تكفون بنتي ماتاكل ساعدوني

[إبطيطه]

الله يعلم اني قاعده اكتب وابجي عندي بنت يبتهااول اسبوع بشهري الثامن يعني كانت من الخدج اقعدت بالمستشفا سبوعين وبعدين طلعت الحين عمرها سنه وخمس شهور بس من سنه كامله وانا اعاني منهاحتا شكلها الحين حيل ضعيفه وصغيره من عمرها خمس شهور قامت ترفض الحليب وان شربته رجعت والاكل موذاك الزود تاكل شويه وبالغصب ومرات ترجعه بعد لغاية عمر السنه قمت اعطيها بدياشور حليب كاكاو وبالغصب وبالقطاره مالت الدوا لانها ترفض تمص حلمة المميه وبالاكل غصب غصب تاكل والاكل مطحون ناعم بالخلاط ترفض تاكل غير المطحون بالخلاط
الكل يلومني ومحد يعيني وديتها لكذا طبيب محد فادني ابيها تشرب وتاكل كل مالها وتضعف زود والله مانام الليل بس ابجي وابحث بالنت يمكن القا موضوع يفيدني صج صج تعبانه والله العالم بحالي
ساعدوني

 

[mannawy]

صباح الخير. استهدي بالله وكلشي له حل
1- شوفي اول شي بمدح لج دكتوره عفاف الرومي بالجابريه روحيلها تفحص الياهل من الى.
2- عطيها فيتامينات (seven seas) ممتاز واكو ( iron kid ) المهم روحي الصيدليه وسئليه عن فيتامين يناسب عمرها. بتسألين ليش فيتامين؟ بقولج يعوضها عن النقص وبقولج يفتح الشهيه.
3- شربي الياهل حليب بقلاص ماله داعي مميه خلاص البنت كبيره ونوعي مره مراعي فريش ساده ومره بنكهات ثانيه ودفيه مره ومره يكون بدرجة حرارة الغرفه حطي فيه نتفة عسل نوعي بالتقديم وطبعا يبي قلاصات ملونه تشوق اليهال ومثلا عليه دورا او باؤني وجذي
4- الاكل حاولي تنوعين مره توست وجبن او لبنه وزعتر ومره صمون عطيها باييدها خليها تلعب وتنتف فيه على كيفها وبعدين موتسوين معركه عشان تاكل لا خليها تجابل التلفزيون وبيدها الصمونه وانتي جنج ماتدرين دزي نتفه بحلجها وقعدي ضحكي معاها ولعبي ولي كلت تشجيع وتصفيق ولويه ويباب وكلللووووش وجذي لازم تاخذينها على قد عقلها وبعدين لاتقولين اكلي ام ام ولا شي بس حطيه بيدها وامشي عنها جربي وحطي نايلون تحتها تعرفينه النايلون الثقيل الشفاف اللي يحطونه امهاتنا على الطاولات نفسه اللي ينغسل عشان ماتوصخ الباجي.
5- نوعي بالاكل وعطيها من غداكم وعشاكم وعطيها روب خل تموص فيه وتلعب فيه مثل ماتبي الله يعز الحكومه اللي خلت الماي متوفر بكل بيت وتالي سبحيها وعطيها اهيا تغسل نفسها وتلعب بالشامبو وجذي. شاركيها
6- اول حالتي نفس حالتج وبنتي من 9 شهور امتنعت تماما عن الحليب قمت اعوضها لبنه جبن جبن كيري ابطله واخليه بيدها تفقص فيه. دام عندج ياهل البيت بيعتفس وبيتوصخ عااااااااادي المهم الياهل والتنظيف سهاله. الغدا عطيها عيش ومرق وفوقه شوية روب او عيش وروب وخليها تاكل بالقفشه واذا تبي بايدها هم عادي خليها تحوس ولبسيها صدرية الروضه تلاقينها بسنتر بوينت. العشا شوربه وتوست او شوربه ونتفة عيش خليه يذوب بالشوربه او بروكلي وجزر وكوسا وبطاط مع شوية كريمه وروب خليها تاكل نفسكم شنو تحبين؟ وشنو ماتحبين خليها تجرب كلشي لو قفشه عادي المهم تاكل وعطيها الحريه واهيا من نفسها ومن اليوع راح تعطيج المجال انتي توكلينها
7- وهو الاهم ماعليه بس تحملي لاحظي خروجها اذا امساك خففي النشويات وكثري سوائل

 

[إبطيطه]

حبيبتي مناوي الله يجزاج من عظيم اجره يارب ويسعدج دوم ياربي
حاولت اعطيها تاكل كذا مره كله تشرق ومرات تشرق لما ترجع بس بسوي مثل ماقلتيلي بالضبط ويارب يارب يارب تاكل
عفيه اللي تقدر بعد تفيدني وتساعدني انا بانتظار ردودكم واحتسبو الاجر عند الله

 

[نور التفاؤل]

اب اب

 

[أم دانـــه]

حبيبتي في بالصيدليه شراب فاتح الشهيه وفيتامين ما اعرف اسمه بالضبط
بس ايسمونه الشراب الهرمي علشان شكله مثل الهرم وطعمه على برتقال
والله عجيب شربيها منه كل يوم وبعد جم يوم راح تطلب الاكل بروحها
الصيدلي راح يقولج الكميه على حسب عمر البنت طبعا
كنت اعطيه ولدي بسم الله ماشاء الله يفتح الشهيه عالاخر واي شي جدامه ياكله
ولما اشوف الوضع صار اوكي خلاص اوقفه

 

[أم دانـــه]

http://up.arab-x.com/May12/iM694633.jpg

هذا صورته

 

[إبطيطه]

مشكوره وايد ام دانه بشتريه ان شاءالله الله يجزاج خير يارب

 

[*kim*]

اللي حطيتي صورته يمدحونه الهرمي

 

[توتا حمرا]

بنتي مثل الحال بالظبط ومثل العمر بس الفرق انها معتمدة عالرضاعة الطبيعة بشكل كلي وترفض الاكل تماماً
الله يعينج ويعيني

 

[احلى الاسامي]

نفس بنتي صايره ماتاكل القفص الصدري باين وشريت لها فاتح شهيه وفيتامين سفن سيز

 

[ام رينـاد]

اشتري لها فاتح الشهيه ينباع بالصيدليات

 

[Ghla]

انا بنتي ماتاكل الا بالعذاب جربي فاتح الشهيه وبوقت الاكل حاولي تشغلينها حطي كرتتون او طيور الجنه <~~~~ بنتي تموت فيها وماتاكل الا لامن حطيت هالقناه والله يعيينك ويعيننا​

 

[mafain]

الله يعينج حبيبتي جربي فاتح الشهية الهرمي