تقرير عن اقامتي في Crowne Plaza Dubai Festival City

[الدلال]

السلام عليكم

سافرت الويك اند حق معشوقتي دبي , وكانت سفره سريعه وكسر للروتين

وحبيت احط تقرير عن فندقنا اللي سكنت فيه للمره الثانيه



وايد سافرت دبي , وبالسنه اسافر لها تقريبا مابين4 الى5 مرات

وسكنت في فنادق وايد , وشقق فندقيه وايد , وكلهم توفقت فيهم وحبيتهم

والفندق اللي راح احط تقريره ثاني مره اسكن فيه , الشهر اللي فات سافرت

وسكنت فيه اول مره وحييل عجبني, وحبيت اكرر التجربه...

من مميزاته :

خمس نجوم

الغرف حلوه وشرحه

نظيف

متصل بمجمع فستيفال سيتي وهذا بحد ذاته ميزه

ووطبعا مطل على الخور وكافيهات ومطاعم الفندق لهم قعده بره تشرح القلب وتطل على الخور

خصوصا اذا كان الجو مثل هالوقت , جو حلو وماكو رطوبه​

 

[الدلال]

اول ما وصلنا المطار وكنا رايحين امبجر وبقى عندنا وقت قلنا خل ندخل قاعة دسمان ونتريق ونرتاح شوي





بعدين حان وقت رحلتنا ورحنا حق طيارتنا



طارت الطياره بوقتها وماكان في تأخير الحمدالله , وهذي صورة وجبة الريوق



وبعدين وصلنا بالسلامه مطار دبي

 

[الدلال]

وصلنا الفندق



بعض الصور للوبي





اللوبي فيه قعده بره





خلصنا شغلنا عند الريسبشن وتالي صعدنا غرفنا

الممر بين الغرف



رقم الغرفه



الغرفه الاولى





الحمام , وهذا العيب الوحيد ان فيه شتر مو طوفه, بس شكلها الموضه الحين, 3 فندق اسكنه بدبي الحمام زجاج من برا , بس اشوه الشتر انقذنا لووول





غرفة عيالي , كنت ماخذه كونكت روم

 

[الدلال]

وهذا مطل الغرف

 

[الدلال]

ودبي اماكنها ومجمعاتها الاغلب يعرفونها وراحوا لها
بس راح احط تقريري عن مطعمين جربتهم وحييل اعجبوني
وهالمطعمين موجودين في الفستيفال سيتي , المول المتصل بالفندق

 

[سيده نفسي]

حمدالله علي سلامه

 

[الدلال]

مطعم احب اتريق فيه , وعنده قعده بره تشرح القلب , خصوصا اذا كان الجو حلوو





وفطوره متنوع, مابين شرقي وغربي وانواع ثانيه

 

[الدلال]

وفي مطعم تغديت فيه, وايد حبيته, بكل شي عجبني, اكله لذيذ وقعدته حلوه

يمثل المطبخ الاماراتي..





في قعده داخل وبرا

بس انا حبيت اقعد برا لان بصراحه المنظر يهبل والجو حلو وماشالله عليهم بكل زاويه حاطين شغله معينه تمثل تراثهم القديم

 

[وحيدة امى]

بالعافيه تهنون

 

[الدلال]

شوفوا شكل الطاولات



المنيو كان على شكل المهفه السعف



ضيافتهم باجيلا



طلبنا من السلطات والشوربه



المربين ومرقة اللحم وكباب اماراتي وخبز وعيش مشخول



ولابد نختم الغدا الدسم بالجاي

 

[الدلال]

ولا بد نحلي بعدها



اعجبتني طريقتها لووول



اتفضلوا بردوا على قلوبكم



وهالصوره التقطتها بالليل وانا قاعده بكافيه من الكافيهات اللي بالفندق اللي تطل على الخور



واتمنى ان يعجبكم التقرير ...

 

[جكورة]

حمدلله على السلامة
تقريرج يهبل ويشوق
يبيله دبي

 

[elzain^kella]

el 7emdella 3ala el salamah .. o ya36ech el 3afyah 3ala hal taqreer el 7elo

 

[مزاااج]

تقريرج حلو

واهم شي ان الفندق حلو بموقعه المطل ع الخور
وقريب منه مجمع

يلا عاد غيري الفندق المره الجايه واسدحي تقريرج
>>>تبي تستفيد


يعطيج العافيه

 

[دنيا جديدة]

عوافي
حياتي

 

[dubai girl]

تقريرج حلو
ممم تقصدين مطعم الفنر صح
؟

^^

 

[هـيـامـي]

حمدالله ع سلااامتج

ويعطييج العافيه ع هالتقرير الحلوو :eh_s(7):

 

[star warld]

حمدلله علئ سلامتج

حلو تقريرج

 

[الكادي 1981]

بالعافية عليييج

 

[الدلال]

حمدالله علي سلامه

الله يسلمج يارب :eh_s(7):