--<-@ تقرير زيارتي لبنيان تري - العرين @-<--

[اوركيدا]

يعتبر بنيان تري أرقى فندق فالبحرين ..
نظامه فلل بخدمة 5 نجوم ..

والفلل انواع ..
رويال ..
غرفتين فيلا صحراويه ..
غرفه وحده فيلا صحراويه ..
وعندهم غرف عاديه مثل اي فندق ..

الحلو انهم كل فتره يسوون عروض وهالفتره عندهم عرض .. تحجز ليله .. وتحصل الليله الثانيه مجاناً ..
سعر الفيلا بغرفه وحده 225 دينار بحريني من غير الخدمه والتاكس .. يصل مع كلشي إلى 274 دينار بحريني (لليتين)

احنا خذنا هالفيلا وبخليكم مع الصور ..
تنقلنا البقي من الرسبشن الى الفلل ..

الغرفه على يمين الصوره .. اهيا مجلس ..
يشيل تقريباً 6 اشخاص ..

(للأسف الصوره اللي صورتها طلعت مهزوزه كلش مب واضحه )

وفالوسط المدخل وعلى اليسار غرفة طعام لشخصين ..

وبعدها تيي .. صاله صغيره ..

ويمها غرفة النوم ..
الحلو في بنيان تري .. انهم مهتمين بأدق التفاصيل ..

هالباب من غرفة النوم للجاكوزي ..
كل شي كوالتي ورائع ويريح الاعصاب ..
وهذا سقف غرفة النوم ..
الاضائه كلها تقدرون تتحكمون فيها .. طبعا لو شاشرح فالحقيقه غير ..

 

[اوركيدا]

رد: تقرير زيارتي لبنيان تري - العرين

وهذي صوره تبين اهتمامهم بالتفاصيل ..

غير حمام السباحه والجاكوزي .. عندهم ستيم روم ..
والحمام الله يعزكم كبير منقسم 3 اقسام .. وفي shower خارجي ..

استمتعنا وايد ..
كان الويك اند اللي قضيناه كأنه سفره خصوصا انه اليوم اللي وراه كان اجازة عيد العمال ..
ان شاءلله اكون نقلت لكم فكره بسيطه ..
عن صرح .. من الاماكن السياحيه في ديرتنا الحلوه البحرين ..

 

[cawcaw]

ونااااسه انا اول وحده برد عاد الموضوع وايد يهمني.. باجر انشالله بروح هناك بقعد بالويك اند وارد
عليكم بالعافيه صج المكان يريح الاعصاااب .. لي امس وانا احوس بقسم السياحه بشوف تقرير عن البانيان تري بس ماكو .. عاد استانست قلت بسوي تقرير بس سبقتيني انتي

الله يديم عليكم الوناسه وراحة البال يااارب.. بس ماعليج امر بسأل انتوا اي فيلا حجزتوا؟ الديلوكس ولا الديزرت؟

 

[cawcaw]

وفعلا اهو عندهم عرض الحين لي اخر الشهر ..خصم 50% عالحجز خلال هالفتره.. عاد اغتمنت الفرصه لان من زماااان بحجز بس استحرم الموضوع لان بيطلع شي وشويااات.. بس شكله يسوى والله..

بالعافيه مره ثانيه ومشكوره عالتقرير الي شوقني اكثر للمكان

 

[كوب حليب]

عليكم بالعافية زين سويتو خووووووش تقرير يسلمو على الصور الجميلة يا جميلة

 

[اوملييتا]

عليكم بالعافية عاد كنت مقررة نروح نغير جو في البحرين
وايد عاجبني هالفندق من زمان مخططه عليه
بس ابي اسألج حبوبة الحوض اللي في الغرف مغطى تماما
يعني محد يقدر يشوفج ؟؟ البس على كيفي يعني ؟

 

[اوملييتا]

اي و ابي اسأل الحوض عميق واللا لأ ؟؟

 

[white**angel]

وااااو يههبل ودج ما تطلعين منه
عليكم بالف عاافيه

 

[laura mercier]

واو...شكرا على التقرير الحلو...

 

[همسQ8]

رووعه تسلمين على هل الموضوع

 

[bambena]

زين سعره حق ليلتين وكبيره الفيلا

مشكوره شحلاته يهبل

 

[pink-rose]

عليكم بالعافية عاد كنت مقررة نروح نغير جو في البحرين
وايد عاجبني هالفندق من زمان مخططه عليه
بس ابي اسألج حبوبة الحوض اللي في الغرف مغطى تماما
يعني محد يقدر يشوفج ؟؟ البس على كيفي يعني ؟

نفس السؤال؟؟؟:tek:

 

[cawcaw]

بعد اذن صاحبة الموضوع اوركيدا:
حمام السباحه خاااص داخل الفيلا وصاااد يعني عادي لبسي واستانسي على كيفج محد يقدر يشوووف
وبالنسبه لعمقه .. ف يبلش من متر تقريبا لي متر ونص..

 

[مســـــافره]

شكرا على التقرير الحلو

 

[^ حـلـــــوى و رهـــــش ^]

خوووش تقرير ..


شكله يونس ..


يسلمووووووووووووووووووووو حبوبه

 

[Pink GirL]

خوش تقرير
يعطيج العافية حبيبتي

 

[الشامريه]

يووووووووووووووووووووونس رووووووعه

 

[شيهانه]

عليكم بالعافيه ... خووووش اوتيييييل ..

الله يكتبلي زيارته ودي اروح له من زمااان ..

 

[crystal 87]

السلام عليكم

يعطيكم العافية صور وايد حلوه

بس عندي سؤال لاني انشالله ناويه اني اروحله هذي الصور صورالديلوكس ولا الديزرت ولا الرويال؟؟؟؟؟

 

[منورة الكويتية]

ايشووووووووووووووق ماشاء الله
حد الريلالاكس
يعطيج العافية اوركيدا
لج وحشششه