@@ تقرير عن استراليا 2010 بالتفصيل الممل والميزانيه @@

[فوقهن و تسواهن]

رد : @@ تقرير عن استراليا 2010 بالتفصيل الممل والميزانيه @@

يعطيج العافية والله يهنيكم

 

[Loora]

ماشالله بانتظار باجي التقريييير والصور
عليج بالعافية

الله يعاافيج ,,,, وانشالله باجر اكمل لكم التقرير

 

[Loora]

متابعتج حبيتبي كملي التقرير ولاتنسين الصور :eh_s(6):

يعطيج الف عافية

الله يعافيج ،،،، وان شاء الله باجر راح اكمل التقرير حياج الله وتابعيني

 

[Loora]

مشكوره على التقرير الحلو

والتفاصيل المميزه

العفووو ماسويت شي ،،،، واهم شي انكم تستفيدون من التقرير

 

[Loora]

اب
اب

شكرا عالرفع

 

[Loora]

رد: رد : @@ تقرير عن استراليا 2010 بالتفصيل الممل والميزانيه @@

يعطيج الف عافية ياقلبي

الله يعااافيج ،،،،، وحياج الله تابعيني لنهاية التقرير

 

[Loora]

رد: رد : @@ تقرير عن استراليا 2010 بالتفصيل الممل والميزانيه @@

كمليكملي ماشاء الله تقريرج حلووو واحلى شي التفاصيل يعطيج العافيه

الله يعافيج وان شاء الله باجر راح اكمل التقرير ،،،،، تابعيني وحياج الله

 

[Loora]

وااااااااو مشكوره ما شاء الله عليج معلوماتج وافيه


عاد ودي اروح لاستراليا مع عيالي وخاصه انهم بعمر يفهمون اعمارهم بين 13 و6 سنوات >>>> تصلح لهم استراليا ؟؟؟؟


متاااااااااااابعه معاج وبحفظ تقريرج لي بغيت احجز استفسر منج وادري ما تقصرين

هلالافيج منيره وحياج الله ,,,,,,,,,, وصح استراليا حيل حلوه وعائليه وتناسب اعمار عيالج لأنهم كبار وصج بيستانسون بالرحلات و التمشي ،،،،،،واذا بغيتي اي استفسار او شي دشي على هالموضوع وبجاوبج علشان تستفيدين والكل يستفيد

وتابعيني ،،،،، والجزء الجاي من التقرير حيل حيل حلو وراح يعجبج

 

[Loora]

مشكوره على التقرير. بس شنو تقييمج على الفنادق

العفووو ماسويت شي ،،،،، وبالنسبه للفنادق اللى سكنتهم حيل حلوين ،،،،، وانا اهم شي بالنسبه لي الموقع ،،،، وفعلا الفنادق اللى سكنتهم اثنينهم بالسنتر وكل شي تحتي والمستوى حلووو اللى بسدني كان 5 نجوم واللى بجولد كوست كان 4نجوم ،،،،،، واثنينهم موجودين بموقع بوكنج واسعارهم معقوووله جدا

 

[Loora]

يا حلوها استراليا تهبل

بس ماشاء الله تخطيط الميزانيه عندج ممتاز

انا رحت لها 2006 بس كلفتني وايد

عليكم بالعافيه

اي والله استراليا حلوووه ،،،، وصج تستاهل ان الواحد يتعنى ويزورها

والميزانيه كانت ممتازه عندي لأني حيل تعبت بالتخطيط و قضيت وقت كبير وانا اسوي سيرج بالنت واقارن بين اسعار النت واسعار السفريات واسعار القروبات ،،،،، وبالنهاية اكتشفت ان لما الواحد يقوم بحجوزاته عن طريق النت بنفسه افضل شي ،،،،، وحتى افضل من القروبات ،،،،، لأن راح يختار افضل طيران وافضل فنادق و فوق هذا راح يكون السعر اوفر

 

[Loora]

رد: رد : @@ تقرير عن استراليا 2010 بالتفصيل الممل والميزانيه @@

يعطيج العافية والله يهنيكم

الله يعااافيييج

 

[أم@الحلوين]

حمدالله ع السلامه
ويعطج العافيه ع التقرير بس نبي صور

 

[Loora]

حمدالله ع السلامه
ويعطج العافيه ع التقرير بس نبي صور

الله يعافيج ويسلمج

وان شاءالله ناويه بنهاية التقرير انزل صور اتفيدكم ,,,, بس بتعلم على الطريقه لاني ولا مره جربت انزل صور

 

[أم@الحلوين]

الصور لازم تكون أول أول عشان نعيش الاجواء معاج

وطريقة تنزيل الصور واااااااااااااااايد سهله


اول شي ختارين الصورة من الموقع و بعدين تحطين دبل كلك و تختارين
properties بعدين يطلعلج مربع فيه adress اظللين عليه وتحطين
copy وترجعين على موضوعج المنتدى وتختارين ادراج صوره وpaste


و بس

 

[أم@الحلوين]

وهذا موقع سريع ويحملج 10 صور مع بعض

http://www.up.3ros.net/

 

[Loora]

@@ تفاصيل الرحله في جولد كوست @@
------------------------

جولد كوست مدينه على البحر وحيل حلوه وشرحه وجوها ادفى من سيدني حيل ،،،،، يعني تقريبا درجة الحراره عندهم في شهر 7 بين 18-24 درجه ،،،،،،، وتعتبر جولد كوست المدينه السياحيه الاولى في استراليا ،،،،،، و ( السيرفس برادايس ) هو سنتر المدينه وفيه اغلب الفنادق و مطاعم واماكن سياحيه و صالة العاب مفتوحه من الساعه 9 الصبح الى الساعه 12 منصف الليل وتسمى الصاله ( time zone )

الاقامه :
-----
اقامتنا كانت بقندق ( كورتيارد باي ماريوت ) لمدة 10 ليالي ،،،،، والفندق 4 نجوم بس مستوااه ممتااااز ،،،،، وموقعه بالسنتر بالضبط في منطقة السيرفس برادايس في شارع (جادة كيفل) وتحت الفندق في بقاله ،،،،، وفي مجمع ملاصق للفندق في محلات والسرداب فيه سوبر ماركت ( وول ورث wool worth )

اليوم الاول : تم الوصول ليلا ،،،،، وبهاليوم خذينا جوله بشارع اللى تحتنا واسمه ( جادة كيفل caivll avenue ) وتعشينا بمطعم فاست فود اسمه (oporto) واهو مطعم اسلامي وحيل قريب من الفندق تقريبا كل يوم انتعسى فيه ،،،، وبعدها مرينا السوبر ماركت خذينا خفايف حق الريوق ( وعلى فكره السوبر ماركت ارخص من البقالات ،،،، بس السوبر ماركت يصكر الساعه 9 بليل والبقاله 24 ساعه )

اليوم الثاني : بهاليوم قررنا انسوي لنا جدول ،،،،، وانا عندي اوراق طابعتهم من النت عن الرحلات والاماكن السياحيه ،،،،، وقعدنا بالبلونكه تقريبا نص ساعه علشان انضبط لنا جدول لأن نبي انحجز الرحلات كلهم مره وحده ،،،،، بعد ماسوينا الجدول قارنا الاسعار بين (مكتب الرحلات اللى بالفندق tour disck ) و ( مكتب الرحلات اللى بالشارع info disk ) و ( مكتب اللاوند في فندق هوليدي ان LAWND) وبالنهايه افضل سعر كان في مكتب اللاوند والمكتب اسعاره تناافسيه و تعاملهم راقي و عندهم خدمة المواصلات لرحلات البعيده بس طبعا عليها رسوم بس افضل من الباصات اللى بالشارع لان المواصلات تكون من والى الفندق يعني توصيلهم جدا مريح و مواعيدهم دقيييقه ،،،، والحين راح اكتب لكم الاماكن اللى اخترتها :

** الرحلات البعيده **
---------------
هالرحلات تحتاج مواصلات لأنها بعيده وتحتاج وقت طويل لأنها كبيره ولازم اتحددين اليوم اللى بتروحين فيه لأن فيها مواصلات

1- SEA WORLD عالم البحار + مواصلات ( من الساعه 8ونص صباحا والعوده حسب اختيارنا في باص يرجع 3 و 4 و 5 )
2-DREAM WORLD عالم الاحلام + مواصلات ( من الساعه 8 و العوده حسب اختيارنا في باص يرجع الساعه 3 و 4 و 5 )
3- MOVIE WORLD عالم الافلام + مواصلات ( من الساعه 8 و العوده حسب اختيارنا في باص يرجع الساعه 3 و 4 و 5 )
4- OUT BACK أوت باك + مواصلات ( هي عباره عن رحله ليليه من الساعه 6 وفيها عرض كاوبوي للحصن ومع الرحله عشاء و لكن عند الحجز لازم تطلبون ان اتكون الوجبه ذبح اسلامي علشان يقدمونها لكم بوقت العشاء )
5-CONTRY BARADISE الريف الاسترالي + مواصلات ( هي عباره عن رحله تعليميه ومدتها تقريبا 3 ساعات عن حياة الاستراليين وكيفيه جز صوف الخروف وكيفيه عمل الكعك الاسترالي ومع الرحله وعند الحجز تقدرون تطلبون اذا تبونها مع الوجبه ولا لأ ،،،،، واحنا خذيناها بدون وجبه لأن اكلهم مو اسلامي )


**الرحلات القريبه**
--------------
هالاماكن قريبه من الفندق وكلهم اتروحين لهم مشي وتقدرين اتروحين لهم بأي وقت لان التذاكر مايكون مسجل عليهم تاريخ معين ولا شي

1- AQUA DUCK البطه البرمائيه ( تاخذج جوله مدتها 45 دقيقه بين شوارع جولد كوست و البحر )
2- برج Q1 ( اعلى برج في جولد كوست تقدرين تصعدين له وتشوفين المدينه من فوق )
3-BLEVE OR NOT صدق او لاتصدق ( متحف في شغلات غريبه وانا شخصيا ماعجبني لأن كل التعليقات بالانقليزي يعني كنا انتمشى وبس بدون لا نعرف شنو سالفه هالتماثيل )
4- INVINITY متاهته انفينيتي ( هاللعب حيل حيل حلوه وممتعه يعني ادشين اللعبه وادورين المخرج ويبيلج نص ساعه على ماتطلعين حيل اعجبتني )
5-DRAKOLA دراكولا ( مثل مبنى من 5 ادوار تصعدين لأعلى دور بالاصنصير وبعدها تنزلين دور دور وانتي تمشين وفي شغلات اتخرع اتمرين عليها وترى في مطعم بعد دراكولا بس بعيد ومارحت له و هاللعبه موجوده بالسيرفس اتروحين لها مشي ،،،،، حلوه اللعبه بس اتخرع وانا طلعت ما كملتنا لنهايه )


تابع اليوم الثاني :طبعا خذينا وقت طويل على ما قررنا من وين انحجز رحلاتنا ،،،،،، و بعد ماحجزنا الرحلات والاماكن السياحه ،،،، قررنا ان ناخذ جولد بالاكوا داك ،،،،،وكانت جوله حلوووه وشفنا جولد كوست كلها



اكتفي بهالجزء اليوم ,,,, وباجر اكمل لكم ( اليوم الثالث و الرابع ) من الرحله في جولد كوست

 

[Loora]

الصور لازم تكون أول أول عشان نعيش الاجواء معاج

وطريقة تنزيل الصور واااااااااااااااايد سهله


اول شي ختارين الصورة من الموقع و بعدين تحطين دبل كلك و تختارين
properties بعدين يطلعلج مربع فيه adress اظللين عليه وتحطين
copy وترجعين على موضوعج المنتدى وتختارين ادراج صوره وpaste


و بس

مشكووووره حبيبتي عالطريقه ,,,, وبحاول انزل الصور اذا قدرت ،،،، وحياج الله تابعيني لأن الاجراء الجايه حيل حلوه

 

[Q8_QT]

يعطيج العافية خوووووش تقرير

 

[Loora]

يعطيج العافية خوووووش تقرير

الله يعافيييج ،،،،، حياج الله وتابعيني

 

[مضيعة برقعها]

ياااااااااااااااعمري أحرقينا بالصووووووووووووووور بنشووووووووووووفهااااااا