تكفون ابي تساعدوني !!!!!

[أم فهووود]

عندي امي كبيره بالسن نادر ماتسولف وتبدي رايها وفي جمعاتنا كذلك انا عندها فالبيت لكن صمتها حيرنا ولو حاولت اكلمها

واسالها تقول مافي شي كلنا مومقصرين بس مابي يتحول اللي فيها الى حالة اكتئاب حتى الضحكه نادر ماتضحك يارب تدعون لها

وتفيدوني:0bee2e8d89:

 

[اموله111]

هذا طبعها ولا كيف؟؟؟؟
انتو حاولوا تسولفون لها وتاخذون وتعطون معها
يمكن تعبانه وانتو منتو دارين عنها
الله يخليه لكم ويطول بعمرها

 

[alb7ranya17]

بمكن صار معاها شي لا سمح الله حاولو تطلعونها تغير جو حتى لو بالحوش الشمس ساعات تخلي الواحد يتغير ضحكوها هذي ام حلوة اللبن ديرو بالكم عليها

 

[اميرة-الاحجار]

يمكن تحس بالوحده ..
او فاقده شي بحياتهاا غالي عليهااا ..

 

[miss abrar]

هاذا طبعها من الاول او هالحاله حاشتها بالهفتره؟؟؟؟

 

[ام هنوفه]

هاذا طبعها من الاول او هالحاله حاشتها بالهفتره؟؟؟؟

شوفي اختي ترا الحريم الكبار اذاضايقةصدورهم من شي مايفضفضون بسره فحاولي انك تاخذين معها وتعطين لين تفهميم وشو الشي الي مضايقها والله يخليهالكم

 

[ام حديجان]

اكيد في شي مضايقها ومكدر خاطرها

انتي قابليها وسولفي معاها يمكن تفضفض لج

والله يخليها لج ان شاء الله

 

[pride&prejudice]

هذا طبعها ولا توها صايرة جذي ؟؟

إذا كانهذا طبعها فلازم ما تضغطون عليها ، لكن اذا كانت غير جذي قعدو معاها والحريم الكبار ما يحبون يطلعون إلي بقلبهم حق بناتهم دايما تقول الي فيكم مكفيكم فما تحب أحد يشيل همها معاها ، حاولي تطلعينها تودينها أماكن اهيا تحبها ودوها العمرة والله ان رفيجتي ودت أمها العمرة وايد استانست ، وإنشاله مافي إلا العافية

 

[كريستال ليدي]

اذا هذا مو طبعها من قبل يمكن في شي مضايقها حاولوا تتكلمون معاها و تتقربون منها

 

[بنت شيخ]

اذا هذا مو طبعها

اجل اكيد في شي متضايقها

وبعدين اللي اعرفه ان العجايز يحبون الجمعات والسوالف والضحك

طلعي امج او ونسيها واقعدي معاها وسولفي معاها

 

[إمارتية عسل]

الغاليه شربيها ماي مقراي يريح النفس

وطلعيها من البيت ونسيها حتى لو ماتروم تمشي لوو مشوار صغير بيجدد من نفسيتها

 

[أم فهووود]

يابعد عمري عمركم ماقصرتو بس امي صعبه حيل وانا والله ماقصرت والله كريم

 

[![ حــنين ]!]

/

ياا قلبي عسى ربي يفرج همج و يسّر أموركم ..

حاولي تشغلين سورة البقرة وتقرين عليها أذكار الصباح والمساء ..

ويممكن ..
ترتااح بــ طبعها هذا ترى أغلب ( الحريم الكبار ) جذي



/

 

[عاشقه القيصر]

انشالله مافيها غير العافيه

 

[DALAL.21]

الله يفرج همج وهمها يارب

خلوها تغير جوو تسافر تعمر

 

[• قلبه نصيبي •]

الله يفرج همها

 

[@ دبلوماسيــه @]

يمكن فيه شي مكدر خاطرها وغالبا الحريم الكبار كذا
حتى لو بصحتهم يتعبهم التفكير
،،
اذا لك عمه او خاله او جاره كبيره وقريبه من امك خليها تتكلم معها
،،
والله يطول بعمرها ويخليها لكم

 

[أم فهووود]

الله لايحرمني منكم ودعواتكم والله حسستوني ماني لحالي فالدنيا الله يسر اموركم ويخلي امهاتكم يارب