تكفون ا لمساعدة يا بنات المنتدى

[محبوبة محبوبها]

السلام عليكم
بنات منتدى كويتيات ابي منكم مساعدة تكفوون انا عندي مشكلة واجد كبيرة وهي الصراحة عدة مشاكل اهملت نفسي الثلاث سنين الي راحو وصار عندي حالات نفسية بسبب م شاكل خاصة وترهل وجهي وانا عمري 35 سنة بس صار في خط بجانب الفم وترهل بالاضافة الى اني سمنت كثير والان بديت اعمل ريجيم لكن ظهر عندي السلولايت والترهلات بكل مكان ابي منكم تكفون المساعدة
انا ابي اشد وجهي بطرق طبيعية مابي اروح حق اطباء استخدمت طين البحر الميت وحس في تحسن بس ابي شي يصفي وجهي من النمش وفي مناطق قرب العين فيها كلف وترهل بمنطقة الصدر ولو في شي او طريقة تكبر الارداف وتشدها
ان شالله تقدرون تساعدوني وتسلمون مقدما

 

[وردة سلفر]

بالنسبة للخط اللي بويهج ان شاءالله يساعدج هالرابط

http://www.q8yat.com/t860016.html

اما للهالات انصحج تاخذين من نفس الشركه اللي تكلمت عنها في الرابط
علاج لتحت العين لعمر ال 35 .. لونه احمر صغير مدور وااااايد حلو وعجيب
.. اذا اخذتيه راسليني عالخاص اعلمج طريقته .

وانصحج تحطين ماسك يوميا (عيش مطحون تلقينه بالجمعيات عند البهارات .. قفشة صغيره مع قفشة روب)
وماسك (بودرة اللولو) مالي .. شوفي هالرابط وان شاءالله يارب اكون قدرت اساعدج .

http://www.q8yat.com/t878800.html
​

 

[..~Goolz]

ما قصرت ورده
واضيف لها سوي تمااارين عشان يشتد جسمج وشوفي منتجات جراس اهني بالمنتدى تبيع شغلات حلوه لسولوليت والشد

وسوي ماسكااات تناسب نوع بشرتج وجربي حبوب ايمدين لترميم البشره

ووسعي صدرح وونسي عمرررررج ترى كله يعكس ع بشراتنا من تقلب المزاج والنفسيه
وعسى الله يفرج همج وهمي ويسعدنا قريييب

 

[• JoJo •]

رفع لعيونك

 

[نور مغليها]

إهتمي بنفسج روحي لدكتور وخلي يعرف نوع بشرتج ويعطيج افضل الكريمات الطبيه
وفي شغلات كثثثير اهني بالمنتدى مسوينها ومجربينها وفآدتنآ
وطبعاا حبيبتي مافي شي بيوم وليله لاازم تستمرين على الشي .. اقل فتره اسبوعين علشان يبين
وبالنسبه للجسسم : سجلي بنآدي وسوي ريآضه أكثر شي يخفف ويشيل السيلولااايت هوآ الرياضه لانها تشد الجسم ..

 

[் Moon Light ்]

ماقصروا البنات
والأهم قبل كذا تكون نفسيتك مرتاحه وواثقه من نفسك
قللي من شرب كل شيء بيه كافيين بهذه الفترة , كثري شرب ماء وعصائر طبيعيه

وعسى ربي يفرج همومك ويشرح صدرك ويسعدك بالدارين < دعوة صايمه
​

 

[ام ساره 4]

رفع

 

[احب الكويت واهل]

رفع

 

[ღأميره الوردღ]

Up
Up
Up​

 

[naNaii]

رفع

 

[حلوه ولمآحه]

المره غسلي فيها ويهج كل يوووووم روعه روعه روعه ، امي تستخدمها تينن،،~