تقرين روايات؟؟ تعالي قولي رايج ..

[ana_tolip]

1-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )
اجتماعية ورومانسية
؟
2-منو (الكاتب/الكاتبه) اللي تحبين تقرين له ؟
يوسف السباعي - نجيب محفوظ

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟
خان الخليلي - بداية ونهاية

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج
جربوا تقرون خانالخليلي عجيبة والله انها بجتني :eh_s(2):

 

[1.2.3]

بالنسبة لي انا الروايات المفضلة عندي اهي الوايات الرومانسية
ممكن اقراها كل يوم وما امل

 

[توت عنكبوت]

رواية السجينه فضيعه لا تطوفكم قصه حقيقيه

وشيفرة دافنشي روعه
انا اقرا للأجانب روعه مترجم

 

[توت عنكبوت]

بنات روايات دان براون روعه تشويق منها ( شيفرة دافشي وملائكة وشياطين) روعه حده روعهاحب اقرا الروايات الحقيقية السجينة عجيبة مهما اعيد واقراها احس اتاثر فيها من اول وجديد

ربيع جابر لبناني له روايات حلوة منها بيروت مدينة تحت الارض

 

[نجمة الجوزاء]

احب اقرا الرويات التاريخية والبوليسية والاجتماعية اما الرومانسية لا ما تعجبني تافهين جنج تشوفين فلم هندي

ما عندي كاتب معين اي قصة اسمع عنها زينا اقراها

اول قصة قريتها كل قصص "ادهم صبري" ملوت الاطفال وانا صغيرة وهم قريت قصص "تختخ واصدقاءتختخ" نوعيتهم بوليسية خيالية كانت قصص مصرية للاطفال.. وبعد وانا صغيرة كنت احب السلسة الخضراء قصصهم خيالية بس تحسين ان فيها قيم واخلاق لحوة يتعلمها الطفل

ولما كبرت قريت قصص اجاثا كريستي تقريبا كلهم عندي ...:eh_s(9):

من القصص الي ما امل اقراها مذكرات "السجينة" روووعة مذكرات حقيقية ترويها الكاتبة"ملكية اوفقير" مغربية تبناها الملك وبعدين صارت مشاكل وعاشت باقي عمرها بالسجن الرواية صج روووووووعة..

وعلى نفس المذكرات الاولى قريت مذكرات سالمة بنت سعيد اسم مذكراتها "مذكرات اميرة عربية" واايد حلوة

وقريت مذكرات الحرب القذرة بس موحلوة


قريت "بنات الرياض"...حق رجاء الصانع واااااايد حلوة وممتعة..
قريت "شقة الحرية" حق غازي القصيبي حلوة ..احلى من المسلسل

قريت "شفرة دافنشي" رووووووووووووووعة احلى حيل من الفيلم
وووهم مذكرات اسمها حدائق الملك حلوة
وووقريت "عالم بلا خرائط" حق عبدالحمن منيف موحلوة حيل عادية
ووووو قريت بالانترنت قصة خرافية اسمها ام الجماجم حلوووة

وبسسس:eh_s(6): ومشكورة على الموضوع الحلو​

 

[قطرية حبوبة]

يسلمووووووووووووووووووووووو

 

[توت عنكبوت]

توني مخلصة من رواية عمارة يعقوبيان فظيعه

الفيلم ظلم القصة حيل

الرواية حيل حلوة خلصتها بيوم ما قدرت انتظر مشوقة

 

[مــلاك]

سلام بنات شنو يديدكم ومنو فيكم جربت تشتري من مواقع عالنت؟؟

 

[طوق البنفسج]

اشلونكم يابنات .. انا مع بدايه العطله رحت جرير و شريت جم كتاب ..

قريت ماجدولين .. عاديه بنظري ماتستاهل الخبه الي صايره عليها ابدا يعني من كثر ماقريت عنها بالنت و المواقع تخيلتها واااو طلعت عاديه ..

و الحين قاعده اقرى .. Can You Keep A Secret حلوه اتونس وصلت جابتر 3

 

[البطوطة]

بصراحه أنا موحيل من محبي القرايه بس أمي حيل تقرا ومن الروايات الي تقراه بكثرة ولدرجة عنده كبت فيه 5 دروج مليانين منهم : عبير، احلام ، اغاثا كرستي

 

[مـــــــذهـلـة]

ما قريت الا بنات الرياض لرجاء عبدالله الصانع قريتها 8 مرات ويمكن اكثر 300 صفحه وفوق وقريت روايه العابر الغريب من روايات عبير وكانت حلوه حيل 199 صفحه خلصتها بيومين

 

[مـــــــذهـلـة]

انا قريت قصه بنات الرياض بالعكس حلوه وبعدين شنو ليش زعلانين عشان الكويتيه الي معاهم البنت ما سوت شي غير انها كتبت قصه واقعيه صج غلطت انها فضت صديقاتها وانها عممت ببنات الرياض كلهم بس تظل القصه حلوه وظريفه جدا الي كاتبتها

 

[GAP]

اخر روايه قريتها هاري بوتر وذ ذا ددلي هولوز ..قعدت سهرانه يومين يالله خلصتها... احلى شي اخر 3 صفحات فيها هههههه

والحين الروايه الثانيه اللي بيدي مالت باولو خوليو ...

 

[البطوطة]

صراحة انا احب اقرا الروايات الرومنسيه والبوليسيه سواء كتاب عرب او اجانب من الكتاب العرب نجيب محفوظ واحسان عبد القدوس اما الاجانب جفري ارتشر ومايكل كرايتون وسيدني شيلدون وروايات عبير واحلام واجاثا كرستي والطبعات الجديدة لروياتها وايد حلوة وعلى فكره اغلب روايات سيدني تحولت افلام

 

[طوق البنفسج]

انا خلصت can you keep a secret واايد حلوه ايمر الوقت ماتحسين ..

و قريت كتابين مترجمين من ال newyork time best seller اسمه طفل اسمه نكره و الكتاب الثاني ارجوكم لا تسخروا مني .. حلوين كلهم قصص حقيقيه للكتاب ..

 

[GAP]

اختي طوق.. انا بعد شدني كتاب ارجوكم لا تسخرو مني ولما قريته قلت الحمدالله انا عايشين بهالديره

 

[bnt_7waa]

السلام عليكم شلونكم بنات
بنات ودي تنصحوني بكتاب اخذه واقراه بالعطله حاليا
الصراحه اول مره ادش هلقسم واقره روايات وحيل عجبتني القصص الرومنسيه والاجتماعيه الي فيه؟

فبليز بنات ابي كتاب حلو تنصحوني فيه كأول مره قرايه وتقولون لي وين احصله؟؟
اتمنى مااكون ثقلت عليكم وشكرا..

 

[طوق البنفسج]

بنت حوا .. انصحج بروايه السجينه .. تلقينها بجرير و العجيري .. عجيبه .. اهي مذكرات بنت ضابط مغربي ..

غابي .. اقري بعد طفل اسمه نكره من نفس دار الترجمه .. ماتصدقين في ناس جذي .. لاحول ولا قوه الا بالله

 

[سمسميه]

طوق
ما شاءااله انا شاركت بالموضوع من سنه تقريبا وطافني كل الي انكتب فيه
عموما انا لي روحه لجرير ابي روايات حلوه اشتريها بما انج خبيره
الحين حطيت ببالي السجيته اشتنصحيني فيه بعد؟

 

[virgo_kw]

احلى روايه وقصه كويتيه واتينن ولما تقرينها اتعيشين معاها وانصح الكل يقراها اهي شيئ من مشاعري صج صج صج روعه