السلام عليكم
اغلب الناس في الكويت يا أسمعوا بنارنج أو جربوه شخصيا... انا عن نفسي رحت له أول ما فتح و لطعوني عند الباب على بو ما عندي حجز و حطيت اسمي على بو يدقون علي لمن أيي دورنا و رحنا تغدينا في صنوبر و خلصنا و محد دق علينا لي يومكم
عاد أمس زوجي إلا إلا يبي يجربه فكانت الساعة 9 بالليل دقيت عليهم انه لو سمحتم نبي طاولة لشخصين و عطوني موال طويل عريض انه زحمة و ما ندري آخير قالوا خلاص عطينا رقمك و ندق لج لمن يكون في طاولة. طبعا رحنالهم على طول ما نطرنا احد يدق... على ما وصلنا من زحمة السالمية إلا 10 إلا يعني مرت 40 دقيقة من دقينا عليهم
نزلت انا على ما زوجي يدور موقف -صفط بقلعة وادرين و ساعة على ما وصل من الزحمة- شفت المانجر مالهم قلت له انا داقة ابي طاولة من 40 دقيقة قاللي و شو قالولك؟ قلته و الله قالوا إذا فضت طاولة ندق عليك قاللي أحد دقلك؟ قلت له لأ قال أي يعني مافي طاولة فضيت احنا عنا وايتينج!!! شدعوة يا حافظ خطر يطقني!!! قلتله اي حطني على الوايتنج حاليف حال الناس؟ قال خلاص وين بدك تقعدي صالة؟ قلت له أي شيء أي مكان فاضي!!!
و يشخط اسمنا أخر اسم باللستة و يمشي عنا... المهم وقفت عند الباب جني عرمس و لا تزحزحت و برة برد و الناس ناطرة و واقفة... أشوف البنية السورية الحلوة -ما شاء الله- اللي عند الإستقبال تقول حق بنتين ناطرين جدامي في طاولة داخل قعدوا فيها عن البرد على ما نلاقيلكم طاولة؟ قالوا لا! أطل بالصالة ولا والله اي في طاولة فاضية و الناس قاعدة تطلع 10 بالليل!!! أول ما وصل زوجي قلت له روح كلم هالبنت الحين الحين قاللي الناس واقفة قلت روح كلمها شوف... و الله و يروح يكلمها يوريها اسمنا باللستة و تسأله عادي تقعد صالة قال أي... قالت أي تفضلوا!!! على طووووول!!!!!
و يعطونا ذيج الطاولة الحلوة! و شكثر طاولات فاضية داخل الصالة!!!!
المهم حصلنالنا كرسي...الجو عموما ممتاز و القعدة ونيسة و مريحة و المطعم أكله سوري و شوي حسيت كأني في مسلسل باب الحارة من لبس الجرسونات و الديكور و الموسيقى
أول شيء يابولنا بيذان نقروش فيه على ما نقلب في المنيو... كان البيذان بارد لأنه محطوط على الثلج
و يابولنا بطل ماي صبوه لنا... الماي شربناه تغصبنا فيه لانه بدينار و 400 مع انه يايبينه من سوريا! أشدعوة؟؟؟؟ لو ندري ما خليناه يصبه لنا و لو انه ما سالنا اساسا
المينيو وايد فيه اطباق لذيذة أحترنا شنو نطلب... و الكبب بروحها لها صفحة كاملة! المهم طلبنا أخيرا و لمن اخذوا المنيو و الطلب حطولنا سلة فيها خبز يابس و معجون طماط بالفلفل و زيتون أخضر مطحون
على ما يابولنا العصير و البارد طولوا! و طولوا أكثر على ما يابوا المقبلات!!! أشدعوة؟ المطاعم الثانية بدقيقة ايبون المقبلات و يطولون على ما ايبون الرئيسي... قالوا زحمة بس مو لهالدرجة
على ما وصلت المقبلات إلا عيونا بالطول من اليوع
طلبنا الآتي... حمص كان لذيذ ... و البطاطة اللي فوقه حلوة وايد :eh_s(17):
متبل وايد لذيذ و خفيف تحسون بطعم الروب اكثر من طعم الطحينة و احلى من الحمص لأنه مميز أكثر
ورق عنب بالزيت (يالنجي)... عادي جدا ما أكلت إلا وحدة و ما راح أطلبه مرة ثانية
فتوش... ما حبيته وايد لانه حاطين وياه زيتون...
تبولة... حلوة وايد أحلى من الفتوش
طلبنا حبتين كبة... كبة مقلية و كبة مشوية... الكبة المقلية وايد لذيذة... الكبة المشوية هذي... ثقييلة و زفرة وايد متروسة دهن و طعمها نفس ريحة اللحام من كثر ماهي زفرة... ما انصح فيها مع انه شكلها يشوق
و يابولنا خبز حااااار منتفش من التنور... أكو أسمر و أبيض... الأبيض فيه طعم حلاة شوية بس لذيذ... الأسمر كان وايد وايد وااااايد ألذ
بعدين شفنا الأوادم كل من طالب كبة باللبن... اييبونها بجدر صغير... زوجي قرر يطلب منها بعد غير طلبة الأساسي و اللي يزيد تايك اواي... أول ما حطوا المقبلات انا قلت للجرسون لو سمحت نبي نزيد على الطلب واحد كبة باللبن قالولي أوكي... و بعد فترة بس يابولنا المشاوي المشكلة :rgewrg:
مشاويهم جدا لذيذة ... حبة كستلتة... سيخين صغار كباب لحم... سيخ كباب دجاج و سيخ شيش طاووق و شوية شقف... لحم الدجاج عندهم ابيييييض.... أي دجاجهم من المتحدة و لحمهم خروف سوري بس المشاوي كانت عجيبة
لكن ما يابولنا كبة باللبن... أول ما خلصنا أكل شالوا الصحون و حطولنا صينية فواكة و صينية حلويات عمرانة على حسابهم ضيافة
طبعا انا اول ما شفت الصواني قلت لهم حالا لو سمحتم ابي قهوة تركية... و بدال الجرسون سمعوني أثنين... و سألني واحد شلون تحبين القهوة و قلت له وسط...
و قعدنا نخوزر الحلو اللذيذ... الاناناس مقطع و البوملي مقطع بس على طول ناكلهم... و نطرنا القهوة نطرنا نطرنا ... و بعدين عقب ما لطعونا قررنا انه ماراح ايبولنا قهوة تركية و لبسونا مثل ما لبسونا على الكبة باللبن :eh_s(16):
فاكلنا الحلو... بدون قهوة... محترين... مادري ليش لمن انا اطلب شيء يلبسوني مثل ما لبسوني عند الدخلة و ما عطوني طاولة!!! لأني مرأة يمكن؟؟ يمكن لو زوجي متكلم نفس يوم تكلم عند الباب جان يابولنا الاكل!!!؟ مادري و الله
آخر شيء الحساب طلع 18 دينار! و الله مو وايد لو ما شاربين الماي غصب جان 17 دينار... طالبين نص المينيو و اللي زاد أخذناه تايكواي حق غدانا اليوم...
الخلاصة انه المطعم حلو و الأكل حلو و القعدة حلوة... قلت الأكل حلو؟ اقولها مرة ثانية... الأكل حلو و ناااااطع لذيذ جدا جدا جدا يسوى اللوية :rerrerek:
بس الخدمة مو ليهناك... وايد يطنشون و يلطعون و ما يحترمون الحريم!!! :eh_s(16):
اغلب الناس في الكويت يا أسمعوا بنارنج أو جربوه شخصيا... انا عن نفسي رحت له أول ما فتح و لطعوني عند الباب على بو ما عندي حجز و حطيت اسمي على بو يدقون علي لمن أيي دورنا و رحنا تغدينا في صنوبر و خلصنا و محد دق علينا لي يومكم
عاد أمس زوجي إلا إلا يبي يجربه فكانت الساعة 9 بالليل دقيت عليهم انه لو سمحتم نبي طاولة لشخصين و عطوني موال طويل عريض انه زحمة و ما ندري آخير قالوا خلاص عطينا رقمك و ندق لج لمن يكون في طاولة. طبعا رحنالهم على طول ما نطرنا احد يدق... على ما وصلنا من زحمة السالمية إلا 10 إلا يعني مرت 40 دقيقة من دقينا عليهم
نزلت انا على ما زوجي يدور موقف -صفط بقلعة وادرين و ساعة على ما وصل من الزحمة- شفت المانجر مالهم قلت له انا داقة ابي طاولة من 40 دقيقة قاللي و شو قالولك؟ قلته و الله قالوا إذا فضت طاولة ندق عليك قاللي أحد دقلك؟ قلت له لأ قال أي يعني مافي طاولة فضيت احنا عنا وايتينج!!! شدعوة يا حافظ خطر يطقني!!! قلتله اي حطني على الوايتنج حاليف حال الناس؟ قال خلاص وين بدك تقعدي صالة؟ قلت له أي شيء أي مكان فاضي!!!
و يشخط اسمنا أخر اسم باللستة و يمشي عنا... المهم وقفت عند الباب جني عرمس و لا تزحزحت و برة برد و الناس ناطرة و واقفة... أشوف البنية السورية الحلوة -ما شاء الله- اللي عند الإستقبال تقول حق بنتين ناطرين جدامي في طاولة داخل قعدوا فيها عن البرد على ما نلاقيلكم طاولة؟ قالوا لا! أطل بالصالة ولا والله اي في طاولة فاضية و الناس قاعدة تطلع 10 بالليل!!! أول ما وصل زوجي قلت له روح كلم هالبنت الحين الحين قاللي الناس واقفة قلت روح كلمها شوف... و الله و يروح يكلمها يوريها اسمنا باللستة و تسأله عادي تقعد صالة قال أي... قالت أي تفضلوا!!! على طووووول!!!!!
و يعطونا ذيج الطاولة الحلوة! و شكثر طاولات فاضية داخل الصالة!!!!
المهم حصلنالنا كرسي...الجو عموما ممتاز و القعدة ونيسة و مريحة و المطعم أكله سوري و شوي حسيت كأني في مسلسل باب الحارة من لبس الجرسونات و الديكور و الموسيقى
أول شيء يابولنا بيذان نقروش فيه على ما نقلب في المنيو... كان البيذان بارد لأنه محطوط على الثلج
و يابولنا بطل ماي صبوه لنا... الماي شربناه تغصبنا فيه لانه بدينار و 400 مع انه يايبينه من سوريا! أشدعوة؟؟؟؟ لو ندري ما خليناه يصبه لنا و لو انه ما سالنا اساسا
المينيو وايد فيه اطباق لذيذة أحترنا شنو نطلب... و الكبب بروحها لها صفحة كاملة! المهم طلبنا أخيرا و لمن اخذوا المنيو و الطلب حطولنا سلة فيها خبز يابس و معجون طماط بالفلفل و زيتون أخضر مطحون
على ما يابولنا العصير و البارد طولوا! و طولوا أكثر على ما يابوا المقبلات!!! أشدعوة؟ المطاعم الثانية بدقيقة ايبون المقبلات و يطولون على ما ايبون الرئيسي... قالوا زحمة بس مو لهالدرجة
على ما وصلت المقبلات إلا عيونا بالطول من اليوع
طلبنا الآتي... حمص كان لذيذ ... و البطاطة اللي فوقه حلوة وايد :eh_s(17):
متبل وايد لذيذ و خفيف تحسون بطعم الروب اكثر من طعم الطحينة و احلى من الحمص لأنه مميز أكثر
ورق عنب بالزيت (يالنجي)... عادي جدا ما أكلت إلا وحدة و ما راح أطلبه مرة ثانية
فتوش... ما حبيته وايد لانه حاطين وياه زيتون...
تبولة... حلوة وايد أحلى من الفتوش
طلبنا حبتين كبة... كبة مقلية و كبة مشوية... الكبة المقلية وايد لذيذة... الكبة المشوية هذي... ثقييلة و زفرة وايد متروسة دهن و طعمها نفس ريحة اللحام من كثر ماهي زفرة... ما انصح فيها مع انه شكلها يشوق
و يابولنا خبز حااااار منتفش من التنور... أكو أسمر و أبيض... الأبيض فيه طعم حلاة شوية بس لذيذ... الأسمر كان وايد وايد وااااايد ألذ
بعدين شفنا الأوادم كل من طالب كبة باللبن... اييبونها بجدر صغير... زوجي قرر يطلب منها بعد غير طلبة الأساسي و اللي يزيد تايك اواي... أول ما حطوا المقبلات انا قلت للجرسون لو سمحت نبي نزيد على الطلب واحد كبة باللبن قالولي أوكي... و بعد فترة بس يابولنا المشاوي المشكلة :rgewrg:
مشاويهم جدا لذيذة ... حبة كستلتة... سيخين صغار كباب لحم... سيخ كباب دجاج و سيخ شيش طاووق و شوية شقف... لحم الدجاج عندهم ابيييييض.... أي دجاجهم من المتحدة و لحمهم خروف سوري بس المشاوي كانت عجيبة
لكن ما يابولنا كبة باللبن... أول ما خلصنا أكل شالوا الصحون و حطولنا صينية فواكة و صينية حلويات عمرانة على حسابهم ضيافة
طبعا انا اول ما شفت الصواني قلت لهم حالا لو سمحتم ابي قهوة تركية... و بدال الجرسون سمعوني أثنين... و سألني واحد شلون تحبين القهوة و قلت له وسط...
و قعدنا نخوزر الحلو اللذيذ... الاناناس مقطع و البوملي مقطع بس على طول ناكلهم... و نطرنا القهوة نطرنا نطرنا ... و بعدين عقب ما لطعونا قررنا انه ماراح ايبولنا قهوة تركية و لبسونا مثل ما لبسونا على الكبة باللبن :eh_s(16):
فاكلنا الحلو... بدون قهوة... محترين... مادري ليش لمن انا اطلب شيء يلبسوني مثل ما لبسوني عند الدخلة و ما عطوني طاولة!!! لأني مرأة يمكن؟؟ يمكن لو زوجي متكلم نفس يوم تكلم عند الباب جان يابولنا الاكل!!!؟ مادري و الله
آخر شيء الحساب طلع 18 دينار! و الله مو وايد لو ما شاربين الماي غصب جان 17 دينار... طالبين نص المينيو و اللي زاد أخذناه تايكواي حق غدانا اليوم...
الخلاصة انه المطعم حلو و الأكل حلو و القعدة حلوة... قلت الأكل حلو؟ اقولها مرة ثانية... الأكل حلو و ناااااطع لذيذ جدا جدا جدا يسوى اللوية :rerrerek:
بس الخدمة مو ليهناك... وايد يطنشون و يلطعون و ما يحترمون الحريم!!! :eh_s(16):
