الحلوه]

رفع لانه
يونننننننننننننس:eh_s(9):

يسلمو حبيبتي​

الحمدلله على سلامتكم

الله يسلمج يا قلبي

حيااااج الله​

متااااابعه كملييييييييييييييييييييييي

الحمدالله على السلامه

ان شالله اكمل الحين

والله يسلمج​

 

[اللولو الحلوه]

رحلة اليوم الثاني في بوكيت :

خط سير الرحله :

_ المعبد + القرود

_ الرافتينج Discovery Rafting

_ A T V ( البقيات او الدباب ) بس رحلة غير شكل

_ الشلال

_ بوتينق بيتش للغداء

مثل ما انتوا شايفين خط سير الرحله مليان وممتع ، ومسافة الطريق كانت لمدة ساعتين ، لأن هالأماكن كلها خارج جزيرة بوكيت .

المكان الأول وهو المعبد وجبل للقرده تقدرين تأكلينهم الموز او اي اكل ثاني ( في اكشاك مخصصه لبيع اكل القرود ) .

وبعدها دخلنا معبدهم وفيها البوذا نايم ( الحمد لله والشكر ياخذ قيلوله الظاهر ) .

أخليكم مع الصور

في هذي الصوره احنا مأجرين سيكل عشان مشاوير الجمعية ، وفي مثل هذه الرحلات نطلع من الفندق واحنا لابسين المايوه الاسلامي ، فكنا في قمة الهلاااااااقه ( بس انا لابسه قميص فوقه عشان أرقع السالفه ) ، بس اكتشفنا ان الكل في بوكيت بنفس المستوى ، يعني ماكو كشخه ومكياج .











وهذي الصور داخل المعبد









وبعد هالمشوار انتقلنا الى امتع رحله رحت لها في حياتي وهي الرافتينج ، وهو عباره عن الطراد المطاطي داخل امواج وصخر النهر .

ما قدرت اصور لأن الكاميرا بالسيفتي بوكس ومافي مجال أصلاً أصور ، فلقيت لكم صور من عمي قوقل .





وهني بعد ما خلصنا واستمتعنا ، وزعوا علينا الأناناس والرقي والماي والقهوه ، وفي الصوره معانا الليدر فيكي مالت رحلاتنا .





بعدها انطلقنا الى مكان ممتع آخر وهو البقيات او ما يسمى A T V

ونفس الشي ما قدرت اصور لأن الكاميرا مو معاي ، وبصراحه انا كنت اتصور ان الرحله عاديه وما فيها شي ، بس يوم ركبنا البقيات ومشينا كانت الرحله من نوع آخر يعني كنا نركب على الصخر ونطب بالماي ونركب فوق صعدات ونزلات ، يعني حده وناااااااسه ، وإلي زاد الوناسه أن كان المطر ينزل علينا بغزاره . وااااااااااو






​

 

[8ot aL8loob]

رد : تقرير رحلتى المصور الى تايلاند في يناير 2011

يـسـلـمـوووووووووووووو

الـحـمـدلـلـه ع الـسـلـامـه :eh_s(7):

 

[اللولو الحلوه]

يتبع اليوم الثاني


وبعد هالمشوار رجعنا واخذنا اغراضنا وركبونا مثل وانيت وانطلقنا إلى الشلال ، طبيعه ما بعدها طبيعه ، وتسبحنا بالماي الباااااااااارد .
















وبعد هالرحله الممتعه رجعنا الى داخل بوكيت ورحنا البوتينق بيتش للغداء والعشاء لأن ميتين من الجوع ، وطبعاً قعدنا بالمايوهات عاااااااااادي خلك طبيعي خخخخخخخ .

تغدينا في مطعم ايطالي Pizza Company






ورحنا للفندق خذينا شور ونمنا مثل المقتولين من التعب .


اكمل معاكم تقريري لليوم الثالث

وخصصنا هاليوم للشوبينج ( غلطة ما تتكرر مره ثانية ان شالله ان نتسوق في بوكيت ) لأن بوكيت للرحلات والمغامرات احلى .

_ آوت ليت ( بريميوم )

_ مول بوتينج بيتش ( ما اعرف اسمه )


رحنا الآوت ليت ( الطريق لمدة نص ساعه ) بس للاسف ما توقعته يكون جذيه ، سوق عادي جداً جداً وما فيه إلا محلاتهم وصناعتهم ، وعدد قليل من محلات الرياضه المعروفه .

يعني مافيه محلات الماركات العالميه مثل ما تعودنا بالآوت ليت .



وبعدها اتجنا الى البوتينج بيتش وفيه مول كبير تمشينا فيه ولقينا محلات بالدور الأرضي لتنظيف البشره ، ومن حسن حظنا احدى المحلات عندهم مكان يصلح لنا نحن المحجبات ، يعني سراير وعليها ستاير ، وبعد ما خذينا موعد لأن المكان كان زحمه رحنا تغدينا في مطعم ايطالي بنفس المجمع وبعدها رجعنا وسوينا تنظيف بشره ، ( بس ما سوينا إلا لما تأكدنا ان إلي يسوون لنا حريم مو جنوس ) واكثر شي موجود في تايلاند الجنوس الله يقطعهم .





وبعدها تمشينا شويه بالمول وما عجبنا شي ، يعني جداً عادي ، وحسافه ضاع يومنا على الفاضي .

وانتهى يومنا الثالث ​