تكفون ردوا علي الرحم فاتح سانتي

[الفراااااشة]

السلام وعليكم كويتياات
حبيت استفسر للي عندها خبره
انا مغلقه التاسع لي يومين والرحم مفتوح بس سانتي وطلق باااااااارد
وانا ولدت قبل هالمره بقيصريه لان الطلق حيل بارد والرحم مسكر
وانا خايفه مايفتح الرحم عندي الا سانتي واحد تكفوووون ردوا تراي بهم مايعلم فيه الا الله تكفون يالنشمياات اللي عندها خبره ترد
شسوي عشااان يفتح الرحم بسرعه غير العمليات الانتحاريه ابي تجاربكم مثل مشي او حبو او اي شي يساااعد ع فتح الرحم بسرعه اللي تعرف شي تكتبه او تطرح تجربتها عشان نستفيد

 

[ملسونه المصونه]

ماعندي علم والله

بس افضل شي العمليات الانتحاريه والمشي مافي غيره اما سوالف الدارسين وزيت السمسم والزنجبيل والخروع اللي اعرفه ماتشربينهم الا اذا فيك طلق

يعني انتي طلقك بارد انصحك نصيخة اخت صلي ركعتين واستغفري كثير واطلبي ربك الخيره والحمدلله على كل حال اللي كاتبه ربك بيصير ....


ماودي اضيق صدرك اكثر بس صدقيني هذا اللي عندي لك الله يسهل عليك باقرب وقت وطبيعي ان شاءالله

 

[الفراااااشة]

الله يجزاج خير بس انا طلقي باارد وغير جذي ابي وحده تكتب تجربتها لما فتح بس سانتي شسوت

 

[ملامح شرقية]

توكلي على الله وانشالله ربي يكتبلك كل خير

أنا ماعندي خبرة ابد ربي يسهل عليك الولادة ويهون طلقك

 

[خوخة123]

الله يسهل عليج يارب

وتولدين طبيعي

والله انا بولادتي الاولى كنت نفسج الرحم مفتوح سانتي واحد بس

بس والله وحده الله يذكرخا بالخير كانت نع بنتها بالمستشفى يمي

وكسرت خاطرها

سوت لي زنجبيل وخلتني اشرب منه حيييل
والحمدالله فتح الرحم ٦ سم

وعاد بولادتي الثانية ع طول اخذت الزنجبيل والحمدالله بعد

وانتي خلي زووجج يجامعج وطلعي بعدها ع طول المستشفى وفحصي

يكون الرحم مفتوح وطلبي منهم طلق صناعي

والله يسهل لج

 

[لوفيه]

انا بعد والله

وشربت عقبها دارسين ويارب لك الحمد ماتحملت على طول رحت الولاده

والحمدلله بعد الاستغفااااااار بنية الولاده السهله وشراب الدارسين ولدت بالسلامه

 

[يا عيون سمي]

اطلبي طلق صناعي

 

[أم علي الرفاعي]

داسين
زنجبيل
اناناس

هالأشياء حارة عالرحم وتفتح عنق الرحم بسرعة

وأهم شي سوي رياضة جدا مهمة وتساعدج حيل باذن الله

حطي كرسي جدامج
مسكي ظهره >> مو الجهز اللي تقعدين عليها
العكس
(السنادية اللي فوق)
ونزلي وصعدي
جنج قاعدة على المرحاض العربي - عزج الله -

عشان يصير ضغط عالعنق

وان شالله خير

 

[بسانت]

هذي الخلطه امدحتها وحده وتقول عجيبه عجيبه سجلتها وقلت بجربها ان شاء الله اذا دشيت التاسع

المقادير :-
كوب حليب سائل
5 أعواد قرنفل ( مسمار )
5 أعواد قرفه كبيره ( دارسين )
ملعقتين عسل للتحليه
نصف فنجان شاي زيت سمسم

تخلط المقادير وتغلى عالنار لمدة دقائق وتترك قليلا ثم تشرب دافيه

هذي الخلطه تشربينها من تدشين التاسع كل اربع ايام تسهل الولاده وماتحسيين بعوارات اثناء الولاده وتفتح الرحم​

 

[سوسن1980]

تروشي بماي دافي يميل للحراره شوي وخاصة ظهرك ركزي الماي عليه وكثري الا ستغفار واقري سورة الزلزله والله يهون عليك

 

[الفراااااشة]

الله يجزاكم خير لكل اللي ردت بس ابسال انا جامعني زوجي وكنت مفتوحه سانتي واحد بس ومشيت اليوم 2000 متر وماكو شي ابد احس ان مافي لاطلق ولا عوار ولا شي والرحم مفتوح من امس واحد سانتي
انا ما اقدر اخذ طلق صناعي لاني عمليه ابي من تجاربكم تكفووون لا تكتب الوحده الا تجربتها
يعني عادي اشرب دارسين وانا بس سانتي فاتح ولا لازم يفتح 3 او 4 او 5
تكفووووووووووووووووون تراي بضييييقه

 

[سنو - وايت]

شمي حلتيته تفتح الرحم والله يسهل عليج

 

[الفراااااشة]

الله يجزاج خير سنوايت بس الحلتيته تفجر ماي الجنين عالفاضي

 

[الفراااااشة]

تكفووون ردوا تراااي بضيقه واحس بصداااع شديد ابرتاح تكفون الله يفرج همومكم

 

[أسري إليك]

البنات كفو ووفو

الله يسهل عليج

وقر عينج بقوفة ضناج

 

[دايم على البال]

اب اب للاستفاده

 

[أأأميرة الورد]

مو زين تستخدمين اشياء او تشربين شي

لان ولادتج اللي قبل قيصريه

خليج طبيعيه اذا فتح الرحم الحمدالله

واذا مافتح الدكتور يقرر لج شنو الصح

لاتخاطرين دام انتي قيصري

 

[فبيت العز]

الموضوع قدييييييم وقاعدين تردون بعد ههههههههه

المره اولدت ويمكن احملت وولدت بعد خخخخخخخخخ :eh_s(9):

 

[♠اوتار♠]

الله يسهل عليج يارب وت لدين بالسلامه

 

[تبطي عظم!]

الفراشه مالج الا الدعاء الله يرزقج الولاده الطبيعيه السهله يارب

ماعندي خبره والله لان فبجري ماجربت ولا شيء خليتها على الله

وماودي اشير لج كلام لا تجازفين بعمرج توج بس صارلج يومين بالتاسع ليش مستعجله !!!!

لا تشربين شغلات اخاف ينبط الماي وتلعبيت بعمرج خليج ع المشي والجماع والتمرين الي قالت عنه الاخت انا كنت اسويه من اول يوم التاسع