@@ تقرير عن استراليا 2010 بالتفصيل الممل والميزانيه @@

[Loora]

السلام عليكم


أنا الصراحه اول مره اكتب بهذا القسم ,,,,,, بس ودي افيدكم عن استراليا واللى ناوي يزور هالديره

لأني انا حيل تعبت وانا اجمع معلومات وودي اني افيدكم بتجربتي ،،،،،،، وحياكم الله بموضوعي :aha:

واللى عندها اي سؤال او استفسار حياها الله


@@ التخطيط لسفره @@
1- عمل فيزا لزياره استراليا :
------------------
والفيزا فقط تحتاج صورة من جواز السفر ورسوم ماليه ، وانا سويتها عن طريق مكتب سفريات المستقبل

*طرق استخراج الفيزا:
أ- استخراجها من موقع وتقريبا يكلف بحدود 33 دينار
ب- طلبها من مكتب سفريات المستقبل بحدود 40 دينار

2-حجز الطيران والصيران الداخلي :
-----------------------
بالنسبه لطيران انا اخترت طيران الامارايتيه وحجزتها عن طريق مكتب سفريات وكان خط سير الرحله :

الذهاب : كويت - دبي - سدني
العوده : جولد كوست - دبي - كويت

وكان سعر التذكره ( 575 دينار ) لشخص

والطيران الداخلي حجزته عن طريق مكتب سفريات وكان الرحله بس وجه وحده على متن خطوط ( فيرجن بلو) :
من سدني - جولد كوست

وسعر التذكره ( 30 دينار ) لشخص

3- حجز الفنادق :
-----------
تم الحجز عن طريق موقع booking.com

وكانت مدة الرحله اسبوعين ، مقسمه كالأتي :

3 ليالي ----- سدني ( فندق مدينا جراند هاربور سايد )
الليله : 45 دينار
المجموع : 135 دينار

10 ليالي ----- جولد كوست ( فندق كورتيارد باي ماريوت )
الليله : 21 دينار
المجموع : 210


@@ اجمااااالي التخطيط لسفره @@

مجموع التذاكر و الإقامه و الفيرا لعدد شخصين :
(( 1635 )) دينار

و إن شاء الله باجر راح اكتب لكم تفاصيل الرحله

واي سؤال انا حاضره

 

[بنت الأصايل]

احب استراليا وحيل بخاطري اروح لها بس المسافة طويلة وانا اخاف من الطيارة

متابعتج حبيتبي كملي التقرير

يعطيج الف عافية

 

[رزه واستايل]

انا اول وحدة ارد هيااااااااااااااااااااااااااااااااااااااااااااااااااااااا يلا ناطرين التقرير عاد بخاطري اروح استراليا عليكم بالعافية

 

[! هُوْ وِينِه !]

أب أب لعيونج

 

[@الليدي لين@]

مشكووووره عالمعلومات المفصله


ناطرين التقرير

 

[شطّه..~]

رد : @@ تقرير عن استراليا 2010 بالتفصيل الممل والميزانيه @@



وانا رحت استراليا بالصيف هذا 2010

ونفسك زرت سدني و قولد كوست
ان شاء الله انزل تقرير رحلتي قريبا




على فكره انا رحت على نفس الخطوط ومت قهر من تأخيرهم بالرحلات

من الدمام لدبي تأخرو ساعه

ومن دبي لسدني تأخرو ساعه

وبالرجعه من من سدني لدبي تأخرو ساعه ونص تقريبا

ومن دبي لدمام ساعتين ومت قهر لان ماوصلت الا متأخر وعندنا عرس

يلا ماطول عليك وبنتظار التقرير لاتتأخرين علينا

 

[P!NKia]

عاد انا ناويه اروح استراليا الصيف الجاى ان شالله
انا وزوجى ولدى
بس ناوين استراليا وسنغافوره ان شالله
ناطرينج

 

[@style@]

انا كنت هالصيف في استراليا بعد

ناطرينج على احر من الجمر كملي شوقتينا​

 

[Hello_kitty]

ماشالله من البدايه مبين خووش تقرير عاد حيل مفكرين باستراليا نااااااااااااطرينج

 

[بــ زايد ــنت]

ما شاء الله باين عليه وايد حلو التقرير

يالله نتريااج كملي التقرير

عاد اخوي كله يقولنا بوديكم استراليا بس خواتي مايتحمسون.. بخليهم يشوفون تقريرج يمكن يزيد حماسهم

 

[Loora]

احب استراليا وحيل بخاطري اروح لها بس المسافة طويلة وانا اخاف من الطيارة

متابعتج حبيتبي كملي التقرير

يعطيج الف عافية

اذا اتخافين من المسافات الطويله ،،،،، ماكو الا انج اتقسمين الرحله يعني اول شي اتروحين اي دوله من دول شرق آسيا وبعدها تطلعين على استراليا ( وعلى فكره بتكون التذكره حيل ارخص ) وتابعيني لأني راح اذكر هالملاحضات بعد اشوي حق اللى بوفرون بسعر اللتذكره

والله يعافيج ،،،، حياج الله

 

[Loora]

انا اول وحدة ارد هيااااااااااااااااااااااااااااااااااااااااااااااااااااااا يلا ناطرين التقرير عاد بخاطري اروح استراليا عليكم بالعافية

حـــيــــاااااااااااااااج الــــــــــــــلــــــــــــــه

و ان شاء الله الصيف الجاي انشوف تقريرج عن استراليا ،،،،،، بس اذا لج نية من الحين ابدي التخطيط وجهزيلج ميزانيه

 

[Loora]

أب أب لعيونج

:blueSmCLR:شكرا شكرا شكرا :blueSmCLR:

 

[Loora]

مشكووووره عالمعلومات المفصله


ناطرين التقرير

العفوووو ،،،،، وتابعيني لأني راح اكت ملاحضات مفصله اكثر على الحجوزات انشالله راح افيدكم

 

[Loora]

رد: رد : @@ تقرير عن استراليا 2010 بالتفصيل الممل والميزانيه @@

وانا رحت استراليا بالصيف هذا 2010

ونفسك زرت سدني و قولد كوست
ان شاء الله انزل تقرير رحلتي قريبا




على فكره انا رحت على نفس الخطوط ومت قهر من تأخيرهم بالرحلات

من الدمام لدبي تأخرو ساعه

ومن دبي لسدني تأخرو ساعه

وبالرجعه من من سدني لدبي تأخرو ساعه ونص تقريبا

ومن دبي لدمام ساعتين ومت قهر لان ماوصلت الا متأخر وعندنا عرس

يلا ماطول عليك وبنتظار التقرير لاتتأخرين علينا

لا الحمدالله انا احس توفقت بأختيار ( الاماراتيه ) لأنها كانت ممتازه من جميع النواحي ، بس عيبها الوحيد ان سعرها اغلى من غيرها بس الصراحه تستاااهل هالسعر

وناطرين تقريرج

 

[Loora]

عاد انا ناويه اروح استراليا الصيف الجاى ان شالله
انا وزوجى ولدى
بس ناوين استراليا وسنغافوره ان شالله
ناطرينج

اذا خططتي لسفره من الحين وجهزتيلج ميزانيه ،،،،،، ان شاء الله الصيف الجاي اتروحين لها
وصج راح تستانسين فيها ، بس الصراحه انا ماجربت أخذ ولدي معاي ( بس اذا ولدج كبير وشايل نفسه اكيييد راح يستانس وانتي بعد تستانسين ، لأني انا الصراحه ضد اللى تاخذ عيالها بعمر مايفهم لسفر وماراح يستانس ولا اهي بتستانس )

وبالنسبه لسنغافوره ،،،،، تابعيني لأني راح اذكر ملاحضات على الحجوزات واذا بتروحون شرق آسيا شنو الطريقه الأفضل

 

[Loora]

انا كنت هالصيف في استراليا بعد

ناطرينج على احر من الجمر كملي شوقتينا​

اي امبلا اذكرج قبل السفره كنا انحوس بالمنتدى وانسأل بعض بس صج التخطيط قبل السفره حييييل حلووو
علشان اذا رحتي تستغلين وقتج صح واتروحين افضل الأماكن

 

[Loora]

ماشالله من البدايه مبين خووش تقرير عاد حيل مفكرين باستراليا نااااااااااااطرينج

حـــيــــــااااج الـــــــلـه:aha: وتابعيييني

 

[Loora]

ما شاء الله باين عليه وايد حلو التقرير

يالله نتريااج كملي التقرير

عاد اخوي كله يقولنا بوديكم استراليا بس خواتي مايتحمسون.. بخليهم يشوفون تقريرج يمكن يزيد حماسهم

استراليا حلوووووه وتناسب كل الأعمار ،،،،، وحيل حلوه حق اللى يحب الوناسه والرحلات واحلى شي ان جوها عجيب بالصيف

 

[Loora]

@@ ملاحضاااااات على التخطيط لسفره @@


1- اهم شي التخطيط الجيد قبل السفره بوقت كافي ، لأن :

- الدوله تحتاج فيرا ، والفيزا تحتاج اسبوع تقريبا
- استراليا بعيده وتذكرتها غاليه يعني اللى بروحلها لازم يكون مخطط صح علشان اتكون رحلة موفقه ، ويكون حاط اباله شنو المناطق اللى بروحلها وشنو الاماكن اللى بزورها
-التخطيط ينفع اذا بتوفرون بأسعار التذاكر لأن كل ما حجزتو مبجر اتكون التذاكر ارخص


2- بالنسبه للفيزا ، اللى حابه اتسوي الفيزا بنفسها عن طريق النت هذا الموقع

http://www.immi.gov.au/e_visa/visitors.htm
وشرح الطريقه موجود بمنتدى المسافرون العرب
وانا عن نفسي سويت الفيزا عن طريق مكتب سفريات ، لأن الفرق بالسعر مايسوه
عن طريق النت ب 33 دينار والمكتب ياخذ 40 دينار.


3- بالنسبه للأقااامه ، حيل حيل انصحكم بموقع booking.com لان مضمون اول شي وثاني شغله سعره حيل يفرق عن مكاتب السفريات ، لأني انا قبل لا احجز عالنت رحت اكثر من كتب وسألت عن الفنادق وكان الفرق كبييير حيل يوصل لدبل السعر .

4- اول شي بعطيكم ملاحظات عن مطارات ( سدني ) و ( جولد كوست )

**سدني : فيها مطار واحد ولكنه يشمل نوعين :
الدولي (انترناشونال) لرحلات الدوليه
المحلي(دامستك)لرحلات الداخليه

** جولد كوست :
فيها مطار واحد محلي لرحلات الداخليه فــقـــط
ولكن لرحلات الدوليه فـأقـرب مطار دولي هو ( مطار برزبين ) ويبعد تقريبا 45 دقيقه بالسياره.



5- بالنسبه لحجز الطيران : في طريقتين :

1) يكون الحجز على خطوط طيران وحده من ( الكويت ) إلى ( استراليا) وهذي اتكون تكلفتها بحدود 480 دينار و اكثر
مثل : الكويتيه - الاتحاد - الاماراتيه - السنغافوريه

وكل وحده فيها مميزات وعيووب وراح اذكرها لكم بشكل مختصر :

( الكويتيه ) ميزتها انها دايركت ولكن عيبها انها اتروح بس سدني ، يعني لو بتروحين اي منطقه ثانيه روحي داخلي وارجعي مره ثانيه سدني علشان العوده

( الاتحاد - الاماراتيه ) تعتبر الافضل لأنها اتروح لمطار سدني ومطار برزبين يعني فيها مرونه اكثر بالحجز وخدماتتهم ممتازه

( السنغافوريه ) حلوه حق اللى يبي يريح بنص الطريج ، وسعرها اقل ، بس ماعندي فكره عن مستوى طيرانهم.

2) يكون الحجز مقسم على نوعين من خطوط الطيران ،،، يعني من (الكويت ) الى ( اي دوله بشرق آسيا ) على الكويتيه مثلا و من ( شرق آسيا ) إلى ( استراليا ) على الطيران الأقتصاني ( آير آسيا )

وهالطريقه بعد لها مميزاتها وعيوبها :

مميزاتها : حلوه حق اللى بيرتاح مثلا بنص الطريق او حق اللى بتسووق بالرده ، والميزه الاحلى بعد انها اوووووفر حيل ،،، يعني اعطيكم مثال :
(كويت - ماليزيا ) عالكويتيه بحدود 230 دينار
+ ( ماليزيا - استراليا ) على اير ايسيا 70 دينار
= يعطلع التوتال بحدود 300 دينار

عيوبها : راح يكون تعب اشوي بسبب تغيير الطيران ،، ونزلة الجناط ودخلتهم اتعب اشوي



هذي الملاحضات اللى عندي ،،،،،،، واكمل لكم باجي التقرير بوقت ثاني ،،،،، واي سؤال آنا حاضره ( حياكم الله )