تكفون ردوا

[صاحبة السمـو]

السلام عليكم

بنات اليوم سمعت خبر نزل علي مثل الصاعقة

اختي توها حامل بالبجر و اليوم لما راحت للطبيب و خذا عليها سونار قال لها ان نمو مخ واعصاب الجنين ما يتناسب مع عمره وباقي جسمه وهي الحين تقريبا بالاسبوع الـ 12 او الـ 14سالته شنو ممكن يسبب هالشي وشنو المشكله قالها الحل عند ربنا

المشكلة انا مو قادره انام و هي كذلك

ممككن تفهموني شنو اسباب هالخلل و شلون ممكن تعالجه ؟

ومنو احسن دكتور لاعصاب الاجنة ؟

وشكرا

 

[صاحبة السمـو]

بنات تكفون ردوا

عمركم سمعتوا بهالشي ؟؟

و وين احسن مكان تروح له عشان تأكد ؟

 

[آلجفوول ~]

الله يعافيه ي رب

والله مااعرف للاسف

 

[صاحبة السمـو]

الله يجزاج خير

وين الباقي ) :

 

[ام الفهد712]

حبيبتي يمكن حسابها غلط يمكن حامل متاخر علشان جذيه الاعصاب والمخ مو متناسب مع عمر الجنين

خل تروح حق خالدة المجيبل بحياة رويال وايد شاطرة حق الاجنه وهم فيه بحياة الدكتوره جنه اسمها حفصه او شي جذيه يمدحونهااا

وان شاءالله مافي الا العافيه والحسابات تكون غلط

 

[صاحبة السمـو]

ام الفهد

الله يطمنج تدرين اهي وزوجها حسابهم ان اهي بالاسبوع ال12 والدكتور يقول انها بالاسبوع الــ 14

يمكن في شي غلط

الله يجزاج خير ويا رب يكون هذا اهو السبب

 

[ام الفهد712]

حياتي لان انا صارت فيني كان حملي متاخر والجنين صغير على حساباتهم وبقووو يجهضونه بس قالولي ببنطر اسبوع ونشوف
بس الحمدالله طلع انا حسابي صح واهم الغلط
واحيانا ترى السونار يكون حسابه غلط او في شي رفيجتي صار فيها جذيه بالمواساة قالولها الجنين مو قاعد يكبر ولما راحت سوت سونار ثاني طلع كل شي طبيعي الحمدالله وسونار دكتورها خربان مايعطي المقاسات عدل


وان شاءالله مافي الا العافيه يارب لا تحاتي بس لا تسكت خل تروح حق كذا دكتور وتسأل لا تستعيل

 

[صاحبة السمـو]

الله يجزاج الجنة يارب

شرايج وين تروح ؟ لأي عيادة ؟

اهي اكبر خواتي وبجر أمي

فما نعرف بالعيادات كلش و ما بغيت اقول لامي عشان ما تحاتي

شرايج اي عيادة تروح ؟

 

[ام الفهد712]

خل تروح حق خالدة المجيبل برويال حياة يمدحونها حق الاجنة

وعندج دكتور مصطفى النيجيري بدار الشفا وااايد شااااااطر

 

[t.o.o.ot]

سهاااااالات ان شاء الله لاتستعجل اساساَ حالياَ احس االسونارات خوااااااارة وتطلع شغلات عجيبة غريبة اختي قالوا لها البيبي ميت وتعبت نفسيتها وحالتها حالة وعقب غيرت الدكتورة وكل الامور تمام ولله الحمد .....
عن نفسي افضل المراجعات من اخر الثالث عشان تتضح الصورة ....
والله يبلغها في البيبي يارب طيب ومتعافي ان شاء الله

 

[صاحبة السمـو]

ام الفهد الله يجزاج الجنة و يطمن قلبج مثل ما طنتي قلوبنا

تووت الله يسمع منج ويجزاج خير يارب

 

[ام الفهد712]

اجمعين يااااااارب
طمنينا عليهاااا حبيبتي

 

[صاحبة السمـو]

بإذن الله

 

[sosowaty]

ان شاء الله ما فيها الا العافيه والله يخيب ظن الدكتور

 

[أم عزيـز]

خل تروح لكذا دكتور وتاخذ منه استشاره
عشان تطمن وربج يكتب اللي فيه الخير

 

[روح الأحزان]

حبيبتي الاحسن تروح حق كذا دكتورة عشان تتأكد وان شاء الله ماكو الا كل خير

 

[غرومه غنوجه]

ماعجبني كلام الدكتور احسه ملخبط لو تروح لدكتور ثاني تطمن افضل يتروالي
وعسى ربي البيبي مافيه شي وسليم وكامل والكمال لله

 

[صاحبة السمـو]

حبيباتي جزاكم الله خير ?

ابشركم اختي راجت لدكتورين وقالولها ان حسابج للحمل غلط و راس الجنين واعصابه طبيعيه

ياربي لك الحمد

 

[عنـــآق ..!]

-


آلله يكتب لهآ الخير . .
ويفرج لهآ . .

 

[بيـآض الثلـج]

والله مادري

الله يشافيه و تفرح بشوفته ان شاء الله متعافي ​