تكفون دخلوو ابي مساعدتكم

[حبيبي فهوودي]

السلام

بنات تكفووون حدي منقهرة الله يوفقكم ويرزقكم للي ترد وتبرد قلبي

انا زوجي دوامه شفتات دوامه متعب شوي الشفت هاذا هو يروح من الفجر لين الظهر

اذا قعد الفجر لدوامه اقعد معاه وبعدها خلاص يروح هو وانا اقعد جالسه لين يجي

والصبح اصير طفشانه مافي شي يسليني النت والتلفزيون كل هاذاولي طفشت منهم

وعاد انا اتصل عليه دايم واكلمه ع الوتساب وهو يعصب مايبيني اكلمه

ودايم يقولي نامي لاني اذا جا الظهر وتغدا نقعد للعصر بعدها ادووخ وانام ماتحمل اقعد لاني قاعده الصبح وهو يعصب يقول انا اقعد وانتي تنامين المشكله اني انام بدري يعني 6 المغرب وهو يضل صااحي

اليوم ارسلت له رساله في الوتساب اني طفشانه رسلي لوتموتين مادقيت علج روحي نامي

انا مت من الصياح ليه كذا لو اموت مادقيت قهرني وخلاني اصييح

حذفت رقمه من جوالي وبحلف انا اذا دق ماراح ارد لو اتم شهر على هالحاله

قلولي شسوي تعبت من هالحاله انام وهو صاحي وكلا يهاوشني ويصارخ على
ابي اغير روتيني وهو دايم يقط علي كلام وصخ ويجرحني

ساعات يقولي كلام قوي ويسبني

انا اول مرة اشارك

 

[انا لحبيبي .]

حبيبتي اسمحيلي انتي غلط ، ليش تنقهري زوجك بقلك روحي نامي وين الغلط؟ بدو ياكي تنامي عشان بس يجي تكوني صاحيه وتقعدي معه ، انا مو شايفه ابدا غلط بكلام زوجك

هيك دوام زوجك وهيك رزقة زوجك ، ليش انتي بضلك صاحيه ؟؟

مع احترامي الك حبيبتي انتي الغلط ، غيري نمطك بايدك ما حد رح يقدر يغير نمطك الا انتي ، لانه انتي السبب بالوضع يلي انتي فيه

ضلك نايمه وبس يجي زوجك قبلها بساعه اقعدي وضلك معه

 

[Tulips]

من صجج !!

اشفيكم يالحريم تدورون المشاكل دواره

والله صاج ريلج .. لما يروح الدوام انتي ردي نامي شمقعدج !

اهو بالدوام ضروري يكون مشغول ومايرد عليج تبينه يتفرغلج ٢٤ ساعه مايصير حبيبتي !

 

[غبيشة]

لازم اتنامين وتغصبين عمرج عالنومة وقت ماهو يروح دوامه لان الرياييل مايعيبهم المرة تنام قبلهم ويقعد بروحه

 

[العفاسيه]

ياختي نامي مايصير الرجال معاج بالبيت وبالدوام بتخلص المواضيع اللي تسولفون فيها اكيد بيمل
لا تقطين روحج عليه طنشيه شوي
عشان اذا رد من الدوام يشتاق لج
الليله نامي الساعه ١٢*

 

[العفاسيه]

ياختي نامي مايصير الرجال معاج بالبيت وبالدوام بتخلص المواضيع اللي تسولفون فيها اكيد بيمل
لا تقطين روحج عليه طنشيه شوي
عشان اذا رد من الدوام يشتاق لج
الليله نامي الساعه 12*

 

[dectora 7elwa]

لا تقعدين له وقت دوامه كملي نومتج

 

[عـِرۈۈق قلبــه]

ناااااااااامي
​

 

[جـوود الحب]

انتي مثلي بس متعوده من تزوجنا ماازعجه ولا اكلمه بس يجي يشتاق لي يسولف علي ....ولما جبت عيالي
انشغلت ولافيه وقت تملين .....اذكري الله بس وخليه براحته وشوفي شي يشغلك او نااااااااامي مثل ماقالو البنات الله يهداج لاتكبرين الموضوع

 

[مناير ...!]

ههههههههههههههههههه مو من صجج؟
حذفتي رقمه؟
شنو صاحبج اهو هههههههههه؟؟ ماما ريلج بيرد البيت
وماقالج شي يبيج تنامين وتجابلينه لي رد وين المشكله

 

[« shό8 άlзyόn »]

ياحبكم للطلايب
المفروض تعذرينه يعني هم ترا الدوام ساعات يغث الواحد اعذريه وصبري

 

[ام الدرر]

ماشاءالله عليج احد ينام 6 المغرب
والله حتى اليهال تحاولين فيهم ماينامون
طيب والصلاة شلون
وعقب تشكون زوجي مايقعد وياي وتغير على
الله يهديكم ويصلح حالكم ​

 

[Tom ♥ Jerry]

,


واي الله يعين ريلج صراحه !

حبيبتي وآحد من الآثنين يا آنه تنآمين !
أو آنه تروحين الصبح مكآن دورة نآدي أو تقومين تنظفين البيت
تغيرين ستايل البيت تسوين غدآ .,، تشبكين تشوفين تلفزيون تقرين كتاب !

بس لا تأذين الريال حتى و آهوة بالدوآم بعدين تقولين طفش مني !!!!!!!

 

[no0o0o0r]

نامي شنو يخليج جاعدة
عاد انا ما اصدج يطلع الا اطب طبه ع الفراش وانام
ولمن يجي جابليه ما يصير تنامين عنه وفي احد ينام الساعه 7 الله يهداج
لا تخلين زوجج يمل منج

 

[مارشميلو..]

طيب بالدوام مو فاضي مشغووووووووووووول اشتبين تدقين
ترى الرجال يحب المره الثقيله اللي مو متعلقه فيه 100%
خفي شوي عليه