تكفون ساعدوني ماني عارفة شلون استخدمها واستحيت اسال عنها

[shinee]

قوة بنات بس بغيتكم تساعدوني بشغلة انا باجي لي جم يوم واطلع من النفاس وعطتني الدكتورة (تحاميل بيتادين) قالتلي احطهم قبل ما اطلع من النفاس ب 5 ايام بس المشكلة بنات انا اول مرة استخدم تحاميل وماني عارفة احطهم ورا والا جدام بليز بنات ساعدوني ولما شريتهم لقيت فيهم مثل الابرة يعني نحطهم بالابرة وندخلهم والا شلون يعني بختصار علموني طريقة الاستخدام
واهي حق شنو تستخدم يعني تنظف والا تضيج والا شنو بالضبط انا لان زوجي كان معاي عند الدكتورة استحيت اسالها عن هالاشياء​

 

[أم ريم]

أولا الحمد لله على السلامة
ثانيا التحاميل تنحط جدام و و هي مثلثة و تدخلينها بالعود بالمقلوب يعني راس المثلث يصير تحت و تحطينداخل اهي تنظف وتنزل الماي يعني تنشف و تعقم و تضيج واتمنى اني اكون فدتج

 

[مألوفة]

التحاميل حبيبتي تحطينهم جدام

انسدحي على ظهرج وحطيهم ودفعي باصبعج بس حطيهم وقت النوم وحطي لج فوطة نسائية

كل يوم حطي واحد حزة النوم مو تحطينه وتفرين بالبيت

 

[حلاتي غير]

بصراحه ظحكتيني التحاميل ياعمري تنحط من جدام واهي تنشف وتظيق المنطقه الف الحمدالله علي السلامه

 

[أم زايد ويزن]

ما قصرو البنات