تقويم الاسنان الشفاف

[sevenseas]

بنات انا قررت اركب تقويم الاسنان الشفاف

اللة يخليكم اللي جربت التقويم الشفاف
لا تحرمنا من تجربتها
وتقول
1-وين سوته؟
2-وبجم؟
3- شنو مميزاته و عيوبة؟

انا في الانتظار:eh_s(8): :eh_s(8): :eh_s(8):

 

[ii DareeN ii]

http://www.q8yat.net/showthread.php...D%E3+%C7%E1%C7%D3%E4%C7%E4+%C7%E1%D4%DD%C7%DD


شوفي هالرابط اختي وان شاء الله يفيدج

 

[sevenseas]

ii Dareen ii


مشكورررررررررررة












بس فية أحد بالفعل جربة ؟؟؟؟؟؟؟؟؟

 

[أسيرة قلبه]

حبيبتي جربي المخفي احسن لج

 

[بنت الدلال]

واااي حدي ميته عليــه


وابي اسوي ... بس محد شجعني كلش مـادري ليش

جان زين في احد مجربه

 

[Ga6waah83]

حبيبتي شوفي
ترا مافي في فرق بس الشفاف والعادي
الا شي واحد
ان الشفاف يلوع الجبد والعادي من اسمه عادي
راح تقولين لي اشلون !!!!

انا راح اقول لج ...

واايد شفت بنا حاطين الشفاف ومنقلب لونه اصفررررررررررر وييييييييييع

بس التقويم العادي اللي اهو اللي انا مركبته عادي
لونه سلفر يلمع يبرق من النظافه اما الشفاف يلوع الجبد بصراحه
وهذا اللي انا اشوفه عاد يمكن في آراء ثانيه انا مادري ...

انا مسويته بعياده الحكمه انا واختي
انا ركبت بس اللي فوق طلع علي 500 بعد امداحر مع الدكتور وقال لي فرق 100 او 200 اذا ابي شفاف بس قلت له مابي ...

وسلامتج

 

[MyLittleBerry]

انا بسوي بالسلام اي اقتراح؟؟؟؟؟

ودي اسوي الشفاف لان اصلا ريلي موراضي احط تقويم لووووول يقولي شنو علشان لماتتكلمين تطشرين تفال على ويهي نفس دافي دك!

وشكلك يصير موحلو

فقلتله بحط الشفاف اقتنع

بس منو مجرب واي اقتراح تعطونا وتفيدونا واللي مسويه بالسلام شلون شغلهم؟

 

[أسيرة قلبه]

حبيبتي اذا انتي متزوجه مثلي حطي مخفي من ورا الاسنان

اسأل مجرب و لا تسأل طبيب

 

[Maneena Manaana]

شوفي ...كل شي له عيوب وميزات
الشفاف من عيوبه:
1.لازم ينحط 22 ساعة باليوم يعني تشيلينه وقت الاكل بس...
2.ماتاكلين فيه اييي شي ولا حتى تشربين شي وانتي لابسته غير الماي...
3.قبل لا تلبسينه ( بعد الأكل) لااازم تفرشين اضروسج تفريش سنع على اصووله...وتسوين فلوسينغ وتنظفينه ( هالشغله تاخذ تقريبا 10 دقايق اذا مو اكثر)
4.مطاعم وهالسوالف صعبة...

ميزاته:

1.مايبين
2.ماكو ألم
3.كل اسبوعين تغيرينه (أنظف)

هممممم جنه هذي اهم الاشياء

وبالنسبه للسعر.. ماعندي فكرة عن سعر الكويت

وبالنسبه لي...تحسفت اني ماحطيت التقويم العادي... هذا عباالة شوي

 

[atooma]

حتى انا افكر بس بالاحلام اني اسوي

مشكلتي مااحب احد يلمس اسناني

 

[sevenseas]

يعطيكم العافية بنات على الردود

 

[noty]

الشفاف عيبه شي وااح < يقلب اللون اصير مصوفر طبعا من المشروبات الغازيه و المنبهات

و اسعاره امممم سالت مكانين و قالوا : 1350 و 1200 يعني هالمحاري

Maneena Manaana

حبيبتي اللي تتكلمين عنه هذا الانفزالاين هذا مثل القالب تلبسينه و تشلينه,,, الشفاف غير ,, موجود مو بكل مكان

شفته بعيادة الخليج و انترناشيونال كلينك

بس فيه واايد عيوب .. كافي شيل و ارد ,, و تغيرينه كل اسيوعين

انا دكتوري ما نصحني فيه


و شنو بعد بقوول ياربي اي المخفي اللي اصير من داخل < اشلون يتنظف انا من جدام و عبااااااااااااااله شلون من داخل !!


انا نصيحتي حطي العادي

بالنهايه اهو لوووعه بكل حالاته

يعني في اربع انواع : العادي الحديد - العادي الشفاف البلاستيك - انفزالابن - غبر المرئي ( المخفي )

 

[MissChoco]

صراحه انا اسناني ما تحتاج والحمدالله :×

بس كنت اتمنى احط .. مادري ليش :\

 

[تراحيب المطر]

أول مرة أسمع إن في تقويم يتركب ورا الأسنان...!!

أنا ودي أركب الانفزالابن ، أيهو أحسن هذا ولا اللي ورا الأسنان...!

اليوم راجعت عند د.بهبهاني في عيادة أبها وقال ان تكلفة الانفزالاين 2000 ديناااااار

أنا أبي تقويم بس ضروووووري ما يبين

لا يمكن أتقبل شكلي مع الحديد..!!

 

[مغروره بس معذوره]

عاد انا ابي بس ماحب التقويم احسه مو حلو علي