تقرين روايات؟؟ تعالي قولي رايج ..

[o.magic.o]

تفاخية مبطوطة

لوووووووووووووووووووووووول اي والله توالمنا ... بس ترى انا اقرى روايات عربية

لما كنت بالمتوسط كنت طايحتله رجل المستحيل و ما وراء الطبيعة و ع ضرب 2

لوول لا و كنت اقرى صرخة الرعب بعد

بس خلاص الحين تطورت ... احب اقرى حق خولة القزويني تعجبني رواياتها وايد

بالفترة الاخيرة قريت رواية حق باتريشيا كورونيل رووعة و وايد حبيتها

و خلصت بعد رواية حق ساندرا براون ... عجيييبة صج خوش رواية

و آخر رواية قريتها .. توني مخلصتها Ps, I Love You وااااااااااايد حبيتها :ggdw:

تعور القلب و تبجي و بنفس الوقت تخليج تضحكين .. يعني باختصار عشتهااا

وناوية اشوف الفلم انشالله بس يقولون الرواية احلى​

 

[كويتية وكلها جاذبية]

السلام

مشكوره اختي موضوعج حلو
انا مدمنة قراه من الصغر
-نوع الروايات الي احب اقراها الرومانسيه ، الاجتماعية ،

؟
2-منو (الكاتب/الكاتبه) اللي تحبين تقرين له ؟
الكاتبة السعودية قماشة العليان
عندي مجموعتها الكاملة ، الكاتبة الكويتيةعلياء الكاظمي
يوسف السباعي
إحسان عبد القدوس



3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟

الطريق المسدود حق احسان عبد القدوس
لانها تحدت الكل لان تعرف انها على حق وانا الله معاها
رويات قماشة العليان لان اسلوبها في الطرح واييييييييد سلسل واتحسين بكل شي في القصة


​

 

[عالي مستواها]

من زمان ما قريت روايات .. أميل للكتب أكثر ولو انه عندي بمكتبتي روايات واجد لم تقرأ بعد

الأسبوع اللي طاف كنت افر بجرير ووقعت عيني على رواية " صوفيا " لمحمد حسن علوان وانا ماره بين الأرفف جان اطق بريك وارجع قري ههههههههههههههههههه هالرواية قالوا لي ممنوعة كيف ولماذا ومتى تم حظر المنع عنها

امس تو بديت فيها .. مشالله تبارك الرحمن لو بوصف اسلوبه محمد حسن علوان ماقدر أعبر .. بلاغة غير طبيعية ولو كانت حبكت القصة سخيفة او ماكو حبكة بالأساس بس يكفي أسلوبه

إذا انتهيت لي رجعه عشان اعطي انطباعي النهائي

 

[فيلسوفه ستايل]

انا اقرا الروايات بكل انواعها و احبهم كلهم بس ماجربت انواع وايد اكثر شي عبير و الروايات الخليجية الي بالانتر نت
و الرواية الي حبيتها و قريتها ىيمكنة 20 مرة و اقراها اكثر شي و ما امل منها
اهي امراة بلا مخالب((روايات عبير))
و كلما اشوف روايات اجاثا كريستي اتردد اقراها ولالا و بالاخير دايما ما اقراها معن وايد يمدحونها

 

[f6oooma]

الرواية الي حبيتها و قريتها ىيمكنة 20 مرة و اقراها اكثر شي و ما امل منها
اهي امراة بلا مخالب((روايات عبير))

هذي الرواية حلوة اول رواية من روايات عبير قريتها صج حلوة ومو مثل الباجي اللي كله نفس القصة

 

[f6oooma]

انا بديت بعابر سرير حق احلام مستعانمي الحين بعد يومين ان شاء الله اخلصها

في احد قراها ؟

وايد حلوة وتكسر الخاطر

 

[^SwEeTa^]

انا بديت بعابر سرير حق احلام مستعانمي الحين بعد يومين ان شاء الله اخلصها

في احد قراها ؟

وايد حلوة وتكسر الخاطر

تصدقين أمي وايد تقرى حق أحلام مستغانمي .. بس سبحان الله ما عمري فكرت أقرالها

مع ان أمي تمدح رواياتها!!!

كمليها و قوليلنا إذا تنصحينا و لا لأ

 

[C'est La Vie]

توني بادية اقرى YesMan by Danny Wallace
حدها نكتة ما قدرت احط الكتاب من ايدي
ان واحد يقرر ان يطالع الحياة بنظرة ايجابية ويتقبل كل الفرص اللي تيي بطريجه مهمــــــــــا كانت
ويطيح بمواقف تموت من الضحك ورفيجه يتحداه انه ماراح يقدر بس يعانده
انصحكم فيها
بيسوونه فيلم حق Jim Carry ينزل شهر 12

 

[C'est La Vie]

السلام عليكم حبايبي
بصراحة ما قريت الردود بس حبيت اساعدكم انا من محبي القراءة :eh_s(22): وايد وايد طبعا كل شي قريت ممكن الخص لكم اشياء يعني للاطفال المغامرون الخمسة مو اي مغامرون الي فيها البطل تختخ و و جميع قصص المكتبة الخضراء تذكرونها لووووووووووووول و حق المراهقين روايات عبير + اجاثا كرسي على طاري اجاثا تره بوارو بطل قصص اجاثا مات في قصه اسمها الستارة :eh_s(16): و ايضا احسان عبدالقدوس عنده قصة اسمها لا انام سووها فلم مصري قديم وقت الي قريت في القصة كنت صغيرة وايد وايد تاثرة فيها وايد وايد :dddds: و حق الاكبار ههههه ما ادري انا الحين صرت كبيرة و قريت اشياء بس بصراحة ناسية اسماء الكتب الي قريتها اذا تذكرت راح اقولكم بس ودي اقولكم عن كاتب اسمه جيمس باترسون عند قصة مترجمة للعربية حلللللللللوة اسمها ماري ماري تلاقونها بمكتبة جرير و هم قريت كتاب اسمة سواليف خاثرة لاحد الكتاب السعوديين يعني يوم قريت الكتاب لووووووووول لاحظت ان اغلب السوالف الي بالكتاب مسوينها حلقات ل مسلسل طاش ما طاش و ايضا اكو كتاب اسمة الحياة السرية لصدام حسين من القصور الى الجحور للكاتب أنيس الدغيدي قريت هذا الكتاب طبعا لاني ايام الغزو كان عمري 6 سنوات و اتذكر الي صار لنا ايام الغزو و البهذله الي كنا فيها فيوم كبرت حبيت افهم الي صار و هذا الكتاب قريته عدل مدل ههههههههههه فيه اشياء تضحك عن صدام اقروه راح يفسر لكم احداث كثيره انا ما كنت فاهمته و هم امدحولي كتاب اسمة المرأة تحب المنصتين للكاتب محمد النغيمش كا هو بيدي بس للحين ما قريته و الحين اكو شي جديد تشترين مكتبة كاملة تتالف من 1500 كتاب الله اي ادري هههههههههههههه طبعا بتقولون ما عندنا مكان و ما نبي السر انها لا تحتاج الى مكان هي عبارة عن فولدرات مقسمة لكل قسم يعني فولدر حق الروايات و فولدر حق كتب الطبخ و اخر اسلاميات و اخر يختص ب قصص الاطفال و هكذا كله تحطينهم عندج على الهارد دسك مالج ببساطة هههه وناسة عندي منه و ودي احطه لكم علشان تستفيدون بس ثقيل وايد و ما اعرف اشلون انزله لكم. طريقتة تكون من ملفات PDF و تتصفحين الكتاب صفحة صفحة جنة حاطته بيدج عجيب حته الغلاف موجود و كل شي ​

ردوا علي بليز قولولي اذا استفدتوا مني !!!! اوكيك


:33_1185028183::33_1185028183:​

مشكورة اختي على النصيحة
انا جربتها بس المشكلة انه انا ما احب القعدة على اللابتوب وايد ولا اقدر آخذه كل مكان
عشان جذي ما مشت معاي هالشغلة ولا صج على قولتج اوفر من مشترى هالكتب
اكثر شي احبه بالكتب انه اقدر آخذها معاي بأي مكان
اي وقت اقعد انطر شي اطلع كتابي واكمل قصتي
بس ارد اقول مشكورة اختي اتمنى الاخوات يستفيدون منها بعد

 

[o.magic.o]

توني بادية اقرى YesMan by Danny Wallace
حدها نكتة ما قدرت احط الكتاب من ايدي
ان واحد يقرر ان يطالع الحياة بنظرة ايجابية ويتقبل كل الفرص اللي تيي بطريجه مهمــــــــــا كانت
ويطيح بمواقف تموت من الضحك ورفيجه يتحداه انه ماراح يقدر بس يعانده
انصحكم فيها
بيسوونه فيلم حق Jim Carry ينزل شهر 12

شوقتيني أقراها .. بشتريها انشالله

دايما تطلع الرواية احلى من الفلم

مشان هيك راح اقرى الرواية اول بعدين اشوف الفلم ​

 

[f6oooma]

تصدقين أمي وايد تقرى حق أحلام مستغانمي .. بس سبحان الله ما عمري فكرت أقرالها

مع ان أمي تمدح رواياتها!!!

كمليها و قوليلنا إذا تنصحينا و لا لأ

اي والله سويتا وايد انصحكم فيها حلوة



انا احبها واحب اسلوبها معقد وحزين يعني مادري تدخل بالاعماق و جنها تفهم الاحاسيس اللي انتي عايشتها

بس تكسر الخاطر

 

[camilia]

جار الان قراءة الانسان الصرصار .. الصراحة اسلوب بطل الرواية غررريييب وداخله حقد مو طبيعي

 

[فيلسوفه ستايل]

يعني يا بنات تنصحوني باجاثا كريستي

 

[بنفسجية]

والله ان قلبي يتقطع على هالبلاوي !!!
بدعيلك بهالشهر الفضيل ،
يا ربي يهديك و يصلح امرك
و يرششدك للطريق الصواب !!
الله يهديك
و يستر على بناتنا المسلمات ..
الله يهديك ..​

 

[brat]

أموووت بالقراءة، مدمنة قراءة آنا وأحب شي اسمه مكتبة خاصة لما نسافر، أخلص من التسوق أروح المكتبة على طول.

أحب أقرى حق وايد كتاب، وجميع أنواع الروايات، بس كتابي المفضلين ورواياتهم اللي حبيتها كالتالي:

_Sophie Kinsella: كل رواياتها (Can you keep a secret، و Shopaholic series عندي كل أجزاءها)


_Andrea Temple حبيت روايتها The Make Up Girl

اللي فوق روايات Chick lit، يعني بناتيه فيها رومانس وكوميدي شويه.

*********************************************************

الحين الكلاسيكس وأغلبنا شايفينهم بالأفلام من واحنا صغار، بس أفضل أقرا القصة بنفسي.

_Jane Austen:
Pride & Prejudice, Sense & Sensibility, and Emma

_Louisa May Alcott:
Little Women

_Charles Dickens:
Great Expectations, and David Copperfield


_George Bernard Shaw:
Pygmalion

ووايد.

****

وانا صغيرة كنت أحب أقرى حق أجاثا كريستي (بالعربي) ماذكر عناوين القصص اللي قريتها بس صج حبيت "الكأس الأخيرة"، و"البيت المائل" بعدين كبرت شوي وبديت أقرا روايات عبير وروايات الفراشة، أذكر كنت أخلصهم بيوم واحد وإن كثرت يومين. بس ماذكر أساميهم من كثرهم.

****

وفي قصة رعب اسمها The Dark Tower حق Stephen King عجبتني.

أما من نوع ال Epic Fantasy ترجمتها الحرفية: الخيال الملحمي... ماعرف أشرحها، المهم رواية The Bonehunters حق Steven Erikson بس شوية صعبة يبيلها تركيز


وقصة The Diamond Age by Neal Stephenson تعتبر نوع من أنواع الخيال العلمي يسمونه Postcyberpunk تتعامل هالنوع من الروايات مع شخصيات تكون أكثر ارتباطاً بالمجتمع وهدفهم الدفاع عن نظام حالي للمجتمع أو بناء مجتمع أفضل والتكنولوجيا عندهم اهيا المجتمع (طبعاً هالحجي مقتبسته من ويكيبيديا) ودي أشرح القصة بس راح تتعقدون لول


وطبعاً أحب هاري بوتر!! بس الصراحة أحب أفلامه أكثر لأن يبيله مخيلة وااااسعه


وسوري عالقرقه


والصراحة سجلت بعض الروايات اللي كاتبينها البنات هنيه وبمر جرير وأشتريهم، وايد شوقتوني

 

[brat]

اي بالنسبة حق ال Epic Fantasy طقت روايات .R.R Tolkein مؤلف The Lord of the Rings

 

[C'est La Vie]

توني بادية اقرا Catch-22 by Joseph Heller
القصة تصير على ايام الحرب العالمية الثانية وواحد من الجنود يبي ينحاش فيحاول يقنع المسئولين انه مينون
الشخصيات واحد اخبل من الثاني حدهم مو صاحين
اذا خلصت اقولكم تقيمي الكامل عنها

 

[f6oooma]

بنفسجية شفيج؟

ومنو هذا اللي تسبينه وتدعين له بالصلاح؟

شالسالفة؟

 

[وردة بيتنا]

بنفسجية شفيج؟

ومنو هذا اللي تسبينه وتدعين له بالصلاح؟

شالسالفة؟

اختي فطومة كان اكو ناس داشين المنتدى و يكتبون ردود خرابيط

و الادارة حذفت ردودهم

 

[C'est La Vie]

:krkrkr:
مسلسل الجنون مستمر مع Catch-22
حدهم مو صاحين
بنات ترا هذي تعتبر رواية كلاسيكية ومعروفة بأمريكا
وانا انصح فيها للي باله طويل ويحب الضحك والفصلات