تكفون دشو ضروري

[Nono83]

السلام عليكم بنااااات


باختصار انا وحده دايم اكل علج (العلكه) وقبل ثلاث ايام قمت ابطل حلجي اسمع صوت طقطقه بفكي اليسار

انا خلقه موسوسه فصارت نفسيتي تعبانه منهاره رحت لدكتور فك يصرقع قالي حاولي ماتبطلين حلجج حيل واكلي اللقمه بحجم اصغر ويمكن الله يشافيج!! والله يابنات كلامن عفس نفسيتي يقولي تلفين الدنيا ماله علاج


من الخرعه قمت مافتح حلجي ولالي خلق احد افكر اخذ حبوب نفسيه وعيالي ماذيني خايفه اقصر فيهم


تكفون الي يعرف اي شي عن هالموضوع يدش يقولي ???

 

[بنت الديره33]

وعليكم السلام ورحمة الله وبركاته.اختي الغاليه.الطقطقه هذي،طبيعيه..الكل تحصل عنده.واناومنهم..والفك اصلا كله عطام والعظام لابد فيها صوت طقطقه.اسمحيلي الدكتور هذا مايفهم ابدا..يكبر الموضوع الله يهديه.وطقطقه العطام في اي مكان بالجسم تحصل نتيجه احتكاك عظمتين ببعض بس ..واحد اسبابه الطقطقه في،بعض الاماكن هي الخشونه..والخشونه تحصل في كل مكان بالعظم مو شرط،بالركب بس

 

[ظبية بوظبي]

اااخ بس فتحتي على جرحي
انا في سنه من السنوات كنت اسوي ريجيم وعشان لا اشغل فمي بالاكل كنت اشغله بالعلك
كنت اعلك فاليوم مرات لمده سبببع ساعات
لين ما جاني وجع فالفك ولي هذا اليوم اتعب وخاصه لو علكت لبان
ولان اصلا فيني نقص فيتامين دي
خفت اني سببت لي مشكله العمر كله خفت مثل ما قالت بنت الديره صار فيني خشونه في عظام الفك الله لا يبلاني

 

[Nono83]

الله يعطيكم العافيه بس ماقلتولي يروح ولا لا

 

[ظبية بوظبي]

عن نفسي ما اسمع طقطقه بس وجع
الوجع يختفي ويطلع
يطلع اظن لما اطول وما اخذ فيتامين دي بما عند نقص منه
ولما اعلك انواع قويه المطاطيه من العلوك مثل العلكات العربيه
ومرات من ولا شي احس بشويه وجع شويه بس
بس والله مرات اتعب وما اقدر افتح فمي بس مب وجع قووووي لا اشبه بوجع ارهاق الرياضه للجسم

 

[الـكـايـدة]

يا عمري هذا شي عادي و طبيعي و هذا الدكتور خرطي اسمحيلي
انا نفسج حييل كنت اكل علج حييل لو تشوفين جنطتي ٦ و لا ٧ اشتري كميات
و تالي الفك عندي تعب حيل ألام بس تركته عادي رجع مثل ماكان عليه
انتي بس اقطعيه فتره و شوفي العلج اساسا مو زينة كثرة
*