تقوييييييييييم

[abla_momaiza]

بنات ابي نصيحتكم بنتي عمرها 13 سنه اسنانها متخربطه كلش ضرس فوق ضرس والسبب انها كانت تمص صبعها وهي صغيره والفك بعد بارز ودي اسويلها تقويم بس موعارفه عند اي دكتور ابي تجاربكم ونصائحكم مع الشكر

 

[دكتوراة بالذوق]

مشاركة: تقوييييييييييم

توهااا صغيرة في اسنان راح تطلع بعد لهاا

صبري سنتين وفكري بالموضووع ..

وماعليج من هالدكاترة يدروون الفلوس

 

[.:. عبرة مُوادع .:.]

مشاركة: تقوييييييييييم

انا انصحج بعيادة الميدان ..

انا توني حاطته صارلي شهررر

 

[كويتية أمورة]

مشاركة: تقوييييييييييم

عيادة الحكمة اللي ببلازا حولي عند الدكتور الهندي رووووعه انا شايفه شغلهم وخلال سنه يخلص التقويم مو نفس الباجي ينقعونج جم سنه
ماشاء الله دكتورهم وايد شاطر هذا رقمهم 2641445


بنات سمعتوا عن الدكتور خالد الخياط مال تقويم بعد كان بالميدان وطلع مادري وين راح ياليت اللي تعرفه تقولي وين مانه الحين بليز

 

[.]

مشاركة: تقوييييييييييم

السلام عليكم....

امووره...

شلونهااا الاسعار عند عياده الحكمه.......؟

 

[أمواج البحر]

مشاركة: تقوييييييييييم

حبيبتي ترى بنتج توها صغيرة على التقويم

لازم تنطرين على الاقل لما تكمل 15 سنه لانه احتمال يقولون لج في عندها اسنان لبنية لي الحين

حماتي عمرها 18 سنه يوم راحت لدكتور الاسنان عشان التثويم قالها في عندج ضروس لبنية

فالأفضل انج تنطرين عليها شوي

 

[محظوظه]

مشاركة: تقوييييييييييم

هلا والله انا حاطه تقويم صارلي تقريبا سنه واسناني وايد تغيروا وانا انصحج تنطرين شويه على البنت لين عمرها 15 او 16 وانا اقول لج احسن شي الحكومه مسكي دور على ما بنتج يصير عمرها 15 او 16 تدرين بعد مواعيدهم التقويم بس والله ارخص بوايد وتفضلي الرابطه ان شاء الله تفيدج

http://www.q8yat.net/showthread.php?p=446462#post446462

 

[كويتية أمورة]

مشاركة: تقوييييييييييم

اسعار الحكمة اول دفعه تدفعينها 400 دينار وبعدين كل شهر 50 دينار لين تخلص السنه مالت التقويم الا انتي مخلصة اخر دفعه
واذا ساحلتي الدكتور يخلي اول دفعه 200 مو 400 انتي وشطارتج
انا ليش بنت خالي واخوها واخت مرت اخوها وناس يعرفونهم وايد مسوين عنده يخصملهم
مرت خالي قالتلي لابغيتي تروحين انا اوديج عشان يعرف انج من طرفنا يخصملج
انتي سوي كل شي بالحكومة العلاج وكل شي حتى اذا بتشلعين الضروس حق التقويم خلي الدكتور يحددلج اي ضروس يبي يشلعها وروحي الحكومة شلعيهم ببلاش وردي عليه
هو حليو هالدكتور يعني يساعدج كثر مايقدر

الحكومة مشكلتهم لانه مواعيدهم بعيدة فالضروس ماتتحرك بسرعه يعني هم لما يشدون التقويم تتحرك الضروس لين توصل لاخر مدى على حسب شكثر شدوها وعقبها لازم يشدونها عشان ترجع تتحرك
بالخاص يشدونهم اول بأول فبسرعه يخلص التقويم بس الحكومة مواعيدهم بعيدة عشان جذي يطول تقويمهم
انا عندي الخاص احسن ونظام الدفع مريح وصراحة النتيجة تستاهل
اللي سووا عنده هالدكتور حتى حنجهم وحلوجهم تغيرت شي ثاني ماشاء الله

 

[.]

مشاركة: تقوييييييييييم

هلا اموره......

جزاج الله خير.....

اذا بتروحين مرني مدام في خصم اتغشمر.....

 

[كويتية أمورة]

مشاركة: تقوييييييييييم

افا عليج من عيوني ننتواعد هناك شرايج؟ من صجي رونو مو غشمره

 

[b6o6a]

مشاركة: تقوييييييييييم

الحكمة