تقرير مصور عن سفرتي إلى ( سنغافورة – لنكاوي- كوالالمبور ) 2010

[الحرير]

تقرير مصور عن سفرتي إلى ( سنغافورة – لنكاوي- كوالالمبور ) 2010

بسم الله الرحمن الرحيم

** سنغافورة **
سافرت الى سنغافورة يوم الخميس الموافق 17 / 6 /2010 م ( كويت – ابوظبي – سنغافورة )

في البداية هذه صور جناط السفر حقي وحق زوجي ( الله يحفظه )

طبعاً سافرنا على الخطوط السنغافورية وكانت روعة ونظافة واهتمام وهبوط أروع بفضل الله تعالى

وهذه الصوره لما كنا بالطيارة
كويت – ابوظبي – سنغافورة



وهذه الصورة لما كنا بالجو ، شوفو منظر الغيوم





وهذه صورة عند مطار سنغافورة الجو كان روووووووووووووعه



هذه صور مطار سنغافورة ، مطاره شكبرة يجيب العافية




قعدنا في سنغافورة 4 أيام ، وطبعا كافي عليها لانها دوله صغيرة

سكنت في فندق اسمه مندرين ، بصراحة فندق راقي ونظيف وهذه صورته بالنهار والليل





وهو قريب عند شارع ( اورشارد رود ) وهو اهم وأكبر شارع في سنغافورة
وهذه صور الشارع بالنهار والليل




في سنغافورة تشوفون الحي الهندي little India وفي سوق مهم في هذا الحي اسمه مصطفى سنتر بس ماعجبني من كثر الزحمة




وهناك مجمع أسمه suntec city









تروحون له عشان تحجزون رحلة البطه من هذا المكان ducktours




وهي عبارة عن سياره تشبه البطه تمشي فيكم من المجمع ثم تعبر النهر وتفر فيكم سنغافورة
وتشوفون هذه الاماكن من خلالها وطبعا اللي يشرح لنا القايد











​

 

[الحرير]

وفي سنغافورة قرية الثلج snow city بس صغيرونه وفيها ألعاب وأماكن للتصوير





مكان حلو في سنغافورة أسمه نايت سفاري يفتح الساعة 7 مساءاً ، وهناك تشوفون عروض الهنود الحمر ، وأسواق صغيرة تبيع كل شي مرسوم عليه الحيوانات من ملابس وأدوات مدرسية وألعاب ومجسمات.. إلخ

وبعد فيها مطاعم مشويات وفي بعد رحله حلوه داخل باص تقريبا لمشاهدة الحيوانات بالليل وطبعاً القايد يشرح لنا









وشوفوا شوارعهم شلون نظيفة






واحلى شي في سنغافورة لما تسمع صوت الأذان تحسون براحة مو طبيعية ( سبحان الله )






وثاني يوم الصبح تريقنا



ورحنا حديقة اسمها hort park فيها اماكن ومساحات خضراء وسيعة للي يحب يمارس هواية المشي ، والشي الاحلى فيها جسور معلقة ومرتفعة وتشوفون الطبيعة والاشجار من تحتكم








واهم مايميز سنغافورة جزيرة سنتوسا [/URLhttp://arabsh.com/77uzi1oibogs.htmlhttp://arabsh.com/77uzi1oibogs.htmlhttp://arabsh.com/77uzi1oibogs.html​

]

 

[الحرير]

واهم مايميز سنغافورة جزيرة سنتوسا



وترحون لهذة الجزيرة عن طريق مجمع vivo city عشان تقصون تذاكر الجزيرة من هناك



وركبنا sky train



وداخل الجزيرة في اماكن حلوة وكثيرة وتجولون فيها بلاش وفري داخل الباصات الملونه البرتقالي والازرق .. إلخ



ومن هذه الاماكن عالم ما تحت الماء underwater world


وعرض الدلافين


وأحلى شي التلفريك










وفي السيارات المنزلقة بس ما صورناهم وحديقة الفراشات وحديقة الحشرات
والسينما الثلاثية الابعاد والرباعية الابعاد روعة روعة حيـــــــــل بس حسافه ما صورناهم والافلام فيها تعيشكم بجو مو طبيعي
وسلامتكم وتسلمون
وهذه هي سنغافورة بين ايديكم
مع خالص حبي
أختكم : الحرير ​

 

[الحرير]

** جزيرة لنكاوي **في البداية هذه صورة مطار لنكاوي ، الكل يبي يخدمك ، يقدمون لنا عروضهم وبرامجهم للرحلات المميزة في جزيرة لنكاوي



وهذه صورة أحد شوارع لنكاوي



وسكنا في فندق راقي وهادي ومايسكنه الا الكبل والمؤلفين والكتاب حتى ينعمون بجو هادي ولطيف ورومانسي يعني ممنوع الاطفال
( هذا على كلام صاحبة الفندق ) طلعت خوش وحده من موقف صار لنا وياه
( الموقف باختصار : مرة طلعنا البحر وركبنا مع واحد بس طلع سيارته مو تاكسي ، فشافتنا وخافت علينا ولحقتنا لما وصلنا البحر واطمنت علينا، ياحليلها على بالها انه راح يخطفنا !!! )

















وهذه صورة صاحبة الفندق



واحلى مكان بلنكاوي رحلة المانجروف
، تركبون طراد خاص فيكم ( في صور سائق الطراد للذكرى ) وفي هذه الرحلة تشوفون أنهر وبحار مغلقة ومفتوحه، ( طبعاً البحار المفتوحة امواجها قوووووووووووية وتخوف والله ستر )









في هذه الرحله تمرون بمكان إطعام النسور
( سبحان الله تتجمع النسور عشان تاكل )




وبعد تشوفون كهف الخفافيش كهف صغير مظلم ضيق يدوب يدخل فيه الطراد






وأيضاً تشوفون مزارع احواض السمك وتشوفون اغرب انواع السمك مثل سمك السهم وحيوانات بحريه أخرى


وفي مكان حلو بلنكاوي ( شلالات الابار السبعه ) بس متعبه حيييييييييييييل ودرجها طوييييييييييل وكان الجو فيها رووووووعة مطر وجو باررررررررررررد




​

 

[الحرير]

وهذه صور حديقة الفواكة وأغرب انواع الفواكه





وهذه صور حديقة الطيور










وهذه صورة الشلالات بس مو مرتفعه حيل وبسرعه توصلون لها تقريبا 5 دقايق




ومن احلى الجزر اللي زرتها ( جزيرة المرأة الحامل ) والسايق يقول اللي يشرب من هالبحيرة يحمل باذن الله!!!!!







وهذه صورة البحيرة في هذه الجزيرة ( جزيرة المراة الحامل ) ، تقدرون تسبحون فيها وتركبون الطرادات الصغيرة والتجول في البحيرة بهدوء وصفاء


وهذه جزيرة اخرى حلوه أسمها جزيرة العيش ( الأرز )
تقدرون تسبحون فيها وتغوصون فيها



ورمز وشعار لنكاوي هو النسر ، وتقدرون تشوفونه في مكان أسمه ميدان النسر وتلتقطون لانفسكم أجمل وأحلى اللقطات




وهذه صور أحد ابحر جزيرة لنكاوي وقت الغروب





وفيها تقدرون تركبون البرشوت ، وزوجي ( اسم الله عليه ) ركب البرشوت وطار بالسما وقلبي طار معاه خفت عليه ،،،


وسلامتكم وتسلمون
وأنصح كل وحدة بشهر عسلها تروح لنكاوي لانها صج جزيرة العرسان كما يقولون اللنكاويين ّّّّ !!!!!!!!!!!

أختكم : الحرير​

 

[الحرير]

** كوالالمبور **

سكنا في فندق 5 نجوم أسمه رويال جولان فندق فخم وراقي ونظيف وجديد صار له سنتين





أهم ما يميز كوالالمبور أبراج التوأم twines tower وهذه صورة بالنهار والليل
وتحته مول راقي جداً وكله ماركات





وفيه مجمع أسمه ماينزوندر لاند
فيه داخله سفينه حركتها حلوه ( تنزل فيكم إلى 7 متر من البحر بطريقة عجيبة ) وتشوفون كوالالمبور من أماكن حلوه









( أفا موسا ) من الاماكن الحلوه في كوالمبور وتصلح حق الاطفال
فيها 4عروض سيرك واحد احلى من الثاني

بس أول شي ركبنا هالشاحنه المغلقة وتجولنا فيها وشفنا الحيوانات المفترسه وكلهم قاعدين ويتحركون ويتمشون ، واحنا اللي مسكرين علينا ( عكس النايت سفاري )








اول شي عرض المهرج البهلوان والكابوي كان عجيب واصوات مسدسات تخرع وقويييه بس قالولنا أنها موصجيه !!!!!








عرض الحيوانات







عرض الطيور





​

 

[الحرير]

والعرض الرابع والاخير وختامها عسسسل للعروض هو عرض الفيله












ومن معالم كوالالمبور برج التلفزيون T.V TOWER وصعدناه وشفنا تونيز تور







( جينتنق ) اهم ما يميز كوالالمبور لانها منطقه جبليه ومرتفعة وباردة وفيها تلفريك وتصلح حق الاطفال لان فيها العاب كبيرة








وهناك أيضا مدينه سياسية يسكنها رئيس الوزراء الماليزي أسمها ( بترجايا )
فيها معالم كثيرة من مسجد وبحر وشوارعها مميزه أيضا










وخلاص خلصت سفرتنا وهذه الجناط داخل عربانه البورتر بالفندق واحنا طالعين رادين للكويت ( بلادهم حلوه حلوه .. بس الوطن ماله مثيل .. مهما سافرنا الشوق رجعنا .. حب الوطن غالي والعيشه فيه جنه )




ومع السلامه .. ونشوفكم إن شاء الله بتقارير مصوره وبسفرات ثانية احلى وأحلى :eh_s(8):
ملاحظه : هذه اول مرة انزل صور داخل الموضوع ( ماشاء الله تبارك الله ولا اله الله الا الله ) ..

أختكم : الحرير ،،

:33_1185028183:​

 

[*سوسو ستار*]

ماشااااء الله صور روووعه




الحمدلله عـ السلامه



الحرير ماصعدتي البرجين ؟؟ يسوى نصعد له ولالا ؟؟


انا حاليا بكوالا و رحنا انا وريلي اليوم الصبح لتوين تاورز قالوا لنا خلصوا التذاكر



برج التي في اهو نفسه المناره اللي فيها مطعم ؟؟

 

[الحرير]

ماشااااء الله صور روووعه




الحمدلله عـ السلامه



الحرير ماصعدتي البرجين ؟؟ يسوى نصعد له ولالا ؟؟


انا حاليا بكوالا و رحنا انا وريلي اليوم الصبح لتوين تاورز قالوا لنا خلصوا التذاكر



برج التي في اهو نفسه المناره اللي فيها مطعم ؟؟

هلا حبيبتي الله يسلمج :stars:

أنا أنصحج تروحين أبراج التوأم ، لان مو كل يوم احنا نقدر نطب هالاماكن ( فيها سينما ثلاثية الابعاد )
حتى برج التي في تور ، أنا رحت له بالنهار وبسفرتي ال 2 رحت له بالليل أحلى ، روحي ودشي القرية الماليزيه فيه

 

[a.n.y]

خووووووووووووووووش تقرير

الله يعطيج العافية

الله يهنيج الصور تشوق حييييييييييييييييييييييييل للسفر:ada:

 

[احب المنتدى]

رد : تقرير مصور عن سفرتي إلى ( سنغافورة – لنكاوي- كوالالمبور ) 2010

حمد الله على السلامه

تقرير حلو و مرتب
جهد تشكرين عليه

مشكوووووووووووووره

 

[محلبية]

الحمد لله على السلامة
ماشاءالله تقرير مفصل وحلو واستفدنا منا والله يهنيكم

 

[الحرير]

الله يسلمكم جميـــــــــــــعا
وحيـــــــــاكم اللــــــــــــه نورتو صفحتـــــــــــــــي

 

[غزالة كويتية]

الحمد الله على سلامتكم
ماشاء الله ........ الله يهنيكم دوم يارب

يعطيج العافية على التقرير الحلو

صج صج شوقتينا على السفر

 

[سفرجل]

حمدالله على السلامه بغيت اسئل جم كلفتج السفره

 

[الحرير]

حمدالله على السلامه بغيت اسئل جم كلفتج السفره

الله يسلمج من الشر حبيبتي :edbf4317b9:
كلفتني تقريبا 1500 دينار​

 

[دلوعة أبوهآ]

حمدلله ع السلامه ..

 

[Kuw@itya]

ما شا الله

التقرير روعة وتشكرين عليه

الله يهنيج بهالسفرة

والله يرزقني بسفرة قريبا بإذن الله

 

[شمس الأصيل]

ما شاء الله صور روعه وجهد تشكرين عليه

 

[الحرير]

ياهلا ومرحبا فيكم
أسعدني مروركم الغالي