تكفون ابي حل ولله تعبت

[خلوده]

ياجماعه بنتي عمري 6 سنين بالنهار ازينها تلعب وتقعد بدارها وبس يصير الليل حزة النومه اتخاف او ماتنام بدارها يننتي انومها عندي او اشيلها 10 دقايق او اتيي وكلا خايفه من كل شي اتخاف قبل كانت اتروح اتنام عند امي اللحين ماتبي اتخاف او ماقامت تطلع لامع خالتها ولا عمتها الجمعيه ماتروح اخوها يطلع عادي عمره 2ونص يطلع معنه اهيا قبل كانت تطلع عادي بس فجأه تغيرت قامت اتخاف من كل شي ولله ينيت انا باللزواره ماتفج قاعده يمي ماتتحرك اقولها روحي لعبي اتقول او انتي وين بتروحين اقولها قاعده اتقول هاا لالا ماابي بقعد امبيه ولله قمت اطقهاا ماكو فايده ولله تعبت شسوي تكفون ابي حل كل قاعده اسوي لها كل شي تبي اعطيها ولله العظيم ايدي اتعورني لمه اطقها اتقول قولي لي قصه او انام اقولها اواشوي او اتيي يمه اخاف ابيج اتنامين يمي الخوف ذابحهاااا

 

[ورود خذلتها العاصفه]

شوفي بنتج شنو اللي مخوفها بليل قبل لاتنام حطيها بحضنج وسولفي معاها منو اللي يخوفج وين اللي يخوفج

وحرررا لا طقينها ترا الخوووف غصبن عليها انا لما كنت صغيره كنت اخاف من الدريشه من الضو اللي تحت الباب اكيد في شي مخرع بنتج وروحي معاها كل مكان تاشر عليه انه مخوفها لازم تناقشينها

 

[صفاءء]

وي عمري فديتها ليش تطقنها حياتي

حبيتي هاذي كيد في شي مخوفها وطقج بيزيدها يا عمري

شوفي شنو الي مخوفها كلميها

وبعدين نامي معاها في غرفتها وخليها تغفى بعدين قومي من يمها او تدرين شسوين غيري شي من غرفتها يعني اشتري لها شغلات تحبهم ترى بنت اخوي كانت جذي وبعدين اشتورا هلا غرفة نوم وضلت تنام بروحها يعني غيري لهاا شي

 

[a7la MUM]

مثل ماقالو خواتي اكيد في شي مخوفها انا من رايي اشتريلها شي حلو حبه لغرفتها حببيها بغرفتها خصوصا بالليل مثلا اشتري ابجورة اللي تدور او على هلوكيتي قوليلها هاذي تونسج بالليل وطبعا لاتنسين تحطين مسجله صغيرونه وقرآن وبجذي راح تحس بهدوء بالليل فديتها والله يحفظها لج يارب ويبلغج فيها دكتوووورة وعروووووس:33_1185028183:

 

[ديانا سبنسر]

اسم الله عليها حرام لاتطقينها بنتج اكيد شايفة شي او سامعة شي سمي عليها واقري عليها وحاولي تدودينها شيخ وترقينها الرقية الشرعية وكلميها وحاوريها واكسري هالحاجز وشوفي شنو اللي مخوفها

 

[صاحبة السمو الملكي]

ارقي بنتج وشوفي السبب اللي يخليها فجأة حست بالخوف
لأن أنتي تقولين ما كانت جذية والطق مو حل إلا يزيد المشكله

 

[خلوده]

حبيبايبي كلكم مشكورين على ردودكم او بحاول وياها كل المحاولات انشالله فيه نتيجه

 

[حكستار]

اخذي بنيتج بحضنج وسولفي معاها بهدوء...ومع السوالف سأليها عن اللي مخوفها ...يمكن في موقف او شي معين
واقري عليها المعوذات وارقيها

 

[جلاديلياس]

رايي من راي البنات حرام اتطقينها يقلبي هذي ياااهل سمي عليها واقري عليها المعوذات