تكفون تكفون تكفون : مسويه قيصريه مع ابرة ظهر دشى جاوبى على

[ملح الدنيا فيني]

السلام عليكم

بنات تكفون اللى مسويه قيصريه مع ابرة ظهر تجاوب على


1- حسيتى بشى اثناء العمليه ؟

2 - متى شالو لج ابرة الظهر ؟

3- متى خلوج تمشين ؟

4 - متى خلوج تاكلين ؟

5 - شنو النصايح اللى قالوها لج بخصوص الحركه يعنى لما طلعتى من العمليه كله على ظهرك ؟ وسمعت قالوا بنات انه يخلونج بدون مخده لازم راسك سيدة ما ترفعينه لما يشيلون لج الابرة ؟؟ صج ولا لا ؟



تكفون طمنونى:yaaaaaarb:

 

[ام عفاف الكويت]

وايييييي كل ماسأل احد ارد اخاف اكثر
وقبل جم يوم موعدي عند دكتورتي قالت خلج على البنج العام افضل
تقول مجرد كحه ودوخه يومين ثلاث ويروح ولا ابره ظهر مظارها طويله
عااااد مادري احترت

 

[كل الحلا فحبيبي]

حبيبتي البنج العام احسن بواااااااااااااااايد من ابرة الظهر استخيري ربج وان شاء الله تولدين وتقومين بالسلامه يااااااااااااااارب

 

[مألوفة]

مرت اخوي اولدت قيصري سووا لها بنج عام ولدوها واطلعت مافيها الا العافية

ونومتها على ظهرها بس عادي تنام على مخدة ماله شغل وعقب 10 ايام يطيب الجرح مع الدوا

بس شلون تعرفين انج بتولدين قيصري؟

 

[nadoo]

البنج العام افضل وان شاء الله تقومين بالسلامه

 

[بدوية بملامح كشميرية 86]

انصحج لاتاخذين ابره الظهر

قيصريه بنج عام كافي ماتحسين بشي
تري حتي الدكتور ماتصحني اخذ الابره

يومين بس تحسين اذا تمحين عوار العمليه

ويمشونج ثاني يوم بعد العمليه

اح اح ذكرتيني بعمليتي


والله يسهل عليج وع كل حامل

 

[بدوية بملامح كشميرية 86]

انصحج لاتاخذين ابره الظهر

قيصريه بنج عام كافي ماتحسين بشي
تري حتي الدكتور ماتصحني اخذ الابره

يومين بس تحسين اذا تمحين عوار العمليه

ويمشونج ثاني يوم بعد العمليه

اح اح ذكرتيني بعمليتي


والله يسهل عليج وع كل حامل

 

[omwen]

أنا ولدت قيصيريه واخذت إبرة الظهر
الصراحة وأحسست بشي وكنت قاعده طول الوقت ولمهنته طلعو البيبي شفته على طول
ولا كحه بعدها ولا دوخه لان بالبنج العام راح تمسكج كحه وانتي اصلا عمليه ماراح تقدرين تكحين
حطوني بالاستراحة مع دفايه لأني كنت بردانه من الخرعه ههههههههههه
ووماطولت ولدت الصبح والعصر يابولي غداي
ولا شالو المخده مني ولا نوموني سيده ولا شي كل شي كان طبيعي والحمدلله
وشكرا

اي صج أنا رفيجتي ولدت بلندن قيصريه وترجتهم تبي بنج عام مارضو يعطونها وقالولها ان ابرة الظهر افضل وان المستشفيات الاجنبية يفضلون أبره الظهر

 

[ملح الدنيا فيني]

مشكورين بنات حبايبي
انا فينى ربو حاد وبدون شى بس اكحكح وحالتى حاله وصدري تعبانه عشان جذى خايفين من البنج العام لانى سبق جربته بغيت اموت منه

بس فكره ابرة الظهر خايفه منها ودكتورتى لما قلت لها قالت اوكى عادى براحتك اللى يقرر طبيبي البنج على حسب حالتك الصحيه والامراض اللى تعانين منها

تكفون بنات طمنونى

اللى لها تجربه فيها

ويزاكم الله خير

وانا قيصريه لان حملى عزيز والبيبي خايفين يتعب وانا راعيه ضغط وربو

ويارب يسهل عالجميع

 

[omwen]

عن تجربه انصحج بإبرة الظهر
والله يهون عليج

 

[ام الداده]

انا قيصريه وبنج عام

الحمد لله مشت اموري والوضع عادي لاقحه ولا شي صج دوخه بس هم العمليه جايده والله يسهل لج حبيبتي

خلج بالسليم

 

[ام الداده]

انا قيصريه وبنج عام

الحمد لله مشت اموري والوضع عادي لاقحه ولا شي صج دوخه بس هم العمليه جايده والله يسهل لج حبيبتي

خلج بالسليم

 

[ايمانو حلوة]

انا خذيت ابرة ظهر ومافيني الا العافية مريحة جدا

 

[N0oNa]

انا قيصريه و بنج عام بس احسه متعب وكله دايخه
و ما تاكلين الا عقب يوم و كله دربات شي متعب صج
فقلت هالمره بجرب ابره الظهر انشالله ودي اشوف البيبي من يطلع
لان بالبنج العام بس تقومين تقعدين تسالين عن البيبي و انتي ميته خرعه ان فيه شي و تحاتين بس من تشوفينه بنفسج و تطمنين عليه اكيد غير
بس الخوف من غرفه العمليه و الليتات

 

[كويتيه مذهله 87]

بالعكس ابره الظهر احسن من البنج اعام

الدكتور هو الي قالي اخذي ابره الظهر احسن لج
اول شي ماتحسين بشي لمن يفج البنج لا عوار الا دوخه بسييييييييييييطه وكافي تشوفين البيبي وتسمعينه اول مايطلع وهو يصرخ ويخلونج تشوفينه وهو يطلع احلي شعور بحياااتج وانتي واعيه مو دايخه

وانا انصحج بقووه بأبره الظهر وماها اعراض لا توسوسين




1- حسيتى بشى اثناء العمليه ؟


لا ماحسيت بشي الا ضغط خفيف تحت اخر شي جنه احد يدزني بس مايعور كلش



2 - متى شالو لج ابرة الظهر ؟


تصدقين ما ادري

3- متى خلوج تمشين ؟

انا ولدت الساعه 12 بليل وخلوني امشي اول ماطلعت الشمس
4 - متى خلوج تاكلين ؟

يومين

5 - شنو النصايح اللى قالوها لج بخصوص الحركه يعنى لما طلعتى من العمليه كله على ظهرك ؟ وسمعت قالوا بنات انه يخلونج بدون مخده لازم راسك سيدة ما ترفعينه لما يشيلون لج الابرة ؟؟ صج ولا لا ؟


انا نمت علي مخده والدكتور قالي عيش حياتج طبيييييييعيه أمشي وقعدي عادي
وياتني ثاني يوم دكتوره العلاج الطبيعي وعلمتني اسوي تمارين شفط البطن واحرك ريلي وحدها مريحه

 

[مألوفة]

بنات سؤال عفية بعد اذن صاحبة الموضوع شلون اعرف اني بولد طبيعي او قيصري؟

 

[قلبي خالد]

اي نستشفى

 

[hneen2]

انا مثل كويتيه مذهله
بالضبط
والله ماتخوف ولاتحسين بشي عادي وناسه شفت شلون طلعو بنوتي واهي تصرخ هههه
وعقب حطوني بغرفه ويابولي هوز طويل دفايه خخخخ وعادي مشوني ثاني يوم ووعطوني جلي وعصاير وشوربه خفيفه اول يوم وثاني يوم اكل

والحمدالله ماكو شي لا تخافين واستخيري والاتكال بالاول والاخر علي ربج 

 

[omalzhra2]

والله انا بنت عمتي كانت على اساس تولد طبيعي وعطوها ابرة الظهر وبعدين صارت امور احتاجو يولدونها قيصرية وكانت على البنج مال ابرة الظهر
صراحة وايد ناس تكلمو عن ابرة الظهر واثارها بس كا انا جربتها والله مافيها ولاااشي وكل الكلام الي يقولونه فاضي
يمكن اهمة عندهم مشاكل من قبل
انا عمي دكتور عمره بالخمسين مرته كانت ماخذتها على كل عياله وهذا كان على ايام الي توهاا طالعه والواحد صج يخاف يجربها
توكلي عالله ولا تخافين والله يقومج بالسلامة

 

[@ام يوسف@]

انا مثل كويتيه مذهله
بالضبط
والله ماتخوف ولاتحسين بشي عادي وناسه شفت شلون طلعو بنوتي واهي تصرخ هههه
وعقب حطوني بغرفه ويابولي هوز طويل دفايه خخخخ وعادي مشوني ثاني يوم ووعطوني جلي وعصاير وشوربه خفيفه اول يوم وثاني يوم اكل

والحمدالله ماكو شي لا تخافين واستخيري والاتكال بالاول والاخر علي ربج 

صح حتى انا بولدي نفسكم بس ما قدرت احرك رجولي وطبعا انا نص لانه صدري كان تعبان