تقسيمتي وتقسيمتج خل نتشارك

[أمي غلاها غير]

مرحبا

طبعا احنا العرايس همنا اول مانمسك الفلوس نحاتي شلون نوزعها صح

انا سويت تقسيمه اتمني تعجبكم
وطبعا ما انسى اشكر خواتي اللي ساعدوني بهالموضوع
بدويه وايد _ تبطي عظم_ المها_كيف أسيبك_رغوووده_أسواره



بوزعه على اساس مهر 7 واللي تبي %

 

[صفاءء]

الله يبارك لكم يارب

 

[مذهــلــه]

وين التقسمية حبيبتي

 

[أمي غلاها غير]

بنات سويت تعديل وخرب على كل شي
المهم التقسيمه كالتالي

بسم الله
اول شي بعطي امي 500 وخواتي بينهم 100
الليله لاوله 2000
الليله الثانيه 500
المصوره على الرجال
عبايات
1 فخمه 100 دينار مثلا
2 زوارات 25 والثانيه 30

عطور 250
مكياج 200

ملابس شقه 250 لقنزات وسوالف دلاغات ذربه ب15
بودي شوب
مشط وليفه يد وليفه جسم مع ادوات منكير 30
شموع 15 دينار
سنتر بوينت فواحه كهرب مع استاندات اكسسوارات كامله 50
الغانم
استشوار
وفير
واله بخار كلهم 50 دينار
دراعات 500 دينار
اكسسوار شعر من تيجان وبفات وشباصات 30دينار
4عدسات مشكله مع صبغ اضافر ومزبل الصبغ بانواعه 45
اكسسوارات 70 دينار
جناط عفش وصناديق احجام منوعه وسله ملابس وسله للحمام مع اكسسوارات الحمام 80
50 بخور ومسك وخلطات
50 لوشنات وفواحه وزيوت فواحه
ملابس داخليه 30 دينار
قمصان 80دينار
بيجامات 73
جناط 200 مو شرط ماركه تقليد
جواتي 100
منظم الملابس الداخليه ومنظم الجنط 15

 

[شوارفسكيه ورديه]

موفقه حبيبتي بس يبيلج تقسمينها احسن من جذي اذا تقدرين ....

لان في اشياء مو معطتهم حقهم وفي اشياء مو ملزومه انتي منها ؟؟؟؟

الله يوفقج وييسر امورج يااارب

 

[أمي غلاها غير]

تابع
شحاطات 15 دنانير
جوتي رياضه حلو مع جوتي اسود عملي سبحان الله تسافرون ولا شي 15 دينار

صار المجموع 5,498

باقي الفين وشي

ساعات عادي ذربه 4 الوان او 5 الوان ماركه وحده ب60 والباقي عاديات بحدود ال100 دينار

وساعه الماس خنقول الف

صار 6.658
باقي 400 بشتري فضه مطلي بذهب


واعاناتي راح تكون ليزر لاباطي بس حاليا 6 جلسات كل 40 يوم وكل جلسه ب60
وراح تكون بين اغراض الجمعيه والصيدليه وباقي مقتطفاتي

وبرنامج الصالون عادي ادبرها من امي ولا احد

بنات والله تعبت على الموضوع اتمنى تستفيدون منه واذا نسيت شي جلا من لا يسهو ذكروني وخل نستفيد ونشور على بعض اتقبل ارائكم كلكم بصدر رحب وكل وحده تقولنا طريقتها

 

[حب وحزن]

السلام عليكم

ترا حيل مبالغه باول ليله 2000 شحقه ؟؟ احلى نفنوف تحصلينه ب 1200 والميك اب ب 300 صارو 1500

والقمصان شكلج مارحتي السوق ؟؟

الشي الحلو غالليييييي
انا قمصاني قطيت عليهم للحين 200 دينار وماخلصت ربعهم بعد
وطقم المطلي احسه خساااره يعني مافيه ألا منظره ولا هو رانقووه مايسوى تقطين عليه 300 ولا 400 اشتري اكسسوار ذرب وخلاص انا رح شفت المطلي صدقيني فلوسه حرام يعني مانسفيد منه

وشنو بعد امممممم

والعبي ليش بس 3 !! حبيبتي اقل شي 5
2 كشخه و2 ذربين ووحده ساااااده

والدراريع 500 ماتسوي شيييي اسعار المشاغل والمعارض للبدل الكشخه نار البدلة الحلوة النعوومة اقل شي ب 150

والعطور 250 هم ماتجيب لج ألا جم عطر 4 او 5 بالكثير

بس نطري معرض العطور بعد شهر فيه عروووض رووعه

والله يوفقج هاذي ملاحظاتي البسيطة

 

[أمي غلاها غير]

ياي احبطتني وبعدين اول ليله اقصد دي جي مع الفستان مع الصالون مع الكعب

ممكم العبي تزود عادي

الدراريع احس كافي 500 بنشوف اراء البنات

فعلا بنطر ارض المعارض

مشكوره

 

[حب وحزن]

ههههه سوري والله حبوبه مو اقصدي احبطج بس انا اقولج الواقع عشان ماتنصدمين لما تروحين تجهزين

انا مثلج كنت جذي مسويه ميزانيه بسيطة بس احبطوني المشاغل والمعارض خخخ

يالله ماعليه اهم شي التوفيق والله يوفقنااااااا كلنا

وصدقيني والله كثير بنات تجهيزهم جدا جدا بسيط بس يطلع واااااو ماشالله عليهم

بس منو اللي يفرفر بهالسوق ههههه

 

[فوشيـــا]

رد : تقسيمتي وتقسيمتج خل نتشارك

تقسيمتج حلوه
بس يعني مو لازم بالضبط
ابتلقبن اشياء حلوه وغاليه بتعجبج
والقمصان صح كلامها شويه 80 لان القميص الواحد من 22 الى 38 الغالي الحلو
والله يتمم عليج حبيبتي

 

[حبيبه امي]

رفع

 

[خشف الرعآبيب]

موفقين صبآيآ

 

[ضاقت علي دنياي]

حبيبتي تقسيمتج حلوه ،،

بس مآ تضمنين ان الشغله اللي تبينها تلقينه نفس السعر اللي انتي حآطته!!

ترى السوق كله مآله ويصعد بآلعآلي ..


تصدقي بآلمهر قبل لآ تصرفين منه ربع دينآر ..

وادعي ربج كل يوم انه يكفي ويزيد بعد ..

وترى اهم شيء التوفيق من رب العآلمين ..


والله يوفقج ..

 

[الـفجـر]

الله يبارك لج فيه ويوفقج حبوبه

 

[sara.com]

رد : تقسيمتي وتقسيمتج خل نتشارك

الله يوفقج ياقلبي

 

[الدميـــرة]

رد : تقسيمتي وتقسيمتج خل نتشارك

الله يوووفقج يا رب وترى سهااالات بس شدي حيلج و دايما فري و قارني قبل لا تشترين
و اشتري دايما الجودة و السعر لا تعتمدين عالشكل و بس لان مرات شكلة حلو بس الخام مو شي
ولا الفنشنق مو شي مو مرتب
ومووفقة حبيبتي و كل ما هان تباارك

 

[انا بيشو]

ليش دراريع 500 واجد عليهم انتي عروس شنو دراريع
لاتنسين البدل الفخمه حقت الاستقبالات روحي المعارض وفصلي كم وحده اقل شي 4 بدل
ودراعات انا اشوف 200 واجد عليهم
وبعدين القمصان والملابس الداخليه 400 دينار ياله تكفيك
والتنانير والفستاين القصيره لناعمه حق تسيرين على اهلك ولا صديقاتك
ولا تنسين الجنزات والبديات والتيشرتات حق السفر او التمشيه
وبالتووووفيق

 

[*^ *الليليم]

تقسيمت زينه بس استقلي السيل و المعارض ،،،
و بالنسبه للدراريع و بدل الاستقبال احس 500 ياله تيزي ~ انا اعرف عرووس كلفها فوق الالف .. بس انتي افتري و تلقين الي يعجبج ان شاء الله ،،،

امممم ،،،، الملابس الداخليه و القمصان حدااا شويه !!!

وربي يوفقج و يتمم لج ع خييير انتي و باجي العرايس ...

 

[قلبي مملكه]

موفقه يارب

 

[أمي غلاها غير]

ليش دراريع 500 واجد عليهم انتي عروس شنو دراريع
لاتنسين البدل الفخمه حقت الاستقبالات روحي المعارض وفصلي كم وحده اقل شي 4 بدل
ودراعات انا اشوف 200 واجد عليهم
وبعدين القمصان والملابس الداخليه 400 دينار ياله تكفيك
والتنانير والفستاين القصيره لناعمه حق تسيرين على اهلك ولا صديقاتك
ولا تنسين الجنزات والبديات والتيشرتات حق السفر او التمشيه
وبالتووووفيق

لا حبيبتي شوي 500 على الدراريع انا حاطه 500 وانا مو مصدقه ولا مقتنعه انها تكفى والله