تقويم الاسنان...بلييييز استفسار

[shooq_q8]

السلام عليكم

كيف الاحوال يا بنات ان شاء الله تمااااااااااااااااااااااااااااام

حابه اسالكم منو فيكم تعرف اذا نقدر نشتري تقويم الاسنان من السوق يعني بدون عناء الدكاتره الخ

و هذي الصوره

بس المتحرك يعني الي ينشال و ينحط

الي تعرف تقول لي السعر و المكان و باسرع وقت ممكن

و اذا ما في قولولي شنو البديل

و اكون شااااكره

اختكم المحبه

 

[shooq_q8]

مشاركة: تقويم الاسنان...بلييييز استفسار

 

[مطفوقه^ملقوفه]

مشاركة: تقويم الاسنان...بلييييز استفسار

أنا سامعه أنه ينباع بصيدلية الأميري هذا الثابت طلعي رقمهم ودقي وسأليهم
هذي الصيدليه اللي بمستشفى الأميري

 

[فتون علف]

مشاركة: تقويم الاسنان...بلييييز استفسار

ترى المتحرك مايصلح لاي احد الا اللي اسنانهم فيها شي بسييييط جدا
اما اذا عندج اسنان داشة وطالعة وايد لازم الثابت وترى السنة تطوف عليج بسرعة ماتحسين فيها والتقويم الحين موضه مو شي يفشل
والله يوفقج

 

[shooq_q8]

مشاركة: تقويم الاسنان...بلييييز استفسار

هلا حبايبي

اشكركم على الردود

اختي الغاليه مطفوقه^ملقوفه
يعني اقدر بس اروح الصيدليه و اقول لهم ابي تقويم و يعطوني؟ الله يسلمج تأكدي و اذا ما عليج امر حبيبتي ممكن رقمهم...و الف شكر لج يا قلبي انتي

اختي العزيزه فتون علف
هلا حبيبتي تسلمين على الرد و النصيحه الطيبه و فعلا مثل ما تفضلتي ما يطول و هم شكلهم حلو (اكسسوار للاسنان ) بس انا ابي الي ينشال لان العيب مو جايد حيل بس بنفس الوقت هم يبيلهم تقويم

محبتكم

 

[shooq_q8]

مشاركة: تقويم الاسنان...بلييييز استفسار

ليش محد يرد؟؟

 

[الحياة]

مشاركة: تقويم الاسنان...بلييييز استفسار

والله انا كنت مسوية تقويم اسنان عند دكتور في الاميري
بس على مااعتقد انه التقويم ينشرى من بره بس على حسب وصفة الطبيب

لانه التقويم له مقاسات معينه واحجام معينة الدكتور يحددها للصيدلي

فماعتقد اي احد يقدر يشتري تقويم اسنان من كيفة

وعن الصيدلية اللي تبيع التقويم ..

في صيدلية الامير اللي يم الدوار اللي مال مستشفى الاسنان عندهم من ورة
روحي وسألي اذا يبيعهم لج من غير وصفة او شي

مع اني مااعتقد يعطيج اياهم جذي

موفقه حبيبتي

 

[طماشه]

مشاركة: تقويم الاسنان...بلييييز استفسار

انا مع اختي الحيااه صح كلامها احجام الفك يختلف من شخص لثاني عشاان جذي مراح تلاقينه جااهز


روحي حق طبيب وقوليله ابي تشووف فكي وعطني وصفه بمقاساته وروحي اخذي من الصيدليه

 

[asoomaa]

مشاركة: تقويم الاسنان...بلييييز استفسار

شلون تقويم يتركب بدون دكتور

معلش تحملوني والله موفاهمه شي

والموضوع شكله يهمني لاني كنت مركبه تقويم من كم سنه واسناني احس انها تغيرت
شوي

فاذا اللي تتكلمون عنه بيفيدني بليييييييييييييز انا بعد وياكم ابي اعرف عنه​

 

[حبيبة قلبه]

مشاركة: تقويم الاسنان...بلييييز استفسار

في محل بالفروانيه يجيب كل ملتزمات التقويم الاسنان

هالمحل هذا موجود بمجمع

مقابل مطافي الفروانيه بالضبط

و تلقين المجمع فيه على ماأعتقد بن العميد

شفتي المجمع هذا ادخليله واصعدي فوق وتلقين المحل موجود


ومشكوره على الموضوع

 

[under shadow]

مشاركة: تقويم الاسنان...بلييييز استفسار

انزين لبش التقويم جذيه بارز وواضح دامج رايحه رايحه وبتدفعين
اسألي عن التقويم الغير مرئي واهم شي تمرين الدكتور بالاول وتسالينه
وهو راح يقولج التفاصيل

 

[عمري الكويت]

مشاركة: تقويم الاسنان...بلييييز استفسار

في تقويم غير مرئي اول مره أسمع فيه

 

[الحياة]

مشاركة: تقويم الاسنان...بلييييز استفسار

اي التقويم الغير مرئي الله يسلمكم اهوه الي يكون شفاف ومايبين اذا انتي حاطه تقويم وا لاء
بس يقولون انه التقويم الشفاف اغلى من العادي وبعدين بسرعه يتكسر
انا ها اللي سمعته

 

[shooq_q8]

مشاركة: تقويم الاسنان...بلييييز استفسار

اشكركم اخواتي الحبيبات...والله ما قصرتوا الله يعطيكم الف عافيه

و المكان الي قالت عنه الاخت موووووج رحت له بس طلعوا يبيعون للشركات فقط

و انا ما كان قصدي الجسر الي يضل دائما و الي يركبه الدكتور..لا في نوعيه تحطينها لوقت معين و بعدين اتشيلينها

و هذي صور

او

plz الي تعرف وين القى هالنوعيه تفيديني و هل ممكن القاها بصيدلية الاميري؟

و الف شكر لكل الي قدموا لي المساعده ما راح انسى معروفكم..بس كملوه

اختكم المحبه

 

[shooq_q8]

مشاركة: تقويم الاسنان...بلييييز استفسار

ارجو منكم الرد حبايبي لاني محتاجه لمساعدتكم...ضرووووري

محبتكم

 

[asoomaa]

مشاركة: تقويم الاسنان...بلييييز استفسار

ايوالله هذا اللي ابيه يا شوق
وانا مره بعد قريت اعلان له لاحد العيادات الاسنان واذا انا مو غلطانه عيادة الخليج اللي في شارع بغداد بالسالميه
ولما قريت الاعلان اتصلت فيهم وما كانوا يردون وبعدين بردت وما اتصلت مره ثانيه
بس انشاء الله بكره اذا الله احيانا بتصل وبتأكد وردلج خبر​

 

[بنت القبيلة]

مشاركة: تقويم الاسنان...بلييييز استفسار

سامحيني أختي والله ما أعرف أنا ان شاء الله بركب تقويم بعد جم أسبووع =)

 

[معلمه متميزه]

مشاركة: تقويم الاسنان...بلييييز استفسار

انا سويت تقويم من قبل .. واذا انتي ناويه تشترين تقويم وتركبينه لنفسج فمستحيل هالشغله !!!

لازم دكتور حتى لو الانحراف بسيط وما يسوى نظرج لازم يشوفج دكتور بعدين شلون بتركبينها هذا صمغ وحاله وما ينشال الا بتنظيف يسويه لج الدكتور وقصه .. شتسوين فيه تشترينه ..

انا شريته من صيدليه يم الاميري بوصفة دكتور .. يعني مثل ما قلت لج لازم دكتور .. وتسلمين

 

[معلمه متميزه]

مشاركة: تقويم الاسنان...بلييييز استفسار

على فكره النوع الي باول صوره يعطيج اياه الدكتور ( ماذكر شريته من الصيدليه ولا هو عطاني اياه ) تحطينه عقب ما يخلص تقويمج بعد سنه ونص على حسب الحاله طبعا ممكن اقل بوايد ويبقى بس التثبيت يعني هذا لتثبيت الاسنان على شكلهم اليديد بعد التقويم شتبين فيه ؟؟

وتسلمين

 

[أم تويو]

رد: مشاركة: تقويم الاسنان...بلييييز استفسار

ايوالله هذا اللي ابيه يا شوق
وانا مره بعد قريت اعلان له لاحد العيادات الاسنان واذا انا مو غلطانه عيادة الخليج اللي في شارع بغداد بالسالميه
ولما قريت الاعلان اتصلت فيهم وما كانوا يردون وبعدين بردت وما اتصلت مره ثانيه
بس انشاء الله بكره اذا الله احيانا بتصل وبتأكد وردلج خبر​

فعلا حبيبتي أنا رحت للعيادة وفتحت ملف ب20 دينار ودخلت على الدكتور وقال التقويم العادي نتائجه أفضل 000وهذا التقويم غالي حيل تقريبا 3000 دينار كويتي بس مميزاته انه ينشال وقت الأكل وكل اسبوع تقريبا يتبدل 000 ويحتاج ارسال المقاسات للخارج وبعدين يتركب يعني ياخذ وقت شوي 0