تكاليف تايلند

[qa6wa_q8]

:tek:مرحباا بناات بقييت اعرف تكاليف السفر الي تايلند لشخصين 20 يوم وشنو احسن شهر للسفر
والفنادق الحلوه واسعارهم بلييله والسياحه الداخليه
وانشاله لااتفشلوني وتردون علي لانهاا اول سفره بحياتي

 

[بطة رشيقة]

وانا بعد ابى اعرف

 

[fat]

تايلاند موغالية وايد تقريبا مثل الكويت بس على حسب اذا بتوحين السوق ش ثاني عندهم مجمع mbcهذا رخيص وتقريبا 6أدوار

والدور الاخير كل شي بدينار ونص وعندهم القطن الممتاز ماطول عليج التاكسي وعلى حسب الرحلة وبعدها يمكن تكون غالية

تقريبا الفين كافي ورحلة موفقة تعرفين الحلات أي شي تبينة أنا حاضر

 

[وردة نقية]

انا كلفتني 2000 بدون تذاكر.
احلى سوق وعجبني سوق الماركات.

الباتيينوم.زين.سوقو.باك بونج.خل اتذكر واقولج.

 

[rawona]

رد

هاااي ..

احلى الاشهر في تايلند اهي من شهر 11 الى شهر او بالاحرى الى 1/2 شهر 4 .. بس في هالفتره الفنادق وايد اغلى اهناك من فترة الصيف ..

انا رحت شهر 11 اللي قبل اللي فات بوكيت + بانكوك كلفتني السفره انا وزوجي تقريبا 1200 دينار تذاكر وسكن في بوكيت خذينا ديلوكس روم في فندق Le Meredien phuket yacht club

وديلوكس روم في بانكوك في فندق Sheraton Grand مع الافطار طبعا والمده كانت 12 يوم في بوكيت و 3 ايام في بانكوك ..


مصرفنا من اكل وشرب ورحلات تقريبا كان 700 دينار وانا مشترواتي ميزانيتها بروح _03BA:


الاسواق اللي اعجبتني وايد اهناك وحسيتها راقيه

Siam Discovery - Siam Paragon - Emporium - Siam Central

اما الباجي مثل Tokyo - MBK- Robinson هذيل ايبيعون اشياء ارخيصه و تقليد ماركات ..

وموفقه انشالله :tek:​

 

[qa6wa_q8]

مشكوووووووووره يا الغااليه

 

[MyLittleBerry]

انا كلفتني 2500 الفين ونص

التذاكر والفندق

قعدت 10 ايام في بوكيت
5 ايام في بانكوك

على التايلانديه

وشريت عدل ماخليت شي ماشريته

وعيالي معاي وريلي طبعا عيالي صغار

3 سنين وسنه ونص

 

[فوفو التخينة]

قعدنا فيها 20 يوم تقريبا طيري منهم يومين يوم السفرة ويوم الردة
5 ليالي بشنغماي
5 بوكيت
والباقي في بانكوك حق السوق
أنا وعيالي الله يخليهم 8 سنوات - 5 سنوات وزوجي
وكانت السفرة بشهر 8/2006
تذاكر - فنادق - رحلات داخلية طيران - رحلات سياحية وناسة ومصرفنا وأكلنا وشربنا مع الهدايا - تكاسي
لا وصار فيني بعد بشنغماي تسمم من الربيان وعلاج المستشفي كلفني 1000 بات يعني سبع دنانير بس
وما خليت شي بخاطري إلا شريته
تصدقين بس 2300 دينار

وان شاء الله رايحة هالصيف بس بنزور جزر ثانية بالإضافة إلى بوكيت اللي تعتبر أهم شي بتايلند وأحلى جزيرة

 

[ArEEj]

يا حليلكم بعد عطونا معلومات اكثر

 

[غلا فهد]

واللة انا كلفتني 1500 مدة اسبوع مع التذاكر والسكن والاكل والهدايا ومخليت شي ماشريتة رحت بجنطة رديت بخمس خخخخخخخ