بسم الله الرحمن الرحيم..
السلام عليكم ورحمة الله وبركاته
شحالكم .؟
انا عضوه يديده معاكم بس متابعتكم من اكثر من سنة كنت اقرأ فمنتداكم..
فحبيت تنصحوني وتشاركوني مشكلتي اللي قلبي بينفجر منها..
وآسفه اذا بطول عليكم ..
مشكلتي هي من يوم كنت وانا عمري 18 سنة وانا انخطب الى الحين صار عمري 27 سنة وللحين ما تزوجت..
اعرف كل شي بيدين الله سبحانه ونعم بالله..
بس انا شاكه ان فيني شي حاسه يا تكون عين او احد مسوي لي شي لكن ادعي ربي ان ما يكون ضني في محله ..
لان اكثر من 8 اشخاص خطبوني وكل ما افرح ينتهي كل شي ..
اخر خطبه كانت من اسبوع وامس انتهى كل شي الكل زعل عشاني وانا من الصدمه ما حسيت بشي الا لما اختي قالت انها تضايقت وما توقعت ينتهي كل شي بعدها نزلت دموعي بدون ما احس
سالفة الخطبه يات من ربيعتي كلمتني عن شخص يريد يتقدم لي ومن كلامها انه شاريني ومستعد يسوي اي شي قلت لها انا ما اقدر اقول شي لازم يكلمون ابوي واخواني (مع العلم انا اخر بنت من امي ومحد معاي الكل متزوج يعني 24 ساعة فغرفتي يالسه بروحي يمر علي يوم كامل ما اتكلم غير فالبي بي)المهم قلت لربيعتي ان الشور عند ابوي واخواني وهي ردت على اهل المعرس قالت لهم البنت تقول الشور عند ابوها وخذوا اسم ابوي ورقمه وقبلها اختي كلمت اخوي وابوي عشان يكون عندهم خبر قبل لا يدقون على ابوي المهم ابوي قال عادي خلهم ايون واذا في نصيب كل واحد بياخذ نصيبه ..المهم انا قلت للبنت قلت لها ان ابوي يقول كل واحد بياخذ نصيبه .. امس ابو الولد دق على ابوي المغرب وانا كنت موجوده لان ابوي كان فغرفتي ..ابو الولد قال لابوي انه اسمه فلان بن فلان وناوين القرب منكم وان شاء الله بنزوركم باجر العصر ابوي قال لهم حياكم الله ونترياكم وقال لهم ابوي سمحولي الشبكة ضعيفه معاي ..المهم بعد ما سكر الخط بنص ساعه ربيعتي ارسلت لي قالت اريد رقم اخوج عشان يوصف لهم عنوان البيت باجر وعطيتها نزلت المطبخ اشوف شو ناقص عشان التجهيزات حق الضيافه بعدها رجعت غرفتي وشفت فوني لقيت ربيعتي كاتبه لي ابو الولد يقول اسمحوله ما شي نصيب وبدون سبب قالت ربيعتي (ابوه سخيف ما تكلم من قبل ) يعني كسر لي قلبي بدون سبب واحرجني مع ابوي واخواني وخواتي والمشكله نحن ما قدرنا نقول لابوي فليل وابوي قام من الصبح وراح السوق يشتري اغراض للقهوة ومر على اختي قال لها الناس بيون العصر قالت له اختي خلاص غيروا رايهم ما بيون قال ابوي اذا يبون ايون حياهم الله وعلى راحتهم ..
وانا من امس وقلبي يعورني ليش يصير لي جي اعرف كل واحد ما ياخذ الا نصيبه بس اكيد في اسباب انرفض بدون سبب مع ان كل من يشوفني يمدحني وراي وجدامي والكل يقول عني حلوه اللي اعرفه واللي ما اعرفه حتى الدكتورات فالمستشفى يقولن ماشاء الله عليج حلوه ويوم اروح الكوافيره نفس الشي ولا مره دخلت صالون والا عند كوافيره ما قالت لي اني حلوه ..
وانا اقول شو فايدة الحلى وانا كل مره انكسر ..
ما اقول غير الحمد لله
ابيكم تدعون لي من قلوبكم ربي يريحني ويرزقني الزوج الصالح لاني تعبت من الوحده احس شي بيصير لي من تخرجت من الجامعه وانا يالسه فغرفتي ما عندي احد ايلس معاه محد يتذكرني الا وقت المصلحه .. ابي دعواتكم ونصايحكم..
والسموحه طولت عليكم
السلام عليكم ورحمة الله وبركاته
شحالكم .؟
انا عضوه يديده معاكم بس متابعتكم من اكثر من سنة كنت اقرأ فمنتداكم..
فحبيت تنصحوني وتشاركوني مشكلتي اللي قلبي بينفجر منها..
وآسفه اذا بطول عليكم ..
مشكلتي هي من يوم كنت وانا عمري 18 سنة وانا انخطب الى الحين صار عمري 27 سنة وللحين ما تزوجت..
اعرف كل شي بيدين الله سبحانه ونعم بالله..
بس انا شاكه ان فيني شي حاسه يا تكون عين او احد مسوي لي شي لكن ادعي ربي ان ما يكون ضني في محله ..
لان اكثر من 8 اشخاص خطبوني وكل ما افرح ينتهي كل شي ..
اخر خطبه كانت من اسبوع وامس انتهى كل شي الكل زعل عشاني وانا من الصدمه ما حسيت بشي الا لما اختي قالت انها تضايقت وما توقعت ينتهي كل شي بعدها نزلت دموعي بدون ما احس
سالفة الخطبه يات من ربيعتي كلمتني عن شخص يريد يتقدم لي ومن كلامها انه شاريني ومستعد يسوي اي شي قلت لها انا ما اقدر اقول شي لازم يكلمون ابوي واخواني (مع العلم انا اخر بنت من امي ومحد معاي الكل متزوج يعني 24 ساعة فغرفتي يالسه بروحي يمر علي يوم كامل ما اتكلم غير فالبي بي)المهم قلت لربيعتي ان الشور عند ابوي واخواني وهي ردت على اهل المعرس قالت لهم البنت تقول الشور عند ابوها وخذوا اسم ابوي ورقمه وقبلها اختي كلمت اخوي وابوي عشان يكون عندهم خبر قبل لا يدقون على ابوي المهم ابوي قال عادي خلهم ايون واذا في نصيب كل واحد بياخذ نصيبه ..المهم انا قلت للبنت قلت لها ان ابوي يقول كل واحد بياخذ نصيبه .. امس ابو الولد دق على ابوي المغرب وانا كنت موجوده لان ابوي كان فغرفتي ..ابو الولد قال لابوي انه اسمه فلان بن فلان وناوين القرب منكم وان شاء الله بنزوركم باجر العصر ابوي قال لهم حياكم الله ونترياكم وقال لهم ابوي سمحولي الشبكة ضعيفه معاي ..المهم بعد ما سكر الخط بنص ساعه ربيعتي ارسلت لي قالت اريد رقم اخوج عشان يوصف لهم عنوان البيت باجر وعطيتها نزلت المطبخ اشوف شو ناقص عشان التجهيزات حق الضيافه بعدها رجعت غرفتي وشفت فوني لقيت ربيعتي كاتبه لي ابو الولد يقول اسمحوله ما شي نصيب وبدون سبب قالت ربيعتي (ابوه سخيف ما تكلم من قبل ) يعني كسر لي قلبي بدون سبب واحرجني مع ابوي واخواني وخواتي والمشكله نحن ما قدرنا نقول لابوي فليل وابوي قام من الصبح وراح السوق يشتري اغراض للقهوة ومر على اختي قال لها الناس بيون العصر قالت له اختي خلاص غيروا رايهم ما بيون قال ابوي اذا يبون ايون حياهم الله وعلى راحتهم ..
وانا من امس وقلبي يعورني ليش يصير لي جي اعرف كل واحد ما ياخذ الا نصيبه بس اكيد في اسباب انرفض بدون سبب مع ان كل من يشوفني يمدحني وراي وجدامي والكل يقول عني حلوه اللي اعرفه واللي ما اعرفه حتى الدكتورات فالمستشفى يقولن ماشاء الله عليج حلوه ويوم اروح الكوافيره نفس الشي ولا مره دخلت صالون والا عند كوافيره ما قالت لي اني حلوه ..
وانا اقول شو فايدة الحلى وانا كل مره انكسر ..
ما اقول غير الحمد لله
ابيكم تدعون لي من قلوبكم ربي يريحني ويرزقني الزوج الصالح لاني تعبت من الوحده احس شي بيصير لي من تخرجت من الجامعه وانا يالسه فغرفتي ما عندي احد ايلس معاه محد يتذكرني الا وقت المصلحه .. ابي دعواتكم ونصايحكم..
والسموحه طولت عليكم
