تقرير سفرتي لمكة 16إالى19-12-2009

[قطايف بالمكسرات]

أو شي شونكم بنات وحشتوني
أحب أهدي تقريري الاول لكل البنات بس اسمحولي انه بدون صور:0bee2e8d89:
موعد الرحلة:الساعة 1:30 على الخطوط الجوية القطرية والصراحة تقييمي لهم 8 من 1 لان الخدمة والوجبات مولي ذاك الزود والسعر أغلى من باقي الشركات
وصلنا جدة الساعة اربع العصر واتجهنا مباشرة الى مكة فندق دار التوحيد والصراحة روعة هالفندق لكن الغرفة صغيرة ومافيها الكرسي اللي يتحول سرير .
بس ميزة هالفندق انه اقرب شي حق الحرم
المهم حطينا أغراضنا وتوضينا ورحنا الحرم حق صلاة العشا وبعد الصلاة مباشرة بدينا بالطواف والسعي والصراحة كان زحمة لان يوم اربعا وبعد لان في حجاج وايد مارجعو بلدانهم وبعد لان قطر والبحرين عندهم إجازة العيد الوطني. لكن سواق التاكسي قال ان أحلى وقت للعمرة بيكون فالنص الثاني من شهر محرم لان مكة تكون شبة خالية وحتى الفنادق تكون رخيصة:ggdw:خلصنا المناسك تقريبا عالساعة 11 عقبها رحنا نتعشى وننام عشان ورانا قومة لصلاة الفجر وبجذي خلصنا اليوم الاول من السفرة وعمرة مقبولة إن شاء الله:aha:
الصراحة يوم الخميس والجمعة وصباح السبت كان البرنامج مثل اي شخص رايح العمرة مابين الصلوات فالحرم وشوية شوبينج
بس احنا حددنا بعد صلاة الظهر وصلاة العصر يكون التسوق فالابراج او ابراج زمزم لان قراب عند الحرم
بس بعد المغرب يكون بس للجلوس فالحرم
وبعد صلاة العشا يوم الخميس رحنا مجمع الضيافة
ولي عودة بس الكتكوتة تصيح ماقدر أكمل

 

[مليانة حب]

تقبل الله منج....وعمرة مقبولة إنشالله ناوية اروح لها عن قريب

 

[لوازم العائلة]

تقبل الله طاعتج

 

[الشرقية]

تقبل اللة طاعتج ................بصراحة انا حاجزة دار التوحيد نص يناير
شنو الاشياء الحلوة الليي شريتييهااااااا؟؟؟؟؟؟؟؟

 

[دلوعة أبوهآ]

الحمدلله ع سلامتك ..,
والله يتقبل منكم صالحالأعمال ,,

 

[غلاي غير]

ماشاء الله
تقبل الله طاعتكم وعمره مقبوله ان شاء الله

 

[علولي]

الله يتقبل منك صالح الاعمال

 

[om_dodo]

عمرة مقبولة
تقبلى مرورى

 

[صادقه بحساسى]

الله يــــــــقبل إنشاء الله وعاد لا تنسين تكــــررى الزياره

وترانى من اهل مــــــــــــــــكه لو تبين اى ستفسارات
ترانى حاضره وتقبلى مرورى لموضوعك تحياتى

 

[أم ريوف 1400]

تقبل الله طاعتج
حبيبتى التوحيد رااااائع

عندك ابراج البيت حلو لانه شامل فندق وسوق شامل للماركاااااات

 

[غلاي غير]

ام ريوف وينه ابراج البيت نظام فندق 5 * والا شقق

 

[علولي]

حبيبتي ابراج البيت عند الحرم
اول ما تخرجي على التوسعة تلاقيه امام بوابة الملك عبد العزيز

 

[ريماا]

تقبل لله طاعتج
انا احن على زوجى اروح العمرة هالفترة انا وامى وخالتى ان شالله يفضى لنا ويودينا

 

[قطايف بالمكسرات]

هلا حبيباتي اشكركم وأشكر مروركم
أنا رجعت ومثل ماقلت لكم ألحين بتكلم عن السوق والاشيا الحلوة اللي شريتها
أبراج مكة عادي بس تتقظون منه ألعاب اليهال والتمر عندكم تمور المملكة والعبي عندكم مزاج للعبايات له كذا فرع تقريبا في كل دور وعبايات الحلوة فالدور الارضي عنده عبي تطريز كشميري وايد حلوين ومحل بدون اسم مسوي عرض الصراحة كل عباية أحلى من الثانية والأسعار تقريبا من 800 إلى 1300 لكن روعة
وبعد لا تطوفكم الاكسسوارات الي عند المصباح وايد حلوين وما يختربون عن تجربة
وبعد بن داوود شامل كل شي
وإذا تبون أعشاب وزيوت روحو حق محل عدنان صبغة فالدور الاول
ثاني مجمع بتكلم عنه هو أبراج زمزم فية كل الماركات وأرقى من أبراج مكة :المحلات المميزو الشرقية أو شرقيات للجلابيات وايد حلو وراقي ومحل فيمي ناين بدلات للزيارات وفساتين نعومة أنصحكم وبقوة فية وفيه محل عبي اسمه السلطانة شكلة راقي لكن مادخلنا لان مسكر
ثالث مجمع اسمه الضيافة وهذا تروحون له بتاكسي لان بعيد تقريبا ربع ساعة عن الحرم وفية محلات من جميع المستويات وايد حلو وفية ملاهي لليهال بعد
ورحنا العزيزية لان هناك أكثر من مجمع بس أحنا قاصدين محل للملاحف اسمه اوشينو في سوق العزيزية بضاعته صناعة استرالية وايد حلوة وتدوم مع الغسيل المتكرر
بالنسبة للجو كان ربيعي مب حار ولا بارد يعني مافي داعي للملابس الشتوية
المطاعم أحنا نتغدا في الطازج عشان عنده عيش ونتعشى في كودو
واتمنى يعجبكم تقريري المختصر والسريع للرحة

 

[الشامريه]

تقبل الله طاعتكم بس لو في ضور كان بصير احلى

 

[خــلــود]

تقبل الله منكم صالح الاعمال

 

[mngo67]

تقبل الله طاعتج ومثل ما قالو البنات ناقصه الصور
جم سعر الليلة في دار التوحيد؟

 

[pink_girl]

الله يتقبل منا ومنك ياحلو مكه الله يسهل لنا ونزور بيت الله

 

[أسـيـل]

حمدالله على سلامتك وتقبل الله طاعتكم

 

[آبـلـہ نـونـو]

حمدلله على سلآمتج ، و تقبل آلله طآعتج حبيبتي .. ~



..