تكفون رشحي لي ثلاثه

[سعوديه333]

السلام عليكم
نخيتكم مانخيت رخوم انا بازوركم الاسبوع الجاي لمدة 3 ايام وترها اول مره اشوف الكويت وطالبه مساعدتكم
1-سكن(شقق فندقيه) ابغاه حلووووو وراقي بس مو غالي
2-مطاعم
3-اسواق ومراكز ترفيهيه
يمكن ناسيه شيء اذا تعرفونه لاتبخلون علي ..ولاحظو انها 3 ايام يعني ابي افضل 3 خيارات
عزيزاتي ماعندي وقت ياليت تستعجلون
والفففففف شكر لكم مقدما

 

[Om_Ksha]

شقق فندقيه ماعندي فكره,, اب


اب


بس دام 3 ايام ليش ماتسكنون بفندق !! .. عندج فندق المرينا بالسوق كل شي حولج

 

[miss_whitemocha]

حبيبتي بالنسبة للشقق الفندقية عندج بودل بشارع المطاعم بالسالمية، ما عندي فكرة عن أسعاره يالغالية بس دايما أشوف عنده زحمة خليجين ماشالله، خصوصا إنه موقعه حلو والشارع حيوي وكله مطاعم و كل شي حوالينج..
مطاعم،، اللهم كثرها بالكويت بس حددي شنو تبين؟؟ إيطالي؟؟ هندي؟؟كويتي؟؟ لبناني؟؟؟ فيه واااااااايد..
أسواق: المارينا حلو، ينقسم جزأين، جزء محلات و مطاعم وسينما وألعاب أطفال، والجزء الثاني إسمه مارينا كرسنت يطل عالبحر كله مطاعم و قعدته وايد حلوة خصوصا الحين الجو يهبل عندنا..
عندج الأفينيوز بعد حلو و كبير و فيه مكان حق ألعاب اليهال و فيه مطاعم و محلات و جمعية وسينما، يعني هذا بروحه يبيلج يوم كامل تفترين فيه لين تتعبين,,
وعندج بعد مجمع 360 فيه محلات ماركات عالمية و في مطاعم راقية و حلوة و سينما و جمعية,,
عندنا مجمعات ثانية بس بصراحة ما تستاهل العنوة دام إنهم 3 أيام خليج على هال 3 مجمعات..​

 

[| تفاصيل |]

يوم روحي المركز العلمي وسوق المباركيه
ويوم الافنيوز و 360
ويوم المنطقه العاشره " الكوت المنشر وسوق الفحيحيل + البيرق والمحلات الي حوالينه

وخيارات ثانيه روحي شارع سالم المبارك فالسالميه كله مجمعات وشغل عدل
وروحي المهلب وحولي بارك
روحي فصلي دراريع فالعربيد ومري مغاتير ومجمعات الفروانيه

انصحج بالقعده في المارينا كرسنت الجو روعه
بالنسبه للمطاعم كل المجمعات فيها مطاعم حلوه
وهم عندج فريج صويلح والستينات اكل كويتي
وعندج مجمع سبونز في بوحليفه كله مطاعم والقعده مو صج

جو الكويت روعه الحين
تبارك الرحمن
يعني يكفي تقعدين بكافيه لان الجو بروحه بيونسج

 

[عيوني حلوه]

ثلاث ايام شويه حرام مددي

السكن اذا تبين فندق في رمادا اللي بالفروانيه

وغيره ماعندي فكره


المجمعات .. الأفنيوز فيه مطاعم وكل شي لازم تمرينه

المرينا مول .. هم حلو وترفيهي .. ودام الجو حلو تقعدون بمرينا كرسنت

وشارع سالم المبارك كله مطاعم ومجمعات مريه ..


مري شارع الخليج على البحر وشارع الحب ..


روحي الصبح جمعية الشاميه قعدي بـ ستار بوكس وتمشي بالمول مالها وتغدي الظهر فوق فيها ..

روحي الأبراج .. و تريقي بـ مطعم البلـد لان فيه تشوفين العاصمه و المباني الكبيره تحتج

اهو فوق بالطابق مادري جم

هذا اذا تبين جوله سياحيه ..



ــــــــــــــــــــــــ


اما اذا تبين اسواق اسعارها مناسبه وجذي قولي ؟! عشان نحدد لج الأماكن ..


انتي حددي شنو نوع الرحله وانا اضبط لج جدول :*

 

[سعوديه333]

تسلمووون الله لايحرمني منكم

 

[Tom ♥ Jerry]

.


الافنيوز
360
البيرق > آحبه :d
المرينا
المركز العلمي
المدينه الترفيهيه
حديقه الشعب

المطاعم

فرايديز
شيليز
فيلا فيروز
بي اف الافنيوز
المطعم الصيني بـ حولي
قيصر السالميه
روحو مطآعم الفنادق

 

[UNICORNA]

uuuuuuuuuuuuup

 

[ورده عنابيه]

حياج الله تنورينا وماقصروا البنات

 

[semaasem]

انا اعرف بودل بالسالمية بشارع المطاعم موقعهم حلو

 

[star warld]

Up up
Up up up

 

[Smracute]

ما شاء الله البنات ما قصروا

 

[سعوديه333]

تسلمون لي يالغوالي انا في الكويت الحين واستفدت من اقتراحتكم كثييييير وعن جد استمتعت فيها كثير,, جوها واهلها,, وبكرى:eh_s(16)::eh_s(16)::eh_s(16): بارجع السعوديه

 

[نونه الزعفرانه]

حياج الله

 

[123tootaa_q8]

روحي مجمع 360 ... والافنيوز ... بس كله زحمة

 

[* شوية أمل *]

حييآج بـ تنورينـآإ ,


والله يردج بالسسلالالامه ,

 

[FAROU7 ALSALI7]

كل شي عن الكويت تلاقينه هني..

http://travel.maktoob.com/vb/travelarab92/