تقرين روايات؟؟ تعالي قولي رايج ..

[miss_wolf]

سلام وانا حبيت اشاركة واحلى روايات "سلسلة صرخة الرعب" و قصص وليم شكسبير و وكتابات انيس منصور واغاثا كريستي وقصة نساء صغيرا

 

[قدساويه متعصبه]

خواتي انا اول مره ادخل منتدى كويتيات ودي انصحكم بقراءة رواية اسمها عزازيل للكاتب يوسف زيدان نصيحة يا بنات لا تطوفكم الرواية وايد حلوة

 

[بقايا غرامك]

1-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )
اجتماعيه !!
2-منو (الكاتب/الكاتبه) اللي تحبين تقرين له ؟
علياء الكاظمي والروايات الي الناس بـ نفسهم يكتبونها

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟
كشكول طالب سعودي و بلا هويه ..وغيرهم

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج
اممم مادري والله ..

 

[مـاريانا]

بنـآت أروع رواية في حياتي قريتهـآ

انصحكم فيها

الناشر / مكتبـة العبيكـآن

 

[بقايا غرامك]

ماريانا هل كتاب كنت افحط ابيه بس ماودوني جرير الا متأخر
ويوم دورت مالقيت ولي الحين بخاطري اقراه لووول ..

 

[مـاريانا]

^^
^^

ياقلبـي قلبــك

ليت بيتـي قريب من بيتـك
والله لوصلـة لك >_<"

غلاي أوراق طالب سعودي الناشر حقها العبيكـآن فقط يعني ماراح تلقينه في جرير
مادري انت بالكويت ؟ عندكم العبيكـآن ؟

وهم لاتطوفـك روايه شبة مذكرات لتركـي الدخيل *
اسمها ( سعوديون في امريكا )
انا اكيدهـ انها بتعجبــك ^_^

 

[بقايا غرامك]

يابعد قلبي والله
لا والله انا شايفتها بـ جرير حتى كشكول طالب

اقري بعد رائحة الموت لـ عبدالله ناصر الداوود
قصه صج صج تعور القلب !! يعني قصه من المجتمع

 

[مـاريانا]

كشكـول طالب لمنـو ؟
ورائحـة الموت دونتها عنـدي اقرب فرصـة تحصل لي اروح للمكتبـة لابد اقتنيها بإذن اللـه"

 

[بقايا غرامك]

اسمه كشكول طالب ثانوي
واسمه الطالب / محمد بن فهد الهويمل
ولو تبين بعد عندي

 

[نور عيوني]

واااااااااااااااي رديتوني حق ايام زمان
أول كان عشقي روايات عبير لا وأخشهم بعد واحافظ عليهم وارقمهم وكل وحده حافظتها وعارفه ووين المقطع اللي يعور القلب فيها
......

الحين احسان عبدالقدوس
نجيب محفوظ
يوسف السباعي
ليلى العثمان

 

[مـاريانا]

بنـآت بنـآت بنات

هالرابط اهداء منـي لكم

روايـة سمعت عنها وايد وتو لقيتها منزلـة

روايـة / العطر
لـ باتريك زوسكيند

http://www.liilas.com/mlooli/aletr-rewaeh-Zoskind.pdf

 

[بقايا غرامك]

^
^
^
شكلها روايه قويه

 

[مـاريانا]

يـس وممتعـه

عندي رابط فيــه مجموووعــة كثيرهـ من الروايات خاطري أحطـه بس اخاف يكوون ممنـوع ؟ مـآدري شرايك

 

[بقايا غرامك]

الي اعرفه ممنوع الروابط

 

[ملح و سكر]

رد: مشاركة: تقرين روايات؟؟ تعالي قولي رايج ..

ويييييييييييييي عاد أنا إدمان


ماقطعت الروايات إلا من ثلاث سنوات


يعني من تعرفت على حبيبي النت :d



وبصراحه ماأقرى للعرب وعععع


أقرى للكاتب الفرنسي موريس لبلان


اللي بطل رواياته ارسين لوبين

قريت له كثيييييييييير حتى مذكراته شريتها


وفيكتور هيجو


وأجاثا كريستي



الكسندر ديماس ( وفي بعض التراجم الكسندر توماس )


وفيه روايات عالميه حقيقية تتعدى 500 صفحه

والله ناسيه ألحين



بس كانت عندي مكتبه شكبرها

انا نفسج قريت كل الكتب اللى ذكرتيها ...مع روايات عربيه مثل احسان عبد القدوس...والله قبل لااتزوج كنت ماانام لين مااخلص الكتاب ....بس الحين ومع عيالى انسىكل القصص تقريبا نسيتهم ..وحتى قصص خوله القزوينى اللى فيها بس جم صفحه والله اقعد فيها ايام وليالى لين الحين خلاص بطلت اقرى شى ....بس الظاهر انتو بتخلونى ارد اقرى ...

 

[pure feminine]

بنـآت أروع رواية في حياتي قريتهـآ

انصحكم فيها

الناشر / مكتبـة العبيكـآن

سبحان الله توني داشه الموضووع بمدح هالروايه وروايه ثانيه صج صج روووعه واسلوب الكاتب ممتع

دورت روايته الثانيه مملكة البنقال وعلى حظي كانت خالصه



المهم بنااااااااات قبل جم يوم رحت جرير وخمطتلي كالعاده كذا روايه

في منهم عجبني وفي منهم طلع مقلب حسااافه اني خذيتها وضيعت وقتي بقراءتها


الي اعجبووني بجد مثل ما قالت الاخت اوراق طالب سعودي

ورواية الجنيه للدكتور غازي القصبي ... بنات الروايه هذي موووو طبيعيه رووعه شويه عليها

مراح احرق عليكم الاحداث بس بقولكم مقتطفات تتكلم عن واحد عمره 65 متقاعد من التدريس الجامعي يروي حياته

ايام الشباب الي ان يوصل لعمره الحالي

المهم صارتله مواقف كثيره ببداية حياته ومن ضمنها انه تزوج جنيه الي معظم الروايه تتكلم عنها

الجنيه بدددددعت بددددعت وطريقة زواجه منها خياااال .. اتمنى انكم تقرونها وتستمتعوون فيها



الرواايه المقلب الي خذيتها وطلعت لوووعه وتافهه رواية دانتيلا لليوسفي اضن انه كاتب تونسي ادور احداثها

عن شاب ريفي ينتقل للعيش بالمدينه وتصيرله مواقف هناك , بداية الروايه حلو بس بعدين تملق حيييل

مادري شخصيا ما حبيتها




وقبل هالمجموعه كنت قاريه رواية يوميات خادمه بالخليج .. تتكلم عن خادمه فلبينيه اسمها جوانا تجي تشتغل بالكويت

وتصير احداث , طبعا بالبدايه يعيشنا حياتهم بالفلبين شلون صايره والظلم الي عاشته وشلون طرت عليهم فكرة انهم يطرشون خدم


وتستمر الاحداث واهي بالكويت لين يصير الغزو ..

وبصرااحه رووعه اتمنى تقرونها

 

[pure feminine]

^^
^^

ياقلبـي قلبــك

ليت بيتـي قريب من بيتـك
والله لوصلـة لك >_<"

غلاي أوراق طالب سعودي الناشر حقها العبيكـآن فقط يعني ماراح تلقينه في جرير
مادري انت بالكويت ؟ عندكم العبيكـآن ؟

وهم لاتطوفـك روايه شبة مذكرات لتركـي الدخيل *
اسمها ( سعوديون في امريكا )
انا اكيدهـ انها بتعجبــك ^_^

لا موجوده حبيبتي بجرير انا ماخذتها مناك

صح اهي اصدار العبيكان بس احنا ما عندنا العبيكان بالكويت

 

[قلب عشتار]

بنات مشكوره عالموضوع الحلو بس بسالكم منو عندها روايه الكاتب الكويتى ملك جمال العالم الزبيدى مادرى شنو خنازير ورديه يقولون حلوه وخلصت من فيرجن اللى قرتها تقولنا عنها
وانا غرامى الروايات والاساطير حتى اسمى من اسم اله قديمه اسمها عشتاروت

 

[dяέἆᶆ qûếếἦ]

-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )
؟كل شيء عدا البوليسي ماحبه ومايشدني
2-منو (الكاتب/الكاتبه) اللي تحبين تقرين له ؟

مافي احد معين بس احب اقراحق ميس العثمان وقماشه واي كتاب يطيح بيدي اقرااه بس هذيل اغلب قصصهم عندي
3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟

مافي بس اكثر روايه حبيتها واثرت فيني اهي بيت من زجاج لقماشه العليان 4- إذا بخطارج نقد على روايه سواء بناء أو هدام قوليه لنا يمكن يكون راينا من رايج

للحين مافي ..

وشكراا

 

[نيــلــوفــر]

امس خلصت من مسرحية سمبلين لشكسبير

حلووة و الحبكة حلوة حيل فيها حب و انتقام و كراهية و خداع يعني كلو على بعضو وايد حلو