تكفون ساعدوني حدي متوهقه. ..

[اتعبوني بغلاهم]

السلام عليكم يابنات...

شلونكم حبيباتي والله يابنات حدي متوهقه ومهمومه حيل أنا أمس طلعت الأربعين بس لما صار الجماع انفتحت من جدام لورا تتخيلوا شكل الدكتوره لما ولدتني شقته حيل ولا خيطته عدل علشان جذي من اتفه شي انفتح كله وهالموضوع مضايقنا أنا وزوجي حيل

منوو صار لها مثلي وشسوت علشان ترجع المنطقة مثل أول؟

 

[فرزاشيهـ]

اختي عفوا بس شلون انفتح ؟؟!!!

الخياط طبيعي يجبر اب ٢٠ يوم ماكسيمام

وانتي صارلج ٤٠ يوم يعني المفروض انه التام و خلص!

و شلون فتح ماصار نزيف !

 

[اتعبوني بغلاهم]

لا ما صار شي بس أنا لما كان لي 9 أيام نفأس كنت مداومه ولنا رجعت نزل معاي دم حيل كثير وحشيت بعوار بس ما راجعت لظروف ):

 

[Potato]

امبيه شلون انفتحتي !!

حبيبتي روحي للدكتوره شتنطرين :/

 

[جيلاان]

روحي للدكتوره شنو تنطرين
وهي بتقول لج أكيد شنو هذا ❤❤❤

 

[غلايو]

امي شي يخرع

كيف جذي !

 

[RO0O7Y KUWAITYA]

شششششششلون ..... روحي الطبيب

 

[اتعبوني بغلاهم]

بنات بالله قبل لا اروح للطبيب ولا وحده صارلها مثلي وقدرت تعالج عمرها؟

 

[حوريه ...]

مافهمت يعني الخياط انفتح

شلون طول فترة الاربعين ماألتم الجرح

الله يعينج ماعندي خلفيه

بس روحي دكتوره احسن

 

[حرم_الغلا]

ماعندي فكره



اب




اب

 

[ام الحلوااات]

رووووحــــــــــي الــطــبــيــب وااايـــــــد افــضــــل

 

[Umzayooon]

اكيد انتي مو عارفه تشرحين وضعج
ماكو خياط ينفتح عقب الاربعين
والاعلى قولتج من تاسع يوم نفاس اشلون ماشفتي شكله !!!!


يمكن مع الجماع حسيتي انج وسيعه او توسعتي بس اللحم ماينشق من الجماع بدون دم ؟!
بالحالتين راجعي دكتورتج اهيا اتعرف شغلها

 

[shayto0oNa]

ماعندي اي فكره


احسن شي تراجعين الدكتور


هذا اول بطن ؟؟

 

[فرزاشيهـ]

كلام ام زيوون صحيح. هالشعور انج تحسين ان في شي انشق او بالاحرى مثل شعور او ليله معناته خياطج مضبوط ترا وانن وضعج تمام

ب سالفة انشق الخياط كله كلش مو داشه عقلي لان اللحم ينجبر سبحان الله مستحيل ينشق الا بفعل فاعل يعني موس او مقص حاله حال اي قطعه لحم او جلد

ف انصحج تروحين لدكتوره افضل

 

[انا رائعه]

رفع

 

[اتعبوني بغلاهم]

بنات والله أنتو مو فاهميني تخيلوا ان المنطقة عندكم مفتوحة من جدام لي ورا سوري ع الوصف بس علشان تفهموني أكثر ): بس انشالله تتسهل الأمور واروح للدكتوره اشوف عمري

 

[انا لحبيبي .]

الله يهون عليكي

 

[اتعبوني بغلاهم]

تسلمين حبيبتي

 

[انا لها شمس]

مادري صراحه ولا انا قدرت افهم
لان شرحج مااااايدخل المخ
حاولي توضحين اكثر حبيبتي
وبعدين اذا حالتج صعبه جذي ليش
بعدج مارحتي الدكتور
ع جذي انتي دمج صفى