تكفون انصحوها

[من عرب نجد]

مسا الخير بنات انا بدش ف الموضوع ع طول انا مضايقه من صدقتي اتصلت لي تبكي تقول اليوم الظهر القت ف جوال زوجها رقم وتصلت فيه لقته حرمه ردت عليها تقول مده المكالمه الي بينها وبين زوجها نص ساعه وتهاوشت مع زوجها وهي في حاله يرثى لها تكفون يبنات انصحوحها ابي تقولون رايكم والله من كثر ماني مضايقه معرفت اتكلم ولاحتى ارتب الكلام

 

[شادن33]

ليييش تنبش

 

[من عرب نجد]

كانت شاكه انه يكلم

 

[من عرب نجد]

تفين قولي رايج لاتسالين

 

[من عرب نجد]

ستغفرالله العظيم واتوب اليه

 

[أم ميميتو]

مادري شنو اقول الله يعينها بس اكبر غلط انها تحل المشكله بالصراخ و العصبيه

 

[من عرب نجد]

ان زين شلون تبين له انه غلطان

 

[قسوة الزمن]

خلها تاكد يمكن وحدة متصلة بالغلط

 

[من عرب نجد]

اذا بتسكت بيقول المضوع عادي عندها

 

[من عرب نجد]

مب الغلط يقول انه يعرفها من قبل يتزوج وانمه متصله فيهع غشان يساعدها في مشكله

 

[قسوة الزمن]

اها هي زميلته بالدوام ولا شنو وليش ما خطبها وتزوجها من قبل

 

[كليـ دلعـ]

ثلاث ارباع المواضيع بالمنتدى

كلهم يكتبون رفيجتي صارلها

رفيجتي ومشكلتهاا!!

مادري ليش تتخبون ورا سالفه رفيجتي

ومشكله رفيجتي!!

عادي قولي انا شفيهاا

محديعرفج هنيه!!

والكلام هذي موبس لج لكل البنات اللي كل مشاكلهم رفيجتي

صارلهاا ورفيجتي ومشكلتهاا!!!!

عموووماااا

لاتسكت خ تزعل ولااتكلمه تزعل زعله قويه

وع فكره

واخذيهاا مني كلمه صرييييحه

مااااافيييييييييه رياااااااللل ماااااا

يغاااااااااااااااااااااازل

انسي

انسي

كلهم يغازلون ويكلمون

كلهههههم بلاااستثناااء

يعني من العقل. بالله فيه ريال ماله تجارب!

فيه ريال ماكلم!؟

من صجكم انتوو!!!

بس الفرق بين رفيجتج والباقي ان رفيجتج جكته

اما الباقي نايمين بالعسل!!

بس ترا كلهم يغازلون ولهم تجارب

الحين المراهقين كل شي يسووونه فمابالح الشباب!!

ف انتي لاتحطين فبالج ان لااا مستحيييل

وتنهارين !

لا عادي توقعي انه يكلم ويعرف مااافيه ريال مغمض وع النيه بهالزمن

بس انتي المفروض

تزعلين انه عقب الزواج استمر

هذا اللي ازعلي عليه

امامساله انه خاين وصدمه!

فهذا لاتفكرين فيه لانهم كلهم خوونه

مافيه ريال بيغمض وبيسد اذونه

البنات بكل مكان واشكال والوان وبعضهم اهي اللي تقط عمرهاا

فهذا شي جدااا طبيعي

بس الغلط انه يستمر عقب ماتزوج

زعلي عليه زعله قويه خوفيه خليج حازمه ع شان ماايستسهلها

والله يصلح الحال انشالله

بس لاتحرين عمرج لان ترا ماكوواحديسوا

 

[أم وليد الشمري]

الله يكووون بالعون
حبيبتي ..... وحده من الأثنين
يا أنج تسوين نفسج غبية ولا شفتي ولا سمعتي ولا تدرين
أي بالمعنى الأصح تتغافلين وتنسين الأمررر .... أدري صعبة بس هذا الأسلم
الي مايخاف من الله وموحاط زوجته بعينه الصراخ والنجره ماتنفع معاه
أو أنج تزعلين زعله سنعه مو أي كلام زعله يقول حقي برقبتي وهاذي مستحيله مع ريايل الزمان هذا

بصرااااحه صعبه بس قولي شبيدج مع جيل مايعرف معنى العيب
راح تشبعين منه قهرررر....... إذا استسلمتي تراقبينه فعطيه طاااااف وريحيً عمرج

 

[نفـــائس]

هالشي صار عادي الحين لا تتضايق وترفع ضغطها اغلب الازواج يكلمون وحريمهم يدرون وساكتين

شنسوي بعد ؟؟؟؟؟؟؟

مالج الا الدعاء ربي يصده عن بنات ابليس

 

[shak!shoka]

انا مو باط جبدي الا الي تقول كلهم يكلمون و يغازلون ؟؟

طالعي الي عندج و بس واذا الي عندج واعي خرابيط هذا شي يخصه وماله داعي تعممين خيسته ع الكل

الحمدالله في رياييل يخافون الله بحريمهم و بعيالهم و لو خليت خربت

و رفيجتج خل تزعل لا تعديها ع خير

 

[من عرب نجد]

جزاكم الله خيرابس ابي قولكم ايش صارتوه متصله فيني الحين بعدمانام ز وجها تقول انه حلف لها ان علقته ف اتصل فيها علاقه عاديه وأنها طالبه منه يقعدها أف موضوع بس الي يحير انه شرالها طقم ذهب وجاب لها عشا من المطعم أنا اقول طبعآ ماقلت لها انه يوم شراالهديه انه حاس بذنب ولاشرايكم وتقول انها لمها يراضيها ويقولها وقولي اسفه والله انتي الغلطانه وشرايكم تزعل كم من يوم ولاخلاص.

 

[من عرب نجد]

شفيني معاداعرف الملا (علاقته فيها علاقه عاديه. اسفه الأخطاء هههههه مادري شفيني*

 

[زوجة عزيز]

مو شرط انه زوجها كان يكلمها يجوز والله اعلم يجوز انها زوجة رفيجه وان رفيجه اتصل عليها من تلفونه ترا يصير جذي انا زوجي يتصل لي من تلفون رفيجه ساعات واذا كانت تبي تتاكد جان دزت لها مسج على انها ريلها واتشوفها شنو اتدز عشان تتاكد

 

[بنوته كيوت q8ya]

الله يكووون بالعووون