تكفون ابي مساعدتكم

[فرح وبس]

شلونكم حبايبي انا اول مره اشارك بس لاني والله محتاجه احد يرد على اسالتي انا خديت كلوميد من ثاني يوم بالدوره لغاية سادس يوم وبيوم 12 من الدوره رحت للكتوره وسوت لي سونار داخلي وقالت عندج بويضتين وحده حجمها 18 ووحده 17 وعطتني ابره تفجيريه وقالت بعد 12 ساعه يصير الجماع وهني المشكله صارت ان زوجي ماصار عنده انتصاب كامل بس نزل المني بس ماصار ايلاج كامل بنات اعدروني لاني اكتب هالاشياء بس عشان تجاوبوني على سؤالي هل ممكن يصير حمل بهالحاله وادا صار ممكن يصير حمل بتوم

 

[منو انت]

ان شاءالله البنات يردون عليج بس عليج بالاستغفار وادفعي صدقه وان شاءالله ربي يكتب لج الحمل وتفرحين بعيالج باقرب وقت

 

[فرح وبس]

مشكوره حبيبتي ماتقصرين

 

[انثى الكويت]

والله ماعرف حق سوالف ابر التفجير والكلوميد
بس انتي حسيتي انه السائل دخل فيج ؟ اذا اي عسى ربي يكتب لج الحمل يارب وتفرحيني بالخبر

 

[فرح وبس]

الله يسمع منج ياقلبي اهو دخل بس موكله انا بتكلم باللغه العربيه عن الفشله يعني القضيب قبل لايدخل المهبل قل انتصابه ونزل السائل المنوي بس زوجي دخل القضيب بسرعه وكمل النزول داخل مع عدم انتصاب القضيب

 

[فرح وبس]

حبايبي اسمحولي اني اتكلم بموضوع محرج بس شسوي افتر راسي من التفكير

 

[ام ساره 4]

اختي ممكن توضحين شوي عادي وكلنا خواتج اخدي راحتج

 

[فرح وبس]

شوفي حبيبتي يعني لازم يصير الجماع وقتها بساعه معينه يمكن هالشي سبب توتر لريلي انه لما بغى ينام معاي انتصب عنده بس قل انتصابه قبل لايدخله وطلع المني بسرعه يعني كان وقتها بره بس ريلي بسرعه دخله وكمل القدف داخل بس مو بدون انتصاب القضيب يعني يمكن المني وصل بدايه فتحة المهبل وانا اسفه على اللي قاعده اكتبه بس لاني متبعه حميه للاكل من 4 شهور وماخده كلوميد وابره تفجير ماودي تعبي يروح خساره

 

[تبطي عظم!]

ياحياتي ماعرف حق هالشيء بس ربي يرزقج اكثر من الي تمنينه يارب

 

[Cute mama]

ممكن يصير حمل باذن الله بس اهم شي انج ماقمتي بسرعه وغسلتي تميتي منسدحه
واذا ماحملتي لاتتظايقين خيره من ربج ان شالله ومتى ماربج كاتب انج تحملين بتحملين
واذا توج متزوجه ماصارلج سنه هذا شي يصير مع اغلب البنات انهم مايحملون قبل السنه على مايتعود جسمج عالوضع اليديد
والله يرزقج بالذريه الصالحه ان شالله
​

 

[ابتسمامه]

الله يرزقج بالذريه الصالحه