تقرين روايات؟؟ تعالي قولي رايج ..

[الحلا كله آنا]

وعليكم السلام والرحمـة

1- شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )؟

رومآنسية + اجتمآعيـة

2- منو (الكاتب/الكاتبه) اللي تحبين تقرين له ؟

وآآيـد .. خالد النصر الله + عبد الوهآب السيد + سارة الراشد (لهآ مؤلف وآحد إلى الآن) + عليآآء الكاظمي + كوثر القزويني
+ أنيس منصور + عبد الوهاب مطاوع ...

3- شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟

جميع روآيات الكٌتـاب اللي ذكرت أسامهم فوق

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج

ما عندي نقـد .. والله يوفقهم وخصوصا الكٌتأب الكويتيين الشبآب .. اللي قام نشوف كل يوم مؤلفاتهم
اللي كلمالهآ وتتطور ..

قوآج الله

 

[ورد القمر]

السلام عليكم ورحمة الله روبركاته
انا عضوه جديده وهذا اول رد لي
بصراحه شدني نادي الكتاب لاني من عشاق القراءه منذ الصغر
قريت كثير وكان لكل صنف فتره, يعني:
في عمر15 ال20 فيكم تقولو فترة المراهقه سيطرت عليا الروايات الرومانسيه البسيطه عبير- احلام -زهور،ويمكن اذكر اول روايه قريتها لا والله ما افتكرها زين بس فيها كلمة الماضي خخخخخخخخخ لكن كلها قي نظري كانت جميله
وقريت بوليسي اجاثا كريستي و رجل المستحيل وسلسلة الخيال العلمي وكنت اموت في ادهم صبري ومنى ان شاء الله يكونوا تزوجوا خخخخ
وبعدها صرت اقرى الروايات المترجمه لمكتبة جرير وكمان المثيرة للجدل مثلاً(كل نفس تستنشقه-بنات الرياض)هذا الي اذكره الحين وحبايبي ترى الثانيه تهبل000
وبعد الزواج وسماع كلمة مامي وبعد ان ضاعت الاحلام الحالمه والرومانسيه الخياليه صرت مااقؤى الروايات الرومانسيه الا فيما ندر لاني احس فرق بين حياة البطلات وحياتنا خخخخخخخخخخخ
ولكن رجعت وعشت المشاعر مع نور ومهند هههههههههههههههههاي اعذروني على خفة الدم تراني شاربه مويه كثيييرخخخخخخخخخخخخخ
بس الحين ماتركت القرايه بس غيرت اهتماماتي وصرت اقرى كتب اجتماعيه وخاصة المترجمه(زي :الرجال من المريخ والنساء من الزهره) مررررره حلو انصحكم تقروه 000اتمنى ماتكونوا مليتو مني دمتم بعافيه

 

[استاهل الغلا]

الصراحة ولا روايه اعحبتني

 

[QM&SQ]

صباح الخير

أنصح الجميع ب أمين معلوف كاتب لبناني فرنسي الجنسية , يكتب بالفرنسية واعمالة مترجمة للعربية .

من رواياتة :


1_ سمرقند ( أهم الشخصيات نظام الحكم , عمر الخيام ,حسن الصباح) .

2_ الحروب الصلبية كما رآها العرب .


3_ ليون الإفريقي .

الجميل في روايات معلوف انها فى الغالب تاريخية ...



والاقرب لنفسي رغم انها قديمة من عام 1991رواية عالم صوفي رواية فلسفية ممتعة جدا الشخصية الرئيسية طفلة عمرها 14 سنة تعيش بالنرويج

ترجمت الرواية الى اغلب اللغات اكثر من خمسين لغة !!! كتبت فى الاصل باللغة النرويجية
كاتبها هو المؤلف يوستين غاردر

 

[حلاوه غير]

-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )

اموت في الرومنسيه

2-منو (الكاتب/الكاتبه) اللي تحبين تقرين له ؟
احب اقارا للكاتب البناني بيار وفايل كثير 00وقماشه العليان 00واستيفاني ماير 0وفي غيرهم كثير

بس اكثر شي احب انوع


3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟

روايه انت لي 00للدكتوره منى المرشود00الشفق لستيفاني ماير ناويه اعيدها كمان صراحه مررررره عجيبه

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج

مافي شي فبالي 00لي باك

يسلمو ياعسولات

 

[جوافة ^_#]

راح اجاوب على اسئلتج

- احب اقرا الروايات الاجتماعية و البلوسية والرومانسية و الرعب
- احب اقرا حق اجاثا كريستي وموم سومرت وقماشة العليان
- ماعندي رواية اقراها اكثر من مرة
-عندي نقد على رواية انثى العنكبوت لقماشة العليان واااااااااااايد حزينة
وشكرا عالموضوع

 

[dяέἆᶆ qûếếἦ]

صمت الفراشات ,,, وايد اسالوا عنها بنات

بعطيكم رايي

الورايه حللوه بس مشكلتها فيها انفتاح زايد ما افدر اقول اباحيه بس تفاصيل انا برايي الشخصي ما اعجبتني

بس الروايه تشد تضحكج وتبجيج وتخليج تفكرين كلش ما تملل ,, خلصتها بيومين

وعيبها الوحيد مثل ما قلت اسلوبها منفتح يمكن انا ما احب جذي مادري كل وحده ورايها

اول مانزلت ركض اشتريها
اخرتها طلعت جريئة حييل ,,وماكملتها عشان اعرف اذا تحتاج التصوير ابهالطريقة ؟؟!! بس شوقتيني مع اني موصلة للنص بقرأها مره ثانية

 

[dяέἆᶆ qûếếἦ]

بنات مششكورين كل وحده قالت معلومة فادتني

اشوفكم على خير لان النت عندي يرفع الضغط بعيد عنكم ..

مع ان كان ودي اسولف

 

[دلوعهـ أهلها]

صباحكم / مسائكم ... ورد


شلونكم بنات شخباركم ؟؟...



بنات انا مدمنه روايات وقصص


وقريت روايات وقصص كثيررره من النت



بس بصراحه عيوني راحت من مجابل النت ..


وقررت اشتري القصص والروايات وخصوصا الرومانسيه


عشان جذي بلييز ابي مساعدتكم

ابي قصص وروايات من اختياركم تكون حلوه

وابي اسألكم شنو المكتبات اللي تبيع قصص وروايات ؟؟..

 

[دلوعهـ أهلها]

بالنسبه حق روايه


(( صمت الفراشات ))


وين أحصلها ؟؟..

اقدر أحصلها بمكتبه جرير ؟..

 

[موظفة]

هلا بنات
احب الروايات العاطفية ...والثورية ... والكتب الدينية
الكاتب صنع الله ابراهيم رواية وردة واععجبتنتي شرف
ميشيل زيفاكو وماتحصلون الطبعات الاصلية ورواياته فارس القصر و باردليان

 

[نبض الريم~]

قوووة

تسلموون بنات على هالموضوع
ماشاء الله يعني صراحة حدده كوول

أنا إذا تبين تحبسيني قطيني بمكتبة كتب و روحي
أقعد أجابل الكتب مجابل
و المشكلة ما أهد الكتاب لين أختمه

حتى لو عندي طلعة آخذه معاي و أقرى بالنطرات و الفراغ

من أكثر الروايات اللي عجبتني من قلب
و مات الجسد و انتهت كل الحكايات~للكاتب سعود الشعلان
لدرجة إني قعدت عليها من الساعة 2 بالليل لي الساعة 7 الصبح

فيني النوم ولاني قادرة أنام
بس بخلصها
و آخرتها بجيييييت

بس أنصح أي وحدة تقراها

و بصراحة انا حيل احب اقرا حق كتاب كويتيين لأني أحسهم اييبون الشي واقعي
لكن الأجانب ايبون شغلات مو واقعية بمجتمعنا

مع هذا حبيت حيل رواية توايلايت مع ان الترجمة كانت مو بالمستوى

كتابي المهمين حيل
عبدالوهاب السيد - منى العنزي - قماشة العليان - سعود الشعلان - علياء الكاظمي

أما اللي ما عجبوني
الكاتب محمد عوض بقصصه "أبقيتني لنهايتك"
أعترف ان القصص كانت جديدة من نوعها
لكن اسلوب الكاتب لا
يعني معقولة يشرح كوخ بأربع صفحات والله ضاع راااسي
و بعد الكاتب غازي القصيبي
بصراحة شريت له مؤلفين و قريت واحد حيل ما عجبني و حيل كان جريء
بشكل مقزز
و خليت الثاني ما قريته خخخخخخخخخ



و اخيرا مشكوووورة صاحبة الموضوع على الموضوع الكوووول
ما قصرتي

 

[فوشيه عجيبه]

انا اكثر شي اقراه رمانسي و اجتماعيه

اانا عادي اي شي بس اللي ًصج صج احب اقره كل رواياتها علياء فاضل الكاظمي

اممممممممم ويبقى الامل ينبض في القلوب

و يسلموووو

 

[{ شيوخهـ ~]

1-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )؟

آحب آقرآ كل شي .. خصوصآ الرومآنسيه والآجتمآعيه والخيآليه .. مثل "Twilight, New Moon, Eclipse, Breaking Dawn"

2-منو (الكاتب/الكاتبه) اللي تحبين تقرين له ؟

Stephenie Meyer

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟

سلسلـه "Twilight, New Moon, Eclipse, Breaking Dawn"

لآن نوع القصه وآآيد عجبني وتشمل كل شي من رومآنسيه وخيآليه ودرآميه ..

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج

لي رجعه حق هالسؤال ..

ويسلمـو على الموضوع ..

 

[Q8SeaGull]

السلام عليكم:

عجبني هالموضوع فحبيت أشاركم فيه.

1-مالفي نوع معين احب أقراه، احب اقرا الرواية إذا كان اسلوبها حلو ومفهوم ومومعقد.
2- وأكثر الكتاب اللي احب أقرالهم يوسف السباعي وجبران خليل جبران.
3- مافي رواية معينه أقراها أكثر من مرة، لكن إذا في روايه قريتها من زمان ممكن إني اعيد قراءتها مرة ثانية.

ومشكورة اختي تفاخيه مبطوطه على الموضوع الحلو

 

[cup.cake]

السلام عليكم

1-شنو نوع الروايات اللي تحبين تقرينها؟
كل شي
2-منو (الكاتب/الكاتبه) اللي تحبين تقرين له ؟
علياء الكاظمي , عبدالوهاب السيد , خالد النصرالله

3-شنو الروايه اللي مهما تعيدين وتزيدين فيها ماتملين ؟
جمان ' علياء الكاظمي '

و مشكووره تفاخيه على الموضوع

 

[أتعبني شمووخي]

ههههههههههههههههههههههههههههههههه


انا اقرى روايات بس مو حيل رومانسيه لاني ما أحب

 

[ReRez]

من وانا صغيره احب اقرى قريت قصص وااااايد والله اتوقع ماينعدون
واكثر شي احبه القصص الرومانسيه بس طببببعا مو بزود يعني اللي تكون خفيفه بس محورها قصة حب ..
عشان جذي حبيت اني اكتب قصص وانزلهم روايات ( كتب ) وكتبت اول تجربه لي ( الفتاة الهاربه ) واهي قصه واقعيه باللهجه العامية
وبإذن الله راح انزلها مع قصص ثانيه اتمنى تقرونها وتعطوني رايكم ( موجوده بالتوقيع )
----

وقريت الأبعاد المجهوله واايد اعجبتني اهي مجموعة قصص حق عبد الوهاب السيد طبعا ..
بس في قصه بالجزء الأول كللللش ماحبيتها ( الفتاة التي لم تكن ) حسيتها مادري اشلون يعني خربت الجزء
اما قشعريره فجد واااااو اتهبل وتخرع ..
وبالجزء الثاني من الابعاد المجهوله حبيت قصة حدث في ذلك البيت واكسرت خاطري حيل ..
----
اما الروايه اللي على كثر ما اقراها ما امل منها اهي روايتين حق كاتبه اجنبيه بس نازله اهني مترجمه بالعربي
قريتهم يمكن 4 مرات بس بين كل مره والثانيه حوالي سنه ونص او اكثر ..
اسمهم ( لاشيء يهم ) و ( من يزرع الشوك ) نوعهم رومانسي بس على خفيف وااايد حلوين صراحه ..
----
ومشكوووره حبووو عالموضوع الحلو

 

[دلوعهـ أهلها]

من وانا صغيره احب اقرى قريت قصص وااااايد والله اتوقع ماينعدون
واكثر شي احبه القصص الرومانسيه بس طببببعا مو بزود يعني اللي تكون خفيفه بس محورها قصة حب ..
عشان جذي حبيت اني اكتب قصص وانزلهم روايات ( كتب ) وكتبت اول تجربه لي ( الفتاة الهاربه ) واهي قصه واقعيه باللهجه العامية
وبإذن الله راح انزلها مع قصص ثانيه اتمنى تقرونها وتعطوني رايكم ( موجوده بالتوقيع )
----

وقريت الأبعاد المجهوله واايد اعجبتني اهي مجموعة قصص حق عبد الوهاب السيد طبعا ..
بس في قصه بالجزء الأول كللللش ماحبيتها ( الفتاة التي لم تكن ) حسيتها مادري اشلون يعني خربت الجزء
اما قشعريره فجد واااااو اتهبل وتخرع ..
وبالجزء الثاني من الابعاد المجهوله حبيت قصة حدث في ذلك البيت واكسرت خاطري حيل ..
----
اما الروايه اللي على كثر ما اقراها ما امل منها اهي روايتين حق كاتبه اجنبيه بس نازله اهني مترجمه بالعربي
قريتهم يمكن 4 مرات بس بين كل مره والثانيه حوالي سنه ونص او اكثر ..
اسمهم ( لاشيء يهم ) و ( من يزرع الشوك ) نوعهم رومانسي بس على خفيف وااايد حلوين صراحه ..
----
ومشكوووره حبووو عالموضوع الحلو

حبيبتي اول شيء يعطيج الف عافيه على الروايات << سيفتهم عندي بقراهم واعطيج رايي فيهم

بالنسبه حق روايات (( لا شيء يهم - من يزرع الشوك )) من وين احصلهم ؟. اقدر احصلهم بجرير ؟...​

 

[&& غـــســق &&]

-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )
؟

احب الجتماعي والرمنسي حتى البوليسية ...المهم المضمون عندي مو النوع

2-منو (الكاتب/الكاتبه) اللي تحبين تقرين له ؟
من الكويت عبدالوهاب السيد قريت له اغلب كتبة بصراحه قمه ففي الاندماج

هم محمد النشمي قريت له صوت في بيتنا ...وناويه اقرا قصة له مادري شسمة بنات الثنوية جنه ...

وايضا من قراءاتي اغاثا كرستي ...بصراحه في نوع من التعقيد في قصصها...بس حلوة قريت لها خداع المريا وموت السيده ماغنتي زذات القناع الاسود ....وحده بعد نسيت شنو ...!!
وحاليا قاعده اقرا حق منى العنزي ليلة في فيلجا ...بس ماجذبتني توني اقراها ....مادشيت بالعميق
3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟
ما اقرا الرواية اكثر من مرة لان تم في ذاكرتي بس احتفظ بالكتب لربما ايي يوم واقراها او احد يستعيرها مني

شكرا على الموضوع اختي