تقووووووويم الاسنان.

[كويتيه وبس2005]

السلام عليكم ورحمة الله وبركاته..........

شلونكم بنوتات.....

حبوباتي انا ودي اسوي تقويم لاسناني بس بصراحه محتاره ماادري وين اسوي.

تكفوووووووون اللي تعرف دكتور زين وشاطر ادلني علي............واكون لكم ممنونه.

وراح ادعيلها بالتوفيج...........ولاتنسون احتسبوا الاجر.

 

[كويتية بالغربة]

مشاركة: تقووووووويم الاسنان.

رفيج اخوي دكتور اسنان واخوي قاله على اختي بتسوي تقويم قاله احسن دكتور
دكتور امريكي بالاميري والله اختي سوت عنده وماشالله اسنانها تعدلت وردت

 

[أوركيد]

مشاركة: تقووووووويم الاسنان.

الأميري احسن مكان ....بس اذا ما حصلج الفوزان واايد يمدحونه

عيادته بالمهلب

انا رفيجاتي ثنتين مسويين تقويم عنده ...ويقولون زين

 

[.]

مشاركة: تقووووووويم الاسنان.

بجم حطووو التقويم عند الفوووزان؟


وعيادته وين؟

 

[كويتيه وبس2005]

مشاركة: تقووووووويم الاسنان.

جزاكم الله خير ,,,,,وماقصرتم يالغاليات.
بس انا امدحولي الدكتور ابراج بمستشفى الهادي في احد يعرفه.

 

[yam_yam]

مشاركة: تقووووووويم الاسنان.

اي و الله انا شكلي بحطه ان أرخص بوايد من تلبيس السيراميك
كنت أبي أسوي سيراميك عشان أعدل اسناني مالت علي الدكتور قالي 2.750 دينار ؟؟ ليش بيشتريلي حلج ثاني خخخخخخخخ

بروح الفوزان وايد زين

 

[نفانيف]

مشاركة: تقووووووويم الاسنان.

والله ياختي احسنلج سوي مثلي وقرري تحطين تقويم لاني نفس حالتج لازم احفر في ست اضروس بس الدكتورة قالتلي حرام انتي صغيرة بس حسب حالتج يمكن انتي محتاجه تجميل

 

[كويتية أمورة]

مشاركة: تقووووووويم الاسنان.

انا بعد مدجولي ابراج بس ماشفت بعيوني
انا انشاء الله ناوية اسوي بعيادة الحكمة اللي بحولي بمجمع البلازا الاحمر
في دكتور هندي مسوي حق بنت خالي واخوها واخت مرت اخوها ومادري منو كلهم تغيروا صارت ضروسهم وحلوجهم غير تصدقين الويه من تحت تغير!!!
لا وكل ماتروحين تقوليله انا من طرف فلانه وعلانه يخصم لج
واذا ماتبين تشلعين الضروس عنده ملوت التقويم يكتبلج بورقه اي ضروس تشيلين وروحي الحكومة شلعيهم وردي عليه يحطلج التقويم
بنت خالي شلعت عنده ضرسين ضرسين وركبته والله وطافت السنه جنها شهر وشالت التقويم صارت تهبل
انا قايلة بروحله عقب رمضان ليلحين مارحت
ذكرتيني فيها خل اروح لاتطوف علي الايام كل سنه اقول بركب ومااركب
اي والاسعار تدفعين 400 بالبداية وبعدين كل شهر 50 لين تخلصين
وممكن تكلمينه يخليهم 200 بدال 400 عاد ساحليه بطريقتج هو وايد حليو

 

[كويتيه وبس2005]

مشاركة: تقووووووويم الاسنان.

مشكوريييييييييييين حبيباتي بس مافيه احد يعرف الدكتور ابراج.
وجزاكم الله خير

 

[أوركيد]

مشاركة: تقووووووويم الاسنان.

الفوزان يسوي التقويم ب 1000

وممكن يعطي خصم 50 دينار

 

[كويتية أمورة]

مشاركة: تقووووووويم الاسنان.

كويتية وبس انا ايام ماكنت اروح مستوصفنا حق ضروسي كانت في دكتورة اسمها سارة قالتلي روحي عند ابراج بالهادي لانه كل مرضاي اللي حاطين تقويم حاطينه عنده ووايد زين مضبوط ودقيق

 

[عمري الكويت]

مشاركة: تقووووووويم الاسنان.

والله ودي أسوي تقويم بس ما أدري أحس أن صعب شويه

 

[كويتية أمورة]

مشاركة: تقووووووويم الاسنان.

لا لا لاتضيعين الوقت تصيرين مثلي صارلي 99999999 سنه اقول بحطه وماحطيته
والناس حطوا وشالوا وانا قاعدة
الحين خلاص ان شاء الله عزمت بحطه