تقويم + زراعه .. بنات ابي مساعدتكم لاهنتو

[للجياكر عنوان]

السلام عليكم ورحمة الله وبركاته
شلونكم حبايب شخباركم ؟

بنات انا مشكلتي مشكله

ابي اركب تقويم وابي اسوي اشياء شكثر بعد وقبل التقويم

بس مابي اسوي الا عند دكتور هندي .. يعني مو شي منقبه وابطل حلجي قدام كويتي
ولا خليجي ولا حتى مصري << يما فديت الحياا

والله شوفو لي حل بلييز ابي هننننننندي ..

وبعد امي تبي تسوي زراعه وتبي دكتور شغله مضبوط << تبي تكشخ قبل تصير جده

امانه بنات اللي تعرف خل تفيدناا .. وياليت عن تجربه نبي شغل مضبوط

وبكم بعد سوته ..

انطر ردودكم حبايب قلبي :eh_s(7):

يلا مع السسسسلامه ( قلب ) << مالي خلق اروح ادوره بالفيسات ​

 

[هناء - Hana]

شؤفي حبي المستشفيات العامة حق الاسنان كل دكاترة هندي..وبصراحة انا ماجربت هندي ليش ماتاخذي خليجي بالعكس شغل مضبوط..ترى مايسويلج شيء اصلا ههه ليش هندي..توكلي على الله وروحي عند خليجي انصحج الله حبيبتي وموفقة قلبي..

 

[للجياكر عنوان]

^
^

يؤ يؤ لا والله ماعرف هههههه
والله حتى علاج اوقات حدي اتعب بس لما ادري عند رجال وخليجي سيده فوق تحت
والله جذي عقده من الله خخخ

انزين هالهنود الواجد وينهم ماطيح عليهم انا :eh_s(2)::bbbiu:

 

[bebo-q8]

حبيبتي المشكلة انه مو بالدكتور الهندي الاهم انه الدكتور يكون شاااطر وشغله ممتاز مو المهم جنسيته ..... والله عندنا اخصائين حق الزراعة والتقويم خوش دكاتره وجدا محترمين وشاطرين يشتغلون بهدوء ويصبرون عالمريض ويمشون مثل ما اهم يبون يعني اهوه يفحصج وينصحج بالاحسن ولج حرية الاختيار بالاخر وغير جذي الشغل مكفول ... عالعموم حبيبتي انا حبيت انصحج واذا بغيتي لاي مساعده هذا رقمي واساعدج باي وقت وافيدج مع العلم انه ( الاستشارة + فتح الملف مجانا ) تعالي وشوفي شنو يقولج الدكتور انتي مو خسرانه شي ... حياج الله باي وقت معج ابرار 96627600

 

[^لغموضي معاني^]

ههههههههههههههه ياربي شمعنى يعني هنديي بالذاات


ترى كلهم رياجيل وبتقطين النقاب عند كلهم


بس دوري ع اللي شغله مضبووط وشاطر لاتدورين بس عشان هندي


واذا تبين هندي في بالاميري دكتور اختي شاااطر وفاهم

 

[غـلآوي ّ ~]

لوووووووووول

عـآآديّ يـُـبآآآ وإذآ منقبه اهم شئ الدكتور شآطر وإنتئ مٌو مسويه شئ غلط عااديّ الحيآه حلوؤؤوه خخخخخخ

الزرآعه بـ عيادة بيان للأسـنآن الدكتور يوسف معرفي و الدكتوره حنين بوخضور روووعه

بسس الزرآعه غاليه ترئ

 

[( Pink Rose )]

اذا تبين دكاترة التقويم هنادوة

روحي مستشفى الاميري , العصر
كلهم هنود
وانا دكتوري هندي

 

[للجياكر عنوان]

هههههههههههههه حياتي والله ماقصرتو فديتكم ..

مشكورين عالافاااااده يالغوالي ( ورده و قلب )

 

[Ṧђę5άţ 7ɭάά]

عندج عيآادة السور عند الدكتور انديفر (هندي على طلبج)​

 

[BaRoOoRii]

حبيبتي المستشفيات الحكومه فيها هندي
الاميري و العدان
و تقدرين انتي تختارين عند اي دكتور تبين
و في دكاتره حريم

بس انا اشوف جدا عادي اذا دكتور كويتي مافيها شي هذا دكتور
و انتي براحتج