تقويم الاسنان

[ديايه]

بنات شلونكم ابي عياده تسوي تقويم اسنان بس مابي غالي يعني عياده زينه بس رخيصه وابي الي يعرف اسعار التقويم على جم وجم ارخص شي ضروري !!

 

[NoWay2know]

ماعندي فكرة
انشالله البنات يفيدونج

 

[sanyoreta]

ماعندي فكرة
انشالله البنات يفيدونج

 

[The.Cancerian]

هلا اختي ..
انا الحين حاطة تقويم صارلي سنة وبشيله عقب كم شهر ..

تقويمي حطيته بمستشفى هادي عند البروفيسور الدكتور ابراج (هندي)
الدكتور فوق الممتاز والحمدالله يعني النتائج كانت سريعة وهالشي حتى صديقاتي تفاجأو منه ..

عموما حبوبة ..
التقويم بكل العيادات الخاصة سعره بين 1000 و 1500 دينار ، وهذا السعر للتقويم الكامل (فوق وتحت) واذا بس فوق او تحت بنص السعر ..

انا عند هادي ب 1300 (تقويم كامل) بس طبعا ما تدفعينهم كاملين لا ، اول مرة لما ركبلي دفعت 600 دينار والباجي كان اقساط شهرية (50 دينار) ..
ولما يشيل التقويم فيه التقويم المؤقت هذا ب 100 دينار ..

اذا بغيتي معلومات اكثر انا حاضر​

 

[ogany]

elthoraya bilfarwaneya kan 3alaih 3arth ana rakabta b 800 awal shy tidfi3een 200 wilbajy dif3at 50 50 ..mokanhum yam finqid crown plaza esma markaz elthoraya ekta5a9o9i 3ind dr.meshail (Libnany)

 

[eng.jacvara]

حبيبتي انا الحين مركبه تقويم غير مرئي حده عجيب والنتايج واضحه
انا ركبته بعيادة الفوزان بالمهلب ب1200 دينار طبعا كاسرته لان كان 1400 دينار
واعرف وحده مركبه بعيادة الميدان بالفروانيه نتايجها عجيبه
بس طبعا لا نتسين العمر يعلب دور
اللي اعرفها اللي متعامله مع الميدان صغيره عمرها 13 يعني اسنانها تتحرك بسرعه
بس انا عمري 23 يعني اكيد بكون ابطئ منها
بس هم النتايج حلوة الحمدلله يتحركون بسرعه والحين صارلي 10 شهور والدكتور قالي باجيلي تقريبا 9 شهور
ولا يقصون عليج ترى نتايج التقويم المرئي نفس التقويم الغير مرئي يعني حطي غير مرئي احسن وشكله ما يبين ووايد احلى

 

[ديايه]

مشكوورين كلكم على الردود والله اني استفدت منكم بس ليش ماسويتو بالحكومي يعني الخاص احسن ؟؟

 

[eng.jacvara]

حبيبتي الحكومي يطولون يتقعونج 5 سنين وانتي تقدرين تخلصين بسنه او سنتين ونفس ما قلتلج يعتمد على عمرج والحكومي مواعيدهم زفت

 

[SILVER ROSE]

شلونه الفوزان واهو يسويلج التقويم والا دكتور ثاني وشلون صاير الغير مرئي تقصدين شفاف؟ابي دكتور باله طويل لاني اموت خوف من الابر والشلع

 

[عسوله كيوت]

الصراحه انا مو مجربه بس ما حبيت ادش و ما ارد
وااايد مدحو لي عيادة الصالح كلينيك اللي بخيطان جبال نادي خيطان بالضبط و قالو لي انها رخيصه و كويسه اهون من غيرها .
وانشالله توفقين و تلقين اللي يناسبج

 

[eng.jacvara]

سلفز روز بالنسبه لسؤالج عن الدكتور
الي يسويلج دكتور هندي اسمه كريشنا وايد زين وباله طويل لا تحاتين وبالنسبه للغير مرئي اي شفاف ما يبين بس السلك يبين وايد شكله احلى والله احيان اهلي ينسون اني حاطه تقويم لانه مايبين كلش
وموفقه انشالله

 

[amoraa-q8]

up up up

 

[مستشاره قانونيه]

انا سويت تقويمي بالحكمه بشرق عند دكتور هندي اسمه اشوك

كلفني 600 دينار لان بس فوووق

وباجر موعدي بشيله ههههه وناسه

حطيته لمده سنه بس وكنت شهريا ادفع 25 دينار بس ومرات ادفع 50 واول دفعه كانت 250 ..

 

[^kloOot^]

حبوبه انا صارلي سنه بالاميري مركبته والحين بشيله

ومواعيدي شهريه يعنى بشهر مره

اذا عندج واسطه كل شيء يصير

انا كان عندي واسطه

المهم انه اللى موقفنى الزراعه لازم اركب عشان اشيل التقويم واهنى المشكله لانه ماعندى واسطه حق الزراعه لللاسف

 

[قمه النعومه و الأنوثه]

مشكورين خواتي على المعلومات