## تكفون ابي الرد بسررعه عندي استفسار##

[كاتو_كويتيه]

السلام عليكم ..

بناات عندي استفسـار

بليز الي تدش ترد ولو ماتعرف الجواب عالاقل ترفعلي الموضوع ... وجزاكم الله خيير ...


بنات انا تااخرت علي الدوره ثلاث ايام والعاده" دورتي متخربطه"

اول يوم نزل شوي دم لونه وردي ...

وثاني يوم حزت العصر نزل مني دم وانتو بكرامه وبعدها وقف الدم وتوه الحين شفت لونه بني

ماني عارفه دوره ولا شنو بالضبط ؟؟

للعلم انا متزووجه ..

 

[فراشة مغرورة]

حبيبتي يمكن حمل
روحي الطبيب و حللي وانشاء الله خير

 

[ضي الامل]

حبيبتي روحي المستشفي سوي تحليل حمل انت يمكن حامل روحي علشان اذا كنت حامل يعطونج ادويه مثبت حق الحمل وفيتامينات

 

[تمر حنا]

ماحبيت اطلع بدون رد بس ان شاء الله نكونين حامل واقطعي الشك باليقين سوي تحليل وفكي عمرج

 

[.>حــــــــ(و)ـــراء<.]

ماحبيت اطلع بدون رد بس ان شاء الله نكونين حامل واقطعي الشك باليقين سوي تحليل وفكي عمرج

رأيي من راي ضحى روحي حللي

 

[زنوبة الحلوة]

والله مادري حبيبتي على ما اعتقد دورة

واذا تبين تتطمنين روحي سويي تحليل حمل

 

[فيلجاويه_عسل]

حبيبتي سوي تحليل يمكن حامل وهذا الدم الي ينزل يكون فائض

يعني يكون خارج الرحم إذا أنتي حامل ،،، الله يسلمج أنا لي بداية الشهر الرابع وينزل عليي دم

بس ما سويت سونار داخلي ودكتورتي ليلى أشكناني سوتلي سونار وقالتلي إن دم خارج الرحم يعني الوضع طبيعي%

فلا تحاتين عادي

 

[كاتو_كويتيه]

مادري والله يابناااات..انا نزلي دم وقطع من الدم اعتقد انهاا لدوره لاني مااسويت تحليل قلت اكيد الدوره!!!!
في تحليل اقدر اسويه بالبيت يثبتلي هالشي؟؟ لان الحين مقدر اروح الصيدليه وماعندي صبر!!!!
في طريقه عن الكلوركس موعارفه شلوون؟؟؟
عفييييه سااعدوني؟؟؟

 

[صديقه]

والله مااعرف بالبيت غير تحليل البول وانتي بكرامة وياااااااااارب حامل وتبشرينا

 

[محاميه الغد]

حبيبتي في احتمال تكونين حامل
انا بنت خالتي صارلها نفسج و عبالها الدوره بس طلعت حامل و كان هذا اجهاض منذر و عطوها مثبتات بس اهيا دورتها منتظمه
حللي بول او دم و يا رب حامل
و اذا مو حمل لا سمح الله يمكن في لخبطه بالهرمونات و هذي شغله بسيطه
الله يرزقج انتي و كل وحده محرومه ياااااااااااااااااااااااااارب

 

[كاتو_كويتيه]

تسلمووون ياابنااات على ردودكم...
رحت الطبيب وطلعت لدوره بس موراضيه تنزل يعني تنزل بطييييئه....
اللله كرييييم...

 

[$غــ(ز)ــل$]

الله يعوضج ان شاءالله الشهر الجاي
ولاتتضاايقين وقولي الحمدلله ياارب

وان شااءالله ماتمر السنه الجايه الا وانتي حامل يارب يااكريم

 

[غنوة ستايل]

طريقه الكلورس خرابيط مره قاعده العب خليت ريلي يسويها طلع حامل
نصب في نصب ما عليج من الطريقه
افضل شي اما انج تنطرين او انج تحلليين و التحليل حق الصيدليه ما ينفع لازم تحليل الدم احسن
وان شاء الله حامل