تكفون أبي رياضة مجربة لشد الجسم

[Om eLkakawiya]

السلام عليكم

خواتي ممكن تساعدوني ..

انا والده صارلي 3 شهور .. ووزني قاعد ينزل ويرد لوزني القبلي.. بس المشكله احس جسمي بيترهل وابي رياضة عشان اشده ..

تكفون تعبت وانا ادور ابي يا سي دي او كتاب عن الرياضه تشد الجسم كله بس ابي شي مجرب ..

هلب مي بليز .

 

[^^ROSE^^]

حبيبتي انا عندي خبرة باشرطة الرياضة ودايما اطلب من امازون
شوفي هالموضوع
http://www.q8yat.net/showthread.php?t=99317

كتبت فيه كل شي بالتفصيل واي سؤال انا حاضرة

 

[Om eLkakawiya]

مشكووره حبيبتي Rose
انزين التمارين صعبه يعني .. لانه انا مو وايد متينه يعني ابي تمارين استمر عليها بعدين مو حق رجيم بس لياقه ..
لانه وزني كان الله يسلمج 58 والحين 54 .. يعني مابيه ينزل جذيه بسرعه وانا بعد ارضع طبيعي فخرب علي البرنامج اللي حاطته اني ادش نادي بعد 6 شهور من الولاده .. بس كرشتي بدت تترهل

بليز خيتو نصحيني انتي لج خبره بسوالف الرياضه .. شرايج اي رياضه تصلح لي ؟

 

[noty]

هلا قلبي

اذا تبين شي يشد يشد الجسم كله << السبااااااااحه و بس

و الجري يعني تركضين على الجهاز او الممشي << بس يقطع اقصى القلب ما اقدر اركض حتى 5 دقايق


و اذا تبين شد البطن وو المعده >> طبعا تمارين المعده المعروفه

 

[ام الفهد712]

السبااااحه احسن شي وعن تجربه يشد الجسم رووووووووووووووووووووووعه

 

[& شهد &]

انا صار لي فترة مجربه السباحه بس وجسمي شد بفضل الله تعالى

 

[bombo]

طبعا السبااااااحه تشد الجسم و ترسمه وصج ماراح اتضعفج
معلومه قالتلي عنها جم مدربه السباخه ماتحرق الدهون وايد بس تشد و ترسم الجسم اكثر من اي رياضه ثانيه

 

[cute-q8cat]

السباحه اهي الرياضه الوحيده اللي تشد الجسم

 

[^^ROSE^^]

هلا حبيبتي

بالنسبة للرياضة اللي تشد الجسم مثل ماقالولج البنات السباحة وايد زينه
بس اذا مالج خلق تطلعين بره البيتتقدرين تمشين انا حاطة رابط شريط للمشي داخل البيت روووعه حق المدربة ليسلي سانسون تمشين 3 اميال بساعه الا ربع تقريبا والتمرين سهل وحلو وبسرعه يبين عليج الفرق
وفي شريط لتمارين المعدة بس انصحج كملي 6 شهور تالي ابدي بالمعهدة الحين خلج على المشي والسباحة

 

[Om eLkakawiya]

ايي انا قالولي عن السباحه ..

بس الصراحه لما اشوف السباحات اللي بالتلفزيون انصدم وايد طالعتلهم عضلات .. ولا انا غلطانه !..

Rose مشكوره وباخذ بنصيحتج لاني ما اقدر اطلع بهالفترة .. يعني المدربه ليسلي سانسون رياضتها زينه .. خلاص بطلبها من موقع امازون ..

مشكوووورين واااااااايد