تكفون بنتي كاسره خاطري...ساعدوني..شسوي

[جزيلة العطا]

السلام عليكم ورحمة الله وبركاته





خواتي كويتيات...يا ليت تردون على موضوعي





انا عندي بنت اليوم كملت سنتين...وكاسره خاطري............حيل
اليوم قالت كلمه صج عورت قلبي وبجتني.............تقول يمه انا ابي ناااااااااااااااااااااااس


الموضوع وما فيه يا بنات اني كنت ساكنه الجهرا ونقلت للمنطقه العاشره وحتى دوامي نقلته وعندي اجازه راح اداوم شهر اربعه او خمسه...
المهم...بنتي حاسه بالوحده...ووقته معاي ومع الخدامه بس بنتي ملت تبجي وصايره عصبيه بنتي بطبعها اجتماعيه وتموت بالجهال...البنت ملت من الروتين يا مشغلين الرسوم او تلعب بالعابها
البنت تبي اللي يشاركها
وما تبيني او تبي الخدامه تقول ماما انا ابي ناس طلعيني برا بالشارع ...تخيلوا
بتقولون طلعيها...والله اطلعها...بس ما اقدر بشكل يومي..زوجي دوانيه ودوام ويرح لابوه بالمستشفى يقابله...مو دايم يودينا
والناس اللي انا ماجره عندهم حرمه كبيره عندها حفيد بس دايم عند امه بالشقه او طالع...وانا استحي انزل بنتي..من الذوق انها تنزل مره بالاسبوع مو كل يومين ثلاث....مو حلوه المره كبيره وما تحب الازعاج
بتقولون وديها مشيها مع السايق..ما عندي سايق...لان انا ساكنه اجار وين اودي السايق؟؟
وانا كنت اتدرب وللاسف صاير لي حادث وتو شايله الجبس ما صارلي خمس ايام مقدر اتدرب الحين..يبي لي وقت
اليوم احتفلنا بعيد ميلادها ما اجذب عليكم راحت بالزاويه وقالت مابي happy birthday
ابي بيبيات؟؟؟ يعني جهال..
يا ربي ما اعرف احد بالمنطقه من وين اجيب لها جهال......شريت لها حيوانات ابيها تستانس...خافت منهم باللي ما قامت تنام..وتخلصت منهم
يا ربي مو عارفه شنو اسوي...ما فيه مكان مثل الحضانه فتره مسائيه يتقبل جهال؟؟....بنتي والله اكتب لكم وهي لاصقه بالتلفزيون قلت شنو تسوين قالت المس ناس...تلمس الممثلين اللي بالتلفزيون...تبي تحس بوجودهم

تكفون ساعدوني؟؟؟؟؟؟........مابي بنتي تتعب نفسيا حرام توها صغيره على الهم والحزن

يعني انا صج ما اعرف احد بس اقدر اسولف بالتلفون اقدر اشبك على النت...اقدر اطبخ اضيع الوقت...
بس الجاهل تبي اللعب.....تبي تشوف نااااااااااااااااااااااااااس......تبي تنطلق..منحكره

 

[Dhn^3oOoD]

دخليها حضانه هاذا الحل

 

[شوااقه]

انا مع راي الاخت دهن العود دخليها حضانه منها تغير جو وتتعرف على يهال وناس

 

[^_^ نور ^_^]

هههههههههههههههه لوووووووووووووووول ظحكتيني جنه بنتي عمرها سنة ونص لا عصبت قالت go >>> go
دييد ديييييييييد وتروح عند الباب وتقول باي وإذا مابطلنا الباب وشلناها تعصصصصصصصصصصصب
وتصييييييييييييييييييييييييييييح بس انا اوديها بيت اهلي كل عصرية لانامت عندي اصلا لأن انا طالبة واهي تنام عندي بالويك اند بس من ارد من الكلية اخذها واهي اصلا ماتبيني تنادي ببأسماء اختي وامي تبي تروحلهم لا سيرت علي بنتي خخخخخخخخخخ
انا فكرت اني ادخلها حظانة بس الأجار صراحة غالي ناااااااااار ووزوجي مايتحمل بعد كافي راعي البيت زاد الأجار علينا
مادري وديها بيت اهلج -----> بعد ماقصيت قصة حياتي جبت الرد لوووووووول

 

[AFRoDiT]

دخليها نادي حبيبتي

وأغلب النوادي توفر باصات فيها مشرفين أو مشرفات

اممم عندج النادي العلمي زين وانا أدرب أطفال هناك
بس بنتج مو من ضمن السن القانوني
بس اذا انتي تدرين في بنتج اجتماعيه و جريئه وتقولين دخلوها على مسئوليتي مع الي عمرهم 4 سنين يدخلونها عادي

 

[ملكة الحب]

الله يعينج ويفرج همج حاولى تشركينها بنوادى

 

[عاشقة^زوجها]

حياااتي الله يخليها ويحفظها

رايي من راي البنات دخليها حضانه
ووديها بيت اهلج وخليها تنام اهناك عندهم اذا تقدرين

 

[توتي نوتي]

انا عاد اقول لو تجيبين لها اخو ولا اخت تونسها يكون احسن



الله يشرح صدرها

 

[أم حيدر]

انا مع توتي نوتي

عيالي الله يحفظهم بحفظه شاوفي اعمارهم بتوقيعي ما تتصورين شكثر لاهين مع بعض لدرجة اني كنت مفكرة ادخل وليدي العود هالسنة الحضانه بديت اهون عن هالفكرة اقول ادخله السنة الياية روضة أحسن

 

[غلاي غير]

دخليها الحظانه الصبح وبتمل من الناس

 

[ام عيالها الغاليين]

فعلا ترى ماكو حل غير الحضانه راح تعوضها شوي

 

[b6o6a]

مثل ما قالو دخليها حضانه تلعب مع اليهال

وبالمستقبل مع اخوانها

 

[خوختي دنيتي]

تعور القلب فقيرة صج مافي غير حلول الخوات ياتيبين بيبي او تودينها حضانه بس

 

[إستبرق]

وي حبيبتي تقول المس ناس كسرت خاطري
زين ماعندج اخت عندها يهال تودين بنتج كل جم يوم تلعب معاهم ؟
خل زوجج ينزلها مع خدامتها وتلعب وتستانس وترد

 

[Q8_QT]

والله مثل ماقالوا البنات الحضانة أفضل لها

 

[رضاهم جنه]

مالك الا الحضانه

 

[جزيلة العطا]

الحضانه راح ادخلها اول شهر اربعه
وعلى سالفة انها تنام في بيت اهلي...والله مقدر ياكلني قلبي ومقدر انام بدونها
والجاهل الثاني حملت وسقطت الله ما كتب...وانشالله الله يرزقنا
وخاطري بانديه وقت العصر....هو هذا الوقت اللي يضيق خلقها فيه

 

[over love]

بعد قلبى والله كسرت خاطرى

مادرى شقولج بس لازم تتصرفين شوفى دورات للأطفال عصريه أو حضانه تصرفى لاتخلينها جذى وبعدين يبى لها اخو او اخت يسلونها !
ياحبيبتى والله عورت قلبى

 

[baby johnson]

اخييييه حياتي
كسرررررت خاطري
اي صج من حقها ماتنلام بنوته صغيره ختعيش طفولتها
شوفي حبيبتي دخليها حضانه الصبح والعصر الهي معاها انتي لعبيها حطي عندج قناة ديزني راح تلهى
او العكس ختنام الصبح والعصر وديها حضاااااانة

 

[جزيلة العطا]

وين هالانديه اللي تقولون عنها العصر