تكفون اللي عندهاالحل....تنقذني,,,,,

[مارياا]

السلام عليكم ورحمة الله وبركاته...

اول شي ادعي الله عزوجل انه يرزقنا عاجلاغيراجل ويفرح قلب كل محرومه ويقرعينها بالضنى الصالح...تكفون يابنات طالبتكم ..إذاأي وحده تعرف أحدبوحدة طفل الانبوب بالصباح يقبل أوراقي من غيرتحويل..والله العظيم صارلي سنتين أحاول مع مستشفى منطقتنابس عشان يعطيني تحويل موراضيين جنهم راح يخسرون شي من مخباهم.وكله نفسيتهم زفت موحاسيين بغيرهم..راح عمري وأنا أترجاهم ولاتقولولي ليش ماتروحين خاص ظروفي الماديه صعبه والله المستعان بس ابي مساعدتكم عشان أراجع هنااك حتى لو يطولون أمري لله أهم شي أكون عندهم وعلى بينه..وأدري هذارزق من رب العباد بس الوحده مننا تسعى وربهايعينها سبحانه..طالبتكم لاتخلوني واللي تردعلي أسأل الله العظيم رب العرش العظيم إنه يرزقها ويقر عينها ويبل جبدها بالذريه الصالحه عاجلا غير آجل.........ناطرتكم

 

[الزيـــــ^^ـــــن]

حبيبتي ليش مايقبلون اوراقج جيبي تحويل من مستوصفكم

وروحي ودي اوراقج عندهم ونطري لما يعطونج موعد ودشي عالدكتوور

وقوليله حالتج..انتي اي منطقه بصراحه اول مره اسمع جذي

والله يرزقج يارب*

 

[دمعة^حزن]

والله حبيبتي ما اعرف بس دشيت وحبيت ادعيلج يارب ييسر امورج ويرزقج ويرزق كل محرومه بذريه الصالحه المتعافيه وماتدرين كل تاخيرها فيها خيره وكل شي مكتوب عند ربج قل لن يصيبنا الى ماكتبه الله لنا

 

[مارياا]

يااختي يالزين المشكله موبالصباح المشكله بطبيبنااللي موراضي يعطيني تحويل وكله يقول ماعندناتحويل والصباح ماراح يقبلونج. مادري شقصته عشان جذي ابي اروح للصباح ع طول من غيرتحويل واختي دمعة حزن. الله يجزاج الجنه ويعطيج ويرضيج ع مرورج بموضوعي واللي تقدرتفيدني ناطرتهاوالله يجزاكم الجنه.

 

[الريشة]

ليش ما تغيرين الدكتور اللي بالمستوصف و روحي حق دكتور ثاني
ادعي ربك بعد الصلاة و صلي صلاة الحاجة و اقري سورة البقرة و دفعي صدقات
و كل تأخيرة فيها خيرة

 

[مارياا]

الله كريم يااختي ياالريشه. مالناغيره سبحانه نظل بحاجته. ودكتور موواحدمثل مانتي عارفه يتغيرون تسلميلي ياقلبي على النصيحه.والله يرزقناالجميع. ويفرح قلوبنا يارب العالمين. بس اهي اسباب وناخذفيهاوالله يعوضناياكريم*

 

[سـما]

اذا وصلتي وحدة طفل الانبوب , بيكون عليج درب طويل
لان انا لما وصلتهم اخذوا رقمي واسمي وقالوا ندق عليج عشان نفتح لج ملف

وقعد تقريبا 7 شهور بس انتظر فتح ملف !!!؟
مع ان الاولوية كانت لي وقتها كان لي عشر سنوات متزوجة وما حملت
وكنت مسوية عمليات اطفال انابيب بمستشفيات خاصة وماتمت.

جبت واسطة عضو الله يجزاه خير
وفتحوا لي ملف وحطوا لي موعد


اخترت مراجعاتي عند الدكتورة رائدة الفضلي ..
من ثاني مراجعة لي عندها قالت لي : بوقع اوراقكم بتقرير وودوه لمكتب للعلاج بالخارج
واذا تبون اروح وياكم للمكتب حاضره
الله يجزاها خير ويرزقها وين ما تكون

بس طبعا لجنة العلاج بالخارج .. مأساة , اول مره رحنا لهم رفضونا !
و اما ثاني مره جبنا واسطتنا العضو نفسه الله يرضى عليه
ووقعلوا لنا علاج بالخارج

قلت قصة حياتي

القصد .. ان وزارة الصحة .. يبي لها واسطة حتى بفتح ملف واخذ موعد لمقابلة الدكتور !



الله يرزقج ويرزق كل محرومة الذرية الصالحة من حيث لا تحتسب

 

[مارياا]

اختي سما. ماقصرتي وأسأل الله العظيم رب العرش العظيم إنه يرزقناجميعاً. من غيرعذاب ولاتعب ومراجعات الاطباء. هوالقادرسبحانه.

 

[cute_batoota]

حبيبتي جيكي عالخاص وردي علي أنا ناطرتج وان شاء الله اقدر افيدج

 

[مارياا]

ياقلبي ماقصرتي. حاولت اطرشلج ع الخاص بس يقولون مشاركاتك قليله. مافيه مجال اردلج عالخاص مادري جم مشاركه عشان يصيراطرشلج. عمومايسلم راسج ياغلاي. شوفيلي اي طريقه اتواصل فيهامعاج. فديتج والله يجزاج الجنه

 

[لاجل عينه]

ياعمري والله ماعندي فكره بس ماحبيت اطلع بدون مادعيلج
الله يرزقج من غير لعوزه وتفرحينا ان شاءالله

 

[cute_batoota]

حبيبتي دزيتلج عالخاص وانا بانتظارج

 

[مارياا]

الغاليه مالقيت ع الخاص الاالرساله اللي قريتها الاولى. مافيه غيروحده. ياحبيبتي مشكوره عالتواصل. وربي يسهل امرج ويشيل عنج كل هم

 

[cute_batoota]

حبيبتي رديت دزيتلج عالخاص ألطريقه الي نتواصل فيها وانا ترة سألتلج الوحدة طبعا مااايصير ابطلون ملف من غير تحويل بس عطوني حل ممكنةايفيدج انجةتيين اتبطلين ملف بالولادة نفسه والدكتور نفسه يحولج على الوحدة او يعطيج ادويه ومنشطات اول ويشوف بهذي أنا ممكن اساعدج واذا بغيتي جيكي عالخاص عشان نتواصل وافهم منج وافهج شنو نقدر نسوي وسامحيني على القصور والله بسهلها ان شاء الله *

 

[مارياا]

بعدقلبي ماقصرتي وقريت الرساله. وهم حاولت ادزلج ع الخاص. ماقدرت لقلة المشاركات. عموماعساج عالقوه وانشالله بتواصل معاج نطريني

 

[Toggi]

حبيبتي كل شي بل الواسطه يمشي اسئليني اعرف ناس واجد بل الواسطه مشوا شوفي لج واسطه وخلصي امورج

​

 

[عسل حدي]

رب لا تذرني فردا وانت خير الوارثين