تكفون جاوبوني ....جرح القرنيه

[@سوسن@]

السلام عليكم

بغيت اسألكم بخصوص جرح القرنيه ؟؟

انا ولدي ضارب اخوه في عينه مايدري ووداه ابوه للمستشفى البحر وقالو فيه جرح قرنيه الحين له

3 ايام للاسف كل يوم اسوأ من اللي قبله اول قالو جرح بسيط ومغطين عينه وكل يوم فحص بالابر

امس 3 ساعات يحطون قطرات واليوم شالو القطنه قالو بنريح العين بس قالو في دم داخل العين وموزين يتحرك وعطونا قطرتين

كل 4 ساعات مره

يابنات طمنوني الا العين كله ولا الشوف ...من اتصل فيني زوجي وانا بستخف
في احد مار عليه نفس هالوضع اش تنصحوني فيه احس عقلي وقف من التفكير

ناطره ردودكم واللي ماعندهاا جواب تدعي لولدي وربي يجزاكم الجنه

 

[@سوسن@]

اشدعوه يابنات 13 وحده داخله الموضوع على الاقل ادعو الله يجزاكم خير مو لي هالدرجه

انا قلبي شاب ضو الله يسامحكم

 

[-Angel-]

مايشوف شر ولدج وان شاءالله ربي يطمنج علية
قرنيتي انجرجت من العدسات وصج اتعور وايد بس محد عرفلي غير دكتور سلطان المطيري وعيادة بخيطان ��

 

[عاشقة الاسلام]

وديه حق الدكتور عبدالله ربيعه مافي مثله حق العيون بالفروانيه عياته
والله يشافي ولدج ويخليه لج يارب

 

[Blue Tulip]

الله يشافي ولدج يارب

 

[@سوسن@]

مايشوف شر ولدج وان شاءالله ربي يطمنج علية
قرنيتي انجرجت من العدسات وصج اتعور وايد بس محد عرفلي غير دكتور سلطان المطيري وعيادة بخيطان ��

جزاك الله خيرماقصرتي
واضح انه تعوره يقول تحرقني يمه .......ولاحظت حتى الاضاءه تعوره وتأذيه قبل يوم كان بغرفته وظلمه وبطلت اليت ويصرخ وينط هذيج النطه كسر قلبي منها البيت كله اضاءه خافته كله

زين حسب معرفتج بالقرنيه تطيب بسرعه او تبي لها وقت ؟

 

[@سوسن@]

وديه حق الدكتور عبدالله ربيعه مافي مثله حق العيون بالفروانيه عياته
والله يشافي ولدج ويخليه لج يارب

ربي يجزاج الجنه على هالدعوه

انا بصراحه اسمع كثير عن الربيعه بوديه ان شاء الله وبشوف اش يقول

 

[@سوسن@]

الله يشافي ولدج يارب

الله يجزاج كل خير ومشكوره ياعمري على الدعوه الطيبه

 

[الباحثات عن الجمال]

أسأل الله العظيم رب العرش العظيم أن يشفيه آمين.

إن شاء الله الموضوع بسيط وتوكلي على الله وعليكي بالدعاء والصدقه والله هو الشافي.

 

[@سوسن@]

الله يجزاج خير اختي الباحثات عن الجمال

الله كريم يارب

 

[زَهر تِشرينْ]

.. }


​

​

صباحك خير اختي ,,
انا اكثر من مرة تصير مع عياالي والحمدلله مافيهم الا العافية
الحين ,,
لاتشيلين هم ياقلبي جرح القرنية بياخذ وقت شوي خاصة ع حسب
الحالة يعني ممكن يقعد 4 ايام او اسبوع لين تبدا تتحسن شوي
اهم شئ لا تخلينه يقعد عند التلفزيون ولا كمبيوتر ولا يقرا ولا يستخدم
اي شئ ممكن يخليه يتعب عينه اكثر خاصة بعد ما يشيل القطن ..,
واعتقد موبس القطرة ياقلبي فيه مرهم للعين كان يحمي العين من اي
احتكاك ويعالجها بنفس الوقت سالي الدكتور ,,
والله يشافيه ويعافيه يارب من كل مكروه ويطمن قلبك عليه



​

​

​

{ :eh_s(17):​

 

[@سوسن@]

.. } ​

​

صباحك خير اختي ,,
انا اكثر من مرة تصير مع عياالي والحمدلله مافيهم الا العافية
الحين ,,
لاتشيلين هم ياقلبي جرح القرنية بياخذ وقت شوي خاصة ع حسب
الحالة يعني ممكن يقعد 4 ايام او اسبوع لين تبدا تتحسن شوي
اهم شئ لا تخلينه يقعد عند التلفزيون ولا كمبيوتر ولا يقرا ولا يستخدم
اي شئ ممكن يخليه يتعب عينه اكثر خاصة بعد ما يشيل القطن ..,
واعتقد موبس القطرة ياقلبي فيه مرهم للعين كان يحمي العين من اي
احتكاك ويعالجها بنفس الوقت سالي الدكتور ,,
والله يشافيه ويعافيه يارب من كل مكروه ويطمن قلبك عليه​

​

{ :eh_s(17):​

بعد عمري ماقصرتي

 

[سيدة بيتي]

السلام عليكم انا مرتين ضربتني بنتي الصغيره وتاذيت منها وصارت تدمع كثير ولا اقدر افتحها ولما رحت للمستشفى سوولي نفس ابنك والحمدالله خفت الكلام هاذا له يمكن سنتين بس ابي اقولك شي انها للحين بعض المرات بما فيها اليوم قومتني من النوم احس كان داخلها شي وتدمع كثير وكل الجهه الي من يمها تعورني بس تقول الدكتوره حافضي عليها من اي شي يحك فيها لانها قرحه ممكن تتاذى العين والله يحمينا ويشفي ابنك وسلامته .

 

[طيف2006]

جرح القرنيه اذا ماتصكرت مع العلاج لازم عمليه والا مو زين تكون منجرحه مع السنين تسبب عمى روحي لسامي ربيعه وهذا عن تجربه والله يشفي ولدج

 

[تالا]

حبيبتي الله يشافي ولدج

انا انجرحت قرنيتي , تميت اسبوع منومه بمستشفى البحر عمياء مآأشوف شي
وتبدل اللون الاسود للـ أبيض
كل ساعتين يحطون فيني اتوقع اربع انواع قطرات ,,
والليت يعوووووورني صج مآكنت اشوف شي الا النور اذا تبطل احس في

بس الحمدلله على كل حال., كآني الحين غزال لاإله الا الله
رجعت اشوف بعيوني بس مو نفس النظر .. قل النظر فيني



لاتحاتين ولدج انشاءالله خيــر

 

[@سوسن@]

السلام عليكم انا مرتين ضربتني بنتي الصغيره وتاذيت منها وصارت تدمع كثير ولا اقدر افتحها ولما رحت للمستشفى سوولي نفس ابنك والحمدالله خفت الكلام هاذا له يمكن سنتين بس ابي اقولك شي انها للحين بعض المرات بما فيها اليوم قومتني من النوم احس كان داخلها شي وتدمع كثير وكل الجهه الي من يمها تعورني بس تقول الدكتوره حافضي عليها من اي شي يحك فيها لانها قرحه ممكن تتاذى العين والله يحمينا ويشفي ابنك وسلامته .

فعلا انا ملاحظه عليه بين فتره وفتره تدمع عينه ويقول تحرقني وخصوصا الصبح لما اقعده للمدرسه مايحب الضوا ينزل راسه فتره بعدين يقوم الله كريم يوم عن يوم اشوفه افضل بكثير
الله يتمم عليكي الشفاء يارب والله يجزاك خير ويبعد الشر عن الجميع

 

[@سوسن@]

حبيبتي الله يشافي ولدج

انا انجرحت قرنيتي , تميت اسبوع منومه بمستشفى البحر عمياء مآأشوف شي
وتبدل اللون الاسود للـ أبيض
كل ساعتين يحطون فيني اتوقع اربع انواع قطرات ,,
والليت يعوووووورني صج مآكنت اشوف شي الا النور اذا تبطل احس في

بس الحمدلله على كل حال., كآني الحين غزال لاإله الا الله
رجعت اشوف بعيوني بس مو نفس النظر .. قل النظر فيني



لاتحاتين ولدج انشاءالله خيــر

ياقلبي عليج الله يتتم شفاج يارب

بسألك متى انجرحت قرنيتج ؟

وشنو اخر كلام للدكتور ؟هل الجرح التأم ؟والنزيف وقف وتم امتصاصه ؟ غريبه ليش ضعف النظر عندج؟
انا قريت كثير عن القرنيه ونزيف العين اهم مرحله انه لازم تتم عمليه امتصاص النزيف الداخلي الموجود داخل القرنيه ((اذا لم تتم عمليه الامتصاص يتخزن الدم))>> ...ويسمونه عاد الماء الازرق
هذا اللي يسبب ضعف النظر ....
للامانه انا ما تأكدت من (مرحله الامتصاص) لانه ياحرام تعب من عمليه الفحص هذي بروحها عذاب ويرخون عضلات العين ....فقلت عاد بأجلها عقب الامتحانات ...و ان شاء الله بنقل لكم اخر التطورات
انتظر ردودج
وماتشوفين شر ياحياتي

 

[@سوسن@]

جرح القرنيه اذا ماتصكرت مع العلاج لازم عمليه والا مو زين تكون منجرحه مع السنين تسبب عمى روحي لسامي ربيعه وهذا عن تجربه والله يشفي ولدج

والله طول ماهو تعبان كل تفكيري متركز ان النزيف الداخلي يوقف كان هذا همي الاول والحمد لله اهو قال انه زين
عطاه موعد الاسبوع اللي فات بس طوفته ما ابي يتعبث بالعين وترجع تدمع ..فقلت باجلها بعد الامتحانات وناويه على سامي الربيعه ماشاء الكل يمدحه هني وبشوف شيقول والله كريم

جزاك الله خير ع الدعوه الطيبه وشكرا ع التوصيه

 

[&موناليزا&]

انصحج بالدكتور خالد السبتي ممتااااااز للعيون عن تجربه