تقرير عن مساج كوين+مساج اسرار الصيني بالصور

[al7anona]

السلام عليكم​

طبعا بالبداية اشتركت​

كوين مساج​

​

​

مكانه: الشعب البحري ​

رقمهم:22657787​

اسعار الاشتراكات تعتمد على حسب الوزن طبعا من 110 لي 140د.ك تقريبا​

​

​

الاشتراك يشمل كورس مدته 10جلسات و يشمل جاي اخضر+حبوب سد شهية +لصقات بالاذن تتحكم بالشهيه​

​

​

​

هذي الحبوب واللصقات اللي يحطونها بالاذن والجاي الاخضر​

عندهم مساج بس للبطن شد وتخسيس سعره ب 90 د.ك عشر جلسات​

انا اشتركت مساج كل الجسم​

هذا الستاف كله ​

​

طبعا اول ماتروحين ياخذون الوزن وقياس الخصر والارداف (سم) +قياس الدهون بالجسم​

وبعد ماتخلصين الكورس يرجعون ياخذون القياسات عشان يشوفون الفرق​

والمساج مدته ساعه يمسجونج بزيت بعدها تحطلج كريم في حراره بسيطه وتلفج بنايلون وتقولج روحي وخلي عليج النايلون ساعتين وتسبحي بعدها​

وطبعا عقب ماتخلصين من المساج يعطونج جاي اخضر وحبه تسد الشهيه انا ماخذيت ولاشي شربت مره وحدة الجاي ومره حبه وماخذيت​

ولصقات الاذن كل اسبوع تغيرينهم هم مره وحدة وماجددت وحطيتهم ​

المهم بعد عشر جلسات تقريبا خذت مني شهر لاني مو ملتزمة كنت اروح مرتين بالاسبوع ومره 3 مرات المفروض اروح كل يوم وترك ​

بعد ماخلصت الكورس وزنتي وكنت نازلة 4 كيلو​

والقياسات الخصر 5 سم​

والارداف 4 سم​

ونظامي كان تخفيف وساعات اخربط طبعا ونادي كيرفز نص ساعه 3 مرات بالاسبوع تقريبا​

تقيمي للمكان: وايد حلو وراقي ونظيف ومرتب واللي يشتغلون هناك تقريبا كل جلسه اجرب وحدة وكلهم زينين مشاءالله ماكنت التزم مع وحدة عشان الوقت كل مره اروح وقت غير وكلهم تقريبا بنفس المستوى . بس السعر شوي غالي 140د.ك الكورس ​

مساج اسرار الصيني​

​

http://www.0zz0.com

​

مكانه :السالمية شارع البحرين​

حولي شارع بن خلدون​

رقمهم:25752837​

97566536​

انا رحت فرع السالمية ​

​

​

الاشتراك يشمل كورس يتكون عندهم من 20 جلسة ​

السعر:100 د.ك من غير الكريمات +حبوب سد شهيه وجاي اعشاب وقهوه وعصير ولصقات بالاذن وكلهم اعشاب على قولتهم تسد الشهيه​

القهوه والجاي والحبوب تاخذين حبتين بعد الريوق والجاي والقهوه يعطون بعد المساج مره جاي مره قهوه مره عصير بحجم الفنيال اللي بالصورة

طبعا مااقدر احكم ع المكان لانه توني 3 جلسة عندهم وان شاءالله بعد مااخلص 10 جلسات بقيس وزني واوريكم الفرق​

طبعا اول ماتروحين ياخذون الوزن فقط ماياخذون القياسات ونسبة الدهون​

وبعدها تسويلج مساج يمكن اقل من نص ساعه ونص ساعه تخليج بالبخار شي حار وانتي منسدحه طبعا​

وكل منطقة تحطلج كريم غير من ضمن الكريمات اللي تشترينهم كريماتهم غاليه يعني تكلفج يمكن 70,80د.ك ع حسب شنو يحتاج جسمج ماانصحكم تشترون منهم لان الكريمات تنباع عندهم ع 8 وبرا بسرداب الشايع تنباع وايد ارخص انا راح احطلكم صورة الكريمات واشترو مثلهم قبل لاتشتركون عشان لاينصبون عليكم مثل مانصبو علي​

ولا يقصون عليكم لازم كل وحدة تشترك يقول في هوا بجسمج تبين كاسات هوا عاد انتو طنشوهم لاتصدقون ​

انا مجموع كريماتي كلفتني 65 دينار ولاكانت تبيني اشتري كريمين ناقصين على قولتها ​

​

​

تقيمي للمكان: اسعاره حلوه يعني 20 جلسه مع الكريمات كلفني 165 د.ك ولو يبت كريماتي من برا جان ارخص بعد مستوى المكان جدا عادي مو راقي كلش ولامرتب يعني انا اشوف الفرق بين كوين وبينه هناك كل غرفه ديكور والريحه والشموع والحركات اما اسرار الصيني مجرد سرير حتى شمعه صغيره ماكو ههههه بس مو مهم المهم نضعف وانا مااقدر ع مساج كوين وايد غالي​

النتيجه ماشفتها للحين توني يديده وان شاءالله راح اقولكم عن النتايج بعدين​

بس نصيحة:​

لاتسون مساج وبعدها تقطعون تدرجو لاتقطعون فجأة
يعني يوم وترك بالفتره الاولى بعدين كل يومين وترك بعدين مرتين بالاسبوع بعدها مره بالاسبوع هذي النصيحه سمعتها من بنات مجربين عشان لايخترب جسمج بعد المساج ​

ولازم تخفيف او نظام غذائي تمشين عليه عشان تستفيدين من المساج لانه اهو مساعد بدون نظام غذائي مايفيدج​

 

[al7anona]

..........

 

[om 3zozi]

صراحه خوش تقرير

تسلمين حبوبة
ولنا تجربة

 

[al7anona]

صراحه خوش تقرير

تسلمين حبوبة
ولنا تجربة

الله يسلمج حياج الله

 

[M!SS.LOBY]

يعطيج العافية
ماقصرتي
حلو التقرير

 

[beealh]

جأأأأأأأأأأأأينه كوين فاشل
رحت سويت جلسات خفت ريلي شوي بس قطعته ردت ريلي دبل :")

 

[Perfect J]

موضووووووووع حلوو ومفييييييد
مشكورة ع التغطية يعطيج ألف عاافيه

عزيزتي beelah

للأسف هذي مشكلة المساااج وصاحبة الموضوع جزاها الله ألف خير
حذرت بالآخر من ترك المساج والانقطاع عنه مثل الـLPG

لأن المساج ما يضعف ولا يخليج تتخلصي من الدهون هو بس يفتتيها ويعيد توزيعها
يعني ينحت الجسم ويرتبه مووو أكثر .. وتفتيت الدهون يخلي كرة الدهن تنقسم لأجزاء صغار
ومع الوقت هالاجزاء تكبر عشان جذي بتردين دبل والسيلوليت يكثر

اللي تختار المساج لازم تستمر عليه حتى ولو جلسة بالشهر لا ما ينقطع

 

[M!SS.LOBY]

رووووعة

 

[زهره الجلنار]

يعطيج العافيه وان شاء الله توصلين للوزن اللي تبينه

 

[M!SS.LOBY]

التقرير مفيد

 

[دانة_ دبي]

المساج مفيد

بس لازم الاستمرار انا سويت و ترتب جسمي و صار حلوو بس من تركته نهائيا صار دبل
يعني لازم لازم لو مرة ف الاسبوع

 

[M!SS.LOBY]

المساج يصلح للتخفيف من الوزن

 

[MisS.Wawa]

نصيحه اخت استمري باسرار الصيني صج مو راقي المكان بس وااااااااااااااااااااااو النتيجه خيال انا نزلت عليهم 6 كيلو بس جني قاطه 15 كيلو وخذيت الشاي والحبوب وكنت مسجله باسرار الصيني اللي بحولي وزحمه عليهم صج موراقي المكان بس شد فخوذي وخصرلي الجسم لاني كنت متنانه واليوم برد اروح اسجل والحلو اذا سجلتي باي فرع تروحين تسوين الجلسات باي فرع ورخيص وبلاش والكريمات انا اخذ من العطار ومن برا وفي كريم من الصيدليه او من بوتس لونه احمر وفي موضوع من مواضيعي تكلمت عنه روووووووووعه بروحه يشد ويخسس وحار وعجيب استخدميه لمن يسولج مساج وتالي لفي جسمج بنايلون خل يلفونج اشتريه ويلفونج والله روعه روعه رووعه واي معلومه تبينها كلميني عالخاص او بالانستقرام ومن عيوني افيدج بس شطار اسرار الصيني استمري عليهم وفالج الجسم الرشيق الخطيييير وترا ما متنت ظليت سنتين وشي ما متنت الا من حبوب تايلند اللي تعل القلب وحالفه ارد اسرار الصيني وطبعا مع رجيم ونادي وانشالله نحصل نتيجه يارب :* ​

 

[MisS.Wawa]

اسم الكريم eveline - fat burner لونه احمر رعاص هالماركه خذت جوائز اوسكار من قوتها عجيب لو شهر تدهنين كل يوم بتشوفين فرق شاسع ورهيب والله وباجي الكريمات روحي العطار ومحلات الفلبن واخذيهم ومستعده افيدج بكل شي بس راسليني ​

 

[tootoo86]

انا توني امسجله باسرارا الصيني صج المكان جدا عادي بس الكريمات وايد غاليه وغصب يبون يدعسون فيج كريمات ماتحتاجينها والي بط جبدي كانت لي ثاني جلسه ويايه اتقولي تحتاجين بعد كريمين هذول مايكفون عبالهم البنك المركزي المساج 100 عشرين جلسه وقطيت65 علي كريمات وبعدها بيوم 20 كريمات اضافيه ماحب هالنوعيه صراحه بخلص واحول مساج اريام القديم الي كنت اروحله او اسال اشوف بالسالميه وحولي ياكثرهم لان ماني ناقصه اتيي واتدعس فينا وان قلتيلها لا مانبي اتقول لا مايصير لازم مايكفي وهذا مايروح ويتحلطمون قطيعهواحنا 2 مشتركين عيبهم سوالفهم هذي لو يقطعون عن هالشغله جان مدحتهم عند رفيجاتي بس مايستاهلون